James 1:26 - Syin Chin Bible

²⁶ Khat po in ama sia biakna kin mihing khat hi ing ci in a kingaisun ziam? Ama in a leei a uk zo buale ama ii a biakna sia a luithawthong suak a, ama le ama kitheam ahi hi.

James 1:26 Iomraidhean Croise

Job 15:13

Pathian tungah na thin uuk a, ama na son sia hi.

Job 30:11

Pathian in a thazawm le a cimaw in kei hong vawt zo ahikom amate in a thinsona taw kei hong langpan uh hi.

Psalm Late 141:3

Topa, ka kam ah a cing tu khat, ka muk kongkha ah a cing khat koi in.

Psalm Late 32:9

A ki uk thei natu in kamkhau bul a kul siphu ahibuale laa bangin na mawmaw heak vun” ci hi.

Psalm Late 34:13

Tua ahile kam ngilo pauna le leilot thusonnate pan kikeam vun.

Paunakte 10:19

Kam tam pau vaial lete mawna vawt vaial hi thei tha tu ni hi. Mihing ciim na hile pau ngawlin om khipkhep tu ni hi.

Paunakte 10:31

A thutang mihingte in ciimkam pau uh a, ahizong kamsia a pau leei sia kitawlngasak tu hi.

Paunakte 14:12

Lampi maan na sak khat in thina sung hong then thei hi.

Paunakte 15:2

Mihing ciimte a pau uh ciang heakna deihuaisak a, ahihang mihing mawmawte in nawnsan thu son nuam uh hi.

Paunakte 16:10

Kumpipa in Pathian ii thuneisakna taw pau hi; ama thukhennate sia maan tawntung hi.

Paunakte 16:25

A maan lampi hi ci in na up sia in thina sung hong then thei hi.

Paunakte 19:1

A leilot thei a mawmaw khat hi tu sangin, zawng napi a thumaan khat ih hi tu phazaw hi.

Paunakte 21:26

a dei teng a nga natu a ngaisut sia ama nasep hi bek hi. Thumaan thutang khat ahile ngual pia thei a, ngo takin pia hi.

Isaiah 1:13

Nong paipui uh biakpiaknate kimanna nei ngawl hi. Na hal uh paaknamtui ngim ka kii hi. Thadet Poaite, Sabbath nite le biakna kikhopnate ka thuak zo bua hi; tuate a vekpi in na mawnate uh in ninsak siat hi.

Isaiah 44:20

Ama sia vut ne te taw kibang lel hi. Ama ii mawmawt ngaisut nate in lamkhialsak zo a ama sia kihu zo nawn ngawl hi. A khut sungah a toai milim sia pathian hi vet ngawl hi, ama in ci nuam ngawl tu hi.

Malachi 3:14

Note in, ‘Pathian na ih sep sia a luithawthong hi. Ama ci bangin ih sep hangin bang kimanna om a, ih sepna sate huvau Vaanglianbelpa Topa mai ah khuangaina ih lak nop hangin bang phat tuamna om ziam?

Matthew 15:9

Kei hong biakna sia amate atu in kimanna om ngawl hi. Banghang ziam cile amate in mihingte ii vawttawm ngeina sia, kei ii thukham bangin kihil uh hi!”

Mark 7:7

Amate ii hong biakna sia kimanna om ngawl hi, banghang ziam cile amate in mihingte vawttawm ngeinate Pathian ii Thukham bangin hil uh hi!’ ci hi.

Luke 8:18

“Tua ahiciang na thu zaak uhte kidawm tavun; banghang ziam cile a neite tungah tamzaw kipia tu a, a nei ngawlte tung panin, nei a kisak tawmnote ngawngawn zongh kilaaksak tu hi,” ci hi.

1 Corinth te 15:15

Tua bek dom ngawlin kote sia Pathian tungtaang ah leilot thu son hong kici tu hi, banghang ziam cile Christ sia thina panin tho kik hi ci khu hi — ahihang mithite a nungta in kithosak ngawl hi takpi ahile, ama in Christ a thosak ngawl hi tu hi.

1 Corinth te 15:2

Tua lungdamna thu sia note tungah kong hil sia ahi hi. A luithawthong in a um na hi buana uh a, pha takin lungdamna thu na kholet uhle tua thupha in note hong ngum tu hi.

1 Corinth te 3:18

Kuama in ama le ama kitheam heak hen. Note sungah khat po in ama le ama sia, leitung paizia taw etna in, ciim a kisa le a ciim takpi ahi natu in a mawmawt phot kul tu hi.

Galatia te 2:6

Ahizong lampui tu bang ahi tuate — amate bang po ahizong kei atu a lamdan ngawlna taw hi bangin ka pau ahi hi; Pathian in a puasang pianzia te taw thukhen ngawl hi — tua lampui te in kei tungah ngaisutna thak piakna bangma hong nei ngawl hi ka ci hi.

Galatia te 2:9

Lampui ahi tuak James, Peter le John te in Pathian ii hi nasep tuam hong piakna hong heakpui hi; tua ahikom amate in Barnabas le kei hong nukset a, tuasia in ei teng maapang khawm tek tu ci in limlakna ahi hi. Barnabas le kei sia Gentile te sungah seam tu a, amate sia Jew te sungah seam tu in ka thukim uh hi.

Galatia te 3:4

Na heaksa theampo no atu in bangma mama hi ngawl ahi ziam? Tawm peuma khiakna nei nanak tu hi!

Galatia te 6:3

Khat po in ama sia bangma hi ngawl napi, hi a kisa le ama le ama kitheam hi bek hi.

Ephesus te 4:29

Kamsia pau heak vun, kammal manphate bek pau vun; kitaangsapna sungah a kizangh thei le hong sato thei kammalte pau vun, tua hile hong za po in, phattuamna nga tu hi.

Ephesus te 5:4

Kampauna sungah a kiihuai, a nin kammal le zummawk kammalte na zak tu uh zongh kilawm ngawl a, Pathian tungah lungdamkona kam na pau tu uh hizaw hi.

Thuhil kikna 11:16

A dang pathiante biakna le a na sepna taw in Topa kung pan noma le noma lam kipialsak heak vun.

Colossae te 4:6

Na kampau na uh sia a zaak nop huai hi tu a, a lawp huai hi tawntung tu hi, tuaciangin mihing khat sim tungah a maanin na zo kik thei tavun.

James 1:19

Ka it suapuite awng, hi thu ciamtee tavun! Mihing khat simin thu ngaina thu zaakna ah manlang tu a, ahizong pau papaih ngawl tu a thin uuk papaih ngawl tu kul hi.

James 1:22

Ama ii kammal ngaina bek taw noma le noma kitheam heak vun a; ngamtatna taw zui paih zaw vun.

James 2:20

Mihing mawmawte awng! ngamtatna om ngawl upna in, kimanna nei ngawl hi, ci thu a kilak tu na dei uh ziam?

1 Peter 3:10

Laithiangtho in: “Nuntak nuamin a nungta nuamte le hunphate a mu nuamte in, kam sia pau heak hen a, leilot thuson kheal nanak tahen.