James 1:21 - Syin Chin Bible

²¹ Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

James 1:21 Iomraidhean Croise

Psalm Late 25:9

Ama in a kiniamkhiakte lam maan lakin ama deina hil hi.

Isaiah 2:20

Tua ni hong thet ciang, khamh le ngunn taw a vawt sa milimte, amate ma in vawkkeak tu a, tuate sia buite le bakte nusiat tu uh hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 30:22

Ngunn taw kizut in khamh taw a kituam, na milimte na la tu uh a, tuaciang ninteak bangin vawkkeak in, “Ka muna ah om heak vun!” ci in na ausan tu uh hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Ezekiel 18:31

A sia a kha na vawt uh theampo kheal vun a, thinthak lungthak na nei tavun. No Israel mite banghang thi nuam nu ziam?

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Zephaniah 2:3

Ama ii thupiakte a ni, ngam sungah a kiniamkhiak note theampo awng, Topa sangah hong kiheak tavun. A maan sia vawt vun a, Topa mai ah noma le noma kiniamkhiak vun. Tua hile Topa ii a thin uukna hong lak ni ciangin daan khak natu pan suakta tha tu nu hi.

Matthew 5:5

“A kiniamkhiakte in mihing lungdamte ahi uh hi; amate in Pathian kamciamte a saang tu uh hi!

John 6:63

Nuntakna a pia sia Pathian ii Thaa ahi hi; mihing thahatna in mannung mama ngawl hi. No tungah ka pau sa kammalte in nuntakna a pia Pathian ii Thaa hong tut ahi hi.

John 6:68

Simon Peter in, “Topa awng, akua kung pai tu khu ziam? Tawntung nuntakna a pia kammalte nangma in na nei hi.

Sawltakte 10:33

Tua ahikom thakhatin kong samsak a, na dikna hangin nong pai hi. Tu in Pathian mai ah ko teng na om ung, Topa ii nang son a hong sawl po ngai tu in hong ngak khu hi,” ci hi.

Sawltakte 13:26

“Abraham suan Israel ka mipuite le, hi sungah Pathian a bia Gentile te theampo awng, hi ngupna thu ei tungah hong kipuak zo ahi hi!

Romete 1:16

Lungdamna thupha sungah a kicingin muanna ka nei hi; tua in a umte theampo kingup natu Pathian ii vaangletna hi a Jew mite atu hi photin, tua zawkciang Gentile te atu zongh ahi hi.

Romete 11:17

Inn olive baak pawlkhat kithiaktan a, ngam olive baak sia inn olive kung tungah kipee hi. No Gentile te sia tua ngam olive baakte taw na kibang uh hi, tu in Jew te ii a kho thaa nuntakna na nga uh hi.

Romete 6:17

Bangpo ahizong Pathian tungah lungdamko tawng! Banghang ziam cile khatvei lai in note in mawna silate na hi uh a, na saansa uh hong kihil thumaan thutakte na thin theampo uh taw na ni zo uh hi.

1 Corinth te 15:2

Tua lungdamna thu sia note tungah kong hil sia ahi hi. A luithawthong in a um na hi buana uh a, pha takin lungdamna thu na kholet uhle tua thupha in note hong ngum tu hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Ephesus te 1:13

No ngupna hong puak thumaan thu ahi Lungdamna Thupha sia na zaak uh ciang, note zongh Pathian ii mihingte na suak uh hi. Note in Christ na um uh a, tuaciang Pathian in hong kamciamsa Thaa Thiangtho hong piakna taw ama ii neisa na hina uh tepteena tazeik note tungah hong tuum hi.

Ephesus te 4:22

Nidang a na nuntakziate uh taw hong nungtasak na milui uh — a maan ngawl duna le deinate ii a lalcipsak na milui uh sia vawkkeak vun.

Ephesus te 4:25

Tua ahiciang, leilot thu son nawn heak vun! Mihing sim in a thu uppuite tungah thumaan son tahen, banghang ziam cile eite in Christ ii pumpi sungah nate ih hi khawm siat hi.

Ephesus te 5:4

Kampauna sungah a kiihuai, a nin kammal le zummawk kammalte na zak tu uh zongh kilawm ngawl a, Pathian tungah lungdamkona kam na pau tu uh hizaw hi.

1 Thessalonica te 1:5

Banghang ziam cile Lungdamna Thupha sia, kammal nguak taw hi ngawlin, vaangletna le Thaa Thiangtho taw zongh le a thumaan thutak saan tatakna taw no kungah kong puak uh hi. Note taw ka om uh lai in bangbangin nungta khu ziam ci in nong he uh hi; tuate in noma ii phat natu ahi hi.

1 Thessalonica te 2:13

Tuaciangin, Pathian tungah a tawntung lungdam ka kona uh ahang khat zongh om hi. Pathian thu kong puak uh lai in, mihing ii thupuak bang hi ngawlin Pathian thupuak bang ahi takpi sia na za uh a, na saang uh hi. Banghang ziam cile no thu umte sungah Pathian in na hong seam hi.

Titus 2:11

Banghang ziam cile Pathian in mihing theampo ngupna nga natu in, a thuthiamna hong pualaak hi.

Hebrew te 12:1

Ei ih hi le, ih kiimkot ah hiza a tam mihonpi tetti ih nei hi. Tua ahikom ih mai hong khak thei na theampo le hong lencip thei mawnate vawkin, ih mai ah tai kidemna sungah thin khensatsa in tai tek tawng.

Hebrew te 2:3

Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.

Hebrew te 4:2

Banghang ziam cile eite zongh amate bangma in lungdamna thu ih za zo hi. Amate ahile tua thu za napi amate atu phatuamna a pia bua hi. Banghang ziam cile amate in a zaak uh ciangin upna taw a saang bua uh hi.

James 4:8

Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!

James 5:20

hi thu phawk tavun: a kuama po mihing a maw khat sia ama ngamtat khialna pan hong khealsak ahile, tua pa in mawneipa ii thaa a thi natu panin hun tu a, mawna tam mamate kimaisakna piangsak tu hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 1:9

banghang ziam cile ama na upna uh hu in na upna uh ii tupna bulpi a hi thaa ngupna sia na saang uh hi.

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.