James 1:27 - Syin Chin Bible

²⁷ Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.

James 1:27 Iomraidhean Croise

Psalm Late 119:1

Topa thukham bangin nungta a, a nuntakna a sit baang ngawlte in mihing lungdamte ahi hi.

Psalm Late 146:9

Ih ngam sungah khualmi hong teangte ama in sungsia hi; ama in meingongte le tangate hu hi, ahihang a seksolte sia siatcip natu munah then hi.

Psalm Late 68:5

Ama ii Biakinnpi thiangtho sungah a teang Pathian in tangate khoi a, meingongte sungsia hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Matthew 12:32

Mihing Tapa a sonsiate kimaisak thei hi; ahihang Thaa Thiangtho a sonsiate tu hun ahizong, maisang a tawntung ahizong kimaisak ngawl tu hi.

Matthew 5:8

“Thinsung thiangthote in mihing lungdamte ahi uh hi; amate in Pathian mu tu uh hi!

Luke 1:6

Amate ngeal Pathian mai ah ngamtatna phate taw a nungtate hi a, Topa ii thukham le thupiaknate a zuite ahi uh hi.

Romete 12:2

Hi leitung pianzia zil in na om heak vun a, na thinsung uh kikhealthiangna taw Pathian in na sungsang uh panin na puuathaksak sitset vun. Tua hile a pha, dik a sak kicing a sak Pathian ii deinate na he tu uh hi.

Romete 2:13

Banghang ziam cile Pathian mai ah thutang suana in Thukham zaakna taw piang ngawl a Thukham sawlnate zuina taw piang hi.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Galatia te 3:11

Tu in Thukham taw Pathian mai ah kuama thutang kisuaksak ngawl ci sia kitel thiang hi, banghang ziam cile laithiangtho in, “Upna tungtawnin Pathian mai ah thutang a kisuaksak sia bek nungta tu hi,” ci hi.

Galatia te 5:6

Banghang ziam cile Christ Jesus taw pumkhatin ka om uh ciang vunteap atna ahizong, at ngawlna ahizong bangma kitumdanna a omsak bua hi; a thupi sia in ki itna tungtawn a, na a seam upna ahi hi.

Galatia te 6:14

Ahizong kei ka hile ih Topa Jesus Christ ii thinglamtee bekma ka kiphatsak pui tu hi; banghang ziam cile ama ii thinglamtee hangin leitung sia kei atu in a thisa hi a, keima in leitung atu in a thisa ka hi hi.

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

Thuhil kikna 14:29

Hi an sia neisa bangma a nei ngawl Levi te atu le, na khua sungah a teang ngamdangmite, tangate, le meingongte atu ahi hi. Amate hong pai in a kisap bangin la tu hi. Tuabangin vawt vun, tua hile na Topa Pathian in na nasep theampo thupha hong pia tu hi.

1 Timothy 1:5

Hi thupiakna ii tupna sia, lungtang thiangtho, thinsung thiangtho le upna tatak panin hong piang ki itna a khanto thei natu deina hi.

1 Timothy 5:4

Ahihang meingong khat in ta le tu a nei le, amate in biakna huvau sep tu a neite a innkuan sungah sin phot tahen, tua hile a nute a pate le a pute a pite ii ama tungah a sepnate a thuk kik hi tu hi, banghang ziam cile tua in Pathian diksak thu ahi hi.

Titus 2:12

Tua thu thiamna in, eite Pathian dei ngawl nuntakna zia, leitung taw kisai lungngul nate nusia in hong sawl a, hi leitung ah eima le eima a ki uk zo nuntakna, thutang le Pathian dei bang nuntaknate taw ih nuntak tu in hong hil hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

James 3:9

Leei sia ih Topa le Pa tungah lungdamkona in ih zangh a, Pathian taw a kisunin a kivawt ih mipuite haamsiatna in ih zangh si hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

2 Peter 1:4

Hi bangin hong kamciamsa ahi a lian mama le a manpha letsongte sia, leitung ah a om hong lalsak thei cii le sa deina pan suatakna na nga thei natu le ama pianzia na siim thei natu in hong piak ahi hi.

2 Peter 2:20

Mihingte in, leitung siatna thahatnate sung pan, ih Topa le ih Hunpa Jesus Christ heakna taw suakta zo hi napi, tuate ma in man kik a, zosak kik ahile, tuabang mihingte sia a kipat lai sangin a tawpna ah, a sia zaw mun theng hi.

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

1 John 5:18

Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.