James 1:5 - Syin Chin Bible

⁵ Ahihang note khat po in, ciimna na nei buale, a pia tu pa Pathian tungah thu ngen tahen; banghang ziam cile Pathian in ngo tatak le thuthiam takin, a kuama theampo tungah pia hi.

James 1:5 Iomraidhean Croise

1 Khangtaanghthu 22:12

Israel ngam sia ama Thukham bangin na uk thei natu in Topa na Pathian in a thuk mu tel theina le ciimna hong pia tahen.

2 Khangtaanghthu 1:10

tua ahikom amate ka uk natu in ka taangsap ciimna le heakna hong pia ta'n. Tua hi buathong le, hi za a tam na mipite koibang uk zo tu khi ziam?” ci in zo hi.

Psalm Late 51:6

Citakna le thumaanna sia na dei thu ahi hi; ka khua ngaisutna sia na ciimna taw hong dim ta'n.

Pusuana 31:3

ka vaangletna taw ama ka dimsak zo hi. Teltheina, thiamna, thiamneal tuatuam hi theina —

Pusuana 31:6

Ama taw naseam khawm tu in Dan minam sung pan Ahisamach ii tapa Oholiab zongh ka teal zo hi. Vawt tu in kong thupiak theampo a vawt thei natu in a dang khutthiamte zongh thiamna nasia tak ka pia zo hi:

Paunakte 8:17

Kei hong itte ka it hi; kei hong zong po in hong mu thei hi.

Matthew 11:20

Jesus ii nalamdang lakna a tamzaw a vawtna khuapite sungah a teang mihingte in, a mawna uh panin, kisiik kik tuan ngawl ahikom, ama in tua khuapite teih hi.

Mark 16:14

A khakbel in, Jesus sia nungzui sawm le khat te anneak laitakin kilak hi. Jesus in amate teih hi, banghang ziam cile amate in upna nei ngawl a, a thin uh pui ahikom, a nuntak kik a mute ii thu son a um zo bua uh hi.

John 14:13

Tuaciangin keima min suang a nong nget pawpo, Tapa tungtawnin Pa minthan natu in kong vawtsak tu hi.

John 15:7

Kei sungah nong om uh a, ka kammalte note sungah a om le tuasia ciang na uuk pawpo nong ngen tu a, na nga tu uh hi.

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

2 Corinth te 2:16

A mangthangte atu in tuasia in ngual a thisak thei a ui mama thina ngim hi a; ahihang ngupna a ngate atu in nuntakna a pia ngimnamtui ahi hi. Tua ahile tuabang nasepte a seam zo tu akua om ziam?

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.

1 John 3:22

Ama thupiakte zui a, ama diksak bang ih ngamtat manin, ama tung pan ih nget pawpo ih nga hi.