James 1:25 - Syin Chin Bible

²⁵ Ahihang mihingte a suaktasak a kicing thukham sia pha takin a et zawkciang thupi ngaisut tawntung a, a zaak sia a mangil kik paih sia hi ngawlin, a zui — a nuntak puite peuma sia Pathian in a sepna ah thupha pia tu hi.

James 1:25 Iomraidhean Croise

Psalm Late 106:3

Ama thupiakte ni a, a tawntungin a maan in a seamte sia mihing lungdamte ahi hi.

Psalm Late 119:32

Na thupiakte thalawp takin ka zui tu hi, banghang ziam cile nangma in tel theina a tamzaw nong pia tu hi.

Psalm Late 119:45

A cialcing suatakna sungah ka nungta tu hi, banghang ziam cile na hilnate zui tu ka hanciam hi.

Paunakte 14:15

A mawmaw khat in na theampo um tu hi; khuangaisun theite in a kalsuan natu kidawm hi.

Isaiah 8:20

Amate tungah, “Topa in no hong hilna thute ngai vun! Thaa sam theite thu ngai heak vun — amate hong son thute ngimna taw hong kipealsak thei ngawl tu hi,” ci in zo vun.

Luke 11:28

Ahizong Jesus in, “Tua sangin Pathian kammal za a, a zuite in bangza in thupha nga zaw ziam!” ci in, zo kik hi.

John 13:17

Tu in thumaan he zo na hi uh kom, seam paih le uhte bangza in a lungdamte hi tu nu ziam!

John 8:36

Tapa in hong suaktasak le na suakta takpi tu uh hi,

Sawltakte 13:43

Kikhopna panin mipite a cia zawkciangin, Paul le Barnabas sia Jew mi tam mama le Jew te biakna sungah a tum Gentile mi tam mama in zui uh hi. Pathian ii thuthiamna sungah kip in, a nuntak natu sawltakte in, amate sonpui in hanthawn uh hi.

Sawltakte 2:42

Amate in a hun neite uh sia, sawltakte tung pan thusinna in zangh a, kipawlna sung, pawl anneakkhopna le thungetna sungah kihel tek uh hi.

Sawltakte 26:22

Ahihang tuni mama dong Pathian in hong hu top zo ahikom, hi sungah dingin a lian a no mi theampo tungah a kibangin, tetti ka pang hi. Tuabang ka son sia in kamsaangte le Moses ii hong tung tu hi ci in a sonkhol teng ma ahi hi:

Romete 11:22

Hisia san ah Pathian in bangza in cingh a, bangza nasia takin thukhen thei ziam ci in ih mu thei hi. Ama in a puk sate tungah nasia takin thukhen hi — ahihang ama ii cikna le thiamna sungah na om uh le ama cingh hi. Tuabang na hi bua uh le, no zongh hong kithiaktan tu hi.

Romete 2:13

Banghang ziam cile Pathian mai ah thutang suana in Thukham zaakna taw piang ngawl a Thukham sawlnate zuina taw piang hi.

Romete 7:12

Tua ahikom Thukham in thiangtho a, thupiakna zongh thiangtho in pha a, tang hi.

Romete 8:15

Banghang ziam cile Pathian hong piak Thaa in nang sia sila hong suaksak ngawl a, hong kiitasak ngawl hi; tua hizaw ngawlin, Thaa in Pathian ii tate hong suaksak a, Thaa vaangletna taw eite in Pathian tungah “Pa awng, ka Pa awng!” ih ci thei hi.

Romete 8:2

Banghang ziam cile Jesus Christ taw kop a nuntakna sungah hong then thaa ngeina in mawna le thina ngeinate panin hong suaktasak hi.

1 Corinth te 15:58

Tua ahikom, kong it suapuite awng, kip tak le maan takin om vun. Topa atu na nasep uh peuma a luithawthong suak ngawl het tu hi ci in na heak uh ahiciang Topa atu na nasepna sungah a tawntung komla vun.

2 Corinth te 13:5

Upna sungah na nungta uh ziam ci in na kitel natu in, noma le noma kisit vun a, noma le noma thu na kikhen vun. Christ Jesus in note sungah hong nungta hi ci in na he tatak na uh ziam? — noma a cingtaak ngawl het na hi buana uh le he tu ni hi.

Galatia te 2:4

ahizong mihing pawlkhat in vunteap atsak nuam hi. Christ Jesus taw ih kipumkhatna tungtawnin ih nga suatakna thu kan nuamin, hi mite pawlkhat sia ih thu uppuite bangin hong kivawt a, eite sungah thudawpku tu in hong tum ku hi. Amate in eite sila in hong kai nuam hi,

Galatia te 5:1

Suatakna sia ei neisa hi — Christ in hong suaktasak zo hi! Tua ahikom a suakta mihingte bangin, ding vun a, sila na suak kik nuam heak vun.

Galatia te 6:2

Khat le khat vanhngitte na kidawn tavun, tuabangin Christ ii thukham na zui tu uh hi.

Colossae te 1:23

A kho thu doppha tungah na thumaan tawntung vun a, lungdamna thu na zaak ciil uh lai a na nga uh lametna taw na kipeal nuam heak vun. Leitung mihing sim tungah a kihil hi lungdamna thu hu in keima Paul sia naseam khat suak ka hi hi.

1 Timothy 2:15

Ahihang, ama in upna, ki itna le thianthona sungah omdan thiamna taw zom suak pole numei sia ta a neina tungtawnin kingum tu hi.

1 Timothy 4:16

Nangma le nangma ki en in a, na hilna zongh en in a, kidawm in. Hi bang na vawtte zom to ta'n; banghang ziam cile tuabangin na vawt le nangma le na thusonna hong za te in ngupna nga tu uh hi.

Hebrew te 12:15

Pathian ii thuthiamna pan na heak kik ngawl natu kikeam tavun. A khaa thingkung khangto a, lalna tam mama a piangsak nguu a nei thingkung bang na hi heak vun.

James 2:12

Eite hong suatak thukham sia taw thu a kikhen tu mihingte bangin pau in, ngamta vun.

1 Peter 2:16

A suakta mite bangin nungta vun; ahizong ngitlo ngamtatnate seal natu in na suatakna uh zangh heak vun a, Pathian ii silate bangin nungta tavun.

1 John 2:24

Tua ahiciang a kipat pan na zaak uh ngupna thu sia noma thinsung uh ah na keamcing hamtang tavun. Tua thu na keamcing uh le Pa le Tapa taw pumkhatin na nungta tawntung tu uh hi.

Thupualaakna 14:13

Tua zawkciang, vantung panin awnging khat ka za a, “Hi sia at in. Tu pan kipan Topa nasepna sungah a thite sia mihing thupha ngate ahi uh hi,” ci hi. “Hi tatak hi! Amate in nasep haksatnate panin, tawlngakna nga tu hi, banghang ziam cile amate nasep phatna in amate zui tu hi,” ci in Thaa in zo hi.

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.

1 Samuel 12:14

Topa na Pathian zatak vawtin a na seam in, tuaciang a thu ni in, a thupiakte na ni uh a, noma le na kumpipa in ama nung na zui uh le na theampo a dik a pha in hong piang tu hi.