James 1:19 - Syin Chin Bible

¹⁹ Ka it suapuite awng, hi thu ciamtee tavun! Mihing khat simin thu ngaina thu zaakna ah manlang tu a, ahizong pau papaih ngawl tu a thin uuk papaih ngawl tu kul hi.

James 1:19 Iomraidhean Croise

Nehemiah 8:18

Amate in poai hunsung ni masa pan kipan ni tawp ni dong ni simin Pathian ii Thukham khen khat veu sim uh hi. Amate in ni sali sung poaikhaam in, Thukham ii deina bangin ni liat ni in poai khupna vawt uh hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Nehemiah 9:3

Nai thum sung Topa a Pathian ii Thukham teng amate tungah kisim a, tua zawk nai thum sung a mawnate pualaak in, Topa a Pathian bia uh hi.

Job 32:16

Amate pau ngawl a om laitak ngak kenkon tu khi ziam? Amate tua munah dingin a pau tu he nawn ngawl uh hi.

Paunakte 10:19

Kam tam pau vaial lete mawna vawt vaial hi thei tha tu ni hi. Mihing ciim na hile pau ngawlin om khipkhep tu ni hi.

Paunakte 13:3

Na pau po kidawm in a, na nuntakna huu in. Kidawm ngawlin a pau khat in ama le ama kisiatsua hi.

Paunakte 14:17

A thinngeam mihingte in a mawmawthuai nate seam hi; a ciimzawte in dai takin om hi.

Paunakte 14:29

Dai takin na om le nang sia a ciim na hi hi, ahihang na thin a ngeam le, bangza mawmaw ci a lak hi bek ni hi.

Paunakte 15:18

Thinngeamna in kam kinialna piangsak a, ahihang thinsauna in kilemna hong puak hi.

Paunakte 15:2

Mihing ciimte a pau uh ciang heakna deihuaisak a, ahihang mihing mawmawte in nawnsan thu son nuam uh hi.

Paunakte 16:32

Thahatna sangin thinsauna phazaw hi. Khuapite na uk siat sangin nangma le nangma na ki uk zawk tu sia phazaw hi.

Paunakte 17:14

Kam kinial kipatna in tuicimna phung pan tuikee kipat bang hi; a nasiat ma in tawp vun.

Paunakte 17:27

Ama le ama a kimuang khat sia pau tawntung ngawl hi. A om hithiat mihingte sia thuthuk tatak muna nei hi.

Paunakte 18:13

Ngual kam na zo ma in ngai masa in. Tuabangin na hi buale nang sia mawmaw a, ngual a thusim ngawl na suak hi.

Paunakte 18:21

Na kampauna in nuntakna hong keam thei a, tua ahibuale zong hong lalsak thei hi; tua ahikom na kammal tung pan a piang thute lungkimin na thuak kul hi.

Paunakte 19:11

Khuangaisun thei khat na hile na thin tomna na uk zo tu hi. Nang tung hong taa khial khat a om ciang awlmawk ngawlin om theina in phatna lian khat ahi hi.

Paunakte 19:19

Mihing khat a thin a ngam le ama in a piang thute thuaksak in. Ngim nga natu panin khatvei na hun ngei le na hut kik kul tu hi.

Paunakte 21:23

Buaina taw na kipeal nuam le, na kampau kidawm in.

Paunakte 25:28

Na thin uukna na khaam zo buale luphung taw a ki uum ngawl, a kisim thei khuapi dongdai bangin na cimaw tu hi.

Paunakte 29:20

Ngaisun ngawlin a pau khat po atu sangin, a ngoai a mawmaw khat atu lametna om zaw hi.

Mi Simna 22:27

Tu ciang, laa sia vantunglalang a mu ciang boksuk hi. Balaam a thin vei zo ngawlin, a ciang taw a laa saat hi.

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Mark 12:37

“David mama in, ‘Topa’ ci hi; tua ahile Messiah sia David ii suan hi thei tu ziam,” ci hi. Mihon khat in Jesus ii thuson lungdam takin ngai uh hi.

Mark 2:2

Tua ahikom mihing tam mama hong kikhawmtua uh a, om natu mun awng zongh om nawn ngawl liangin kongbiang puasia dongin dim uh hi. Jesus in thu a hihil laitakin,

Luke 15:1

Ni khat shiadongte le ngual ii puavawk mihing pawlkhatte in, thu ngai tu in Jesus kungah pai a,

Luke 19:48

ahihang, amate in tuabang a pian thei natu in, lampi a mu bua uh hi, banghang ziam cile mihonte in, kammal no khat zongh a zaak khial tu uh uuk ngawlin, ama pauna ngai top uh hi.

Sawltakte 1:15

Ni tawmvei zawkciangin, thu um teng kikhopna khat om a, mihing za le kul bang pha uh hi. Tuaciang Peter sia thuson tu in, ding hi.

Sawltakte 10:33

Tua ahikom thakhatin kong samsak a, na dikna hangin nong pai hi. Tu in Pathian mai ah ko teng na om ung, Topa ii nang son a hong sawl po ngai tu in hong ngak khu hi,” ci hi.

Sawltakte 13:48

Gentile te in hi thu a zaak uh ciangin, lungdam a, Topa ii thupuak a pok uh hi; tuaciangin tawntung nuntakna nga tu a, a kiteal sate thu umte suak uh hi.

Sawltakte 17:11

Tua khua mite in Thessalonica khua mite sangin ngaisun kaak thei zaw uh hi. Amate in lawpna lian taw thusonte ngai in, Paul thusonte maan tatak ziam ci in a heak natu in ni simin Laithiangtho en uh hi.

Sawltakte 2:42

Amate in a hun neite uh sia, sawltakte tung pan thusinna in zangh a, kipawlna sung, pawl anneakkhopna le thungetna sungah kihel tek uh hi.

Ephesus te 4:26

Na thin uh a uuk le, na thin uukna in, mawna sung thensak heak vun, thin uukna taw na nivui heak vun.

Ephesus te 4:31

Thin natna, thin tomna le thin uukna theampo na vawk vun. Ki oksatna ahibuale kiselnona, ki etsatna a tuatuamte theampo vawk vun.

Colossae te 3:15

Christ ii thinnopna hong piak sia bang tu ziam cile na thukhensat nate sungah lam hong lak tu in, hong piak ahi hi. Banghang ziam cile hi thinnopna sungah note theampo pumkhatin a omkhawm tu, Pathian in hong sam hi. Tuaciangin lungdamko na thiam tavun.

Colossae te 3:8

Ahihang tu in note in, thin uukna, a sia thangaina, etsatna thin neina, hite theampo na vawk siat vun. Kiselnona le a kiihuai kammalte na muk uh pan pusuaksak ngei heak vun.

1 Thessalonica te 2:13

Tuaciangin, Pathian tungah a tawntung lungdam ka kona uh ahang khat zongh om hi. Pathian thu kong puak uh lai in, mihing ii thupuak bang hi ngawlin Pathian thupuak bang ahi takpi sia na za uh a, na saang uh hi. Banghang ziam cile no thu umte sungah Pathian in na hong seam hi.

James 1:16

Ka it suapuite awng, theamna um heak vun!

James 1:2

Ka suapuite awng, ze etna namcin na thuak uh ciangin hampha in na kingaisun tavun,

James 1:26

Khat po in ama sia biakna kin mihing khat hi ing ci in a kingaisun ziam? Ama in a leei a uk zo buale ama ii a biakna sia a luithawthong suak a, ama le ama kitheam ahi hi.

James 2:1

Ka suapuite awng, a minthang Topa, ih Topa Jesus Christ thu umte na hi uh bangma in, a puasang omzia etna taw kuama doidan ngei heak vun.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

James 3:10

Lungdamkona le haamsiatna kammalte sia kamhawng khat sung panin pusuak khawm hi. Ka suapuite awng, tubang hi tu kilawm ngawl hi!

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.

James 5:12

A thupibelin ci leang suapuite awng, kamciam na vawt uh ciangin tomlo in kiciam heak vun. Vantung taw ahizong leitung taw ahizong, nadang khat pawpo taw ahizong tomlo in kiciam heak vun. Hi na sak uh ciang, “Hi hi” bekma ci vun, ahi ngawlna ah, “Hi bo” ci lel vun, tua hile Pathian ii thukhenna na thuak buatu uh hi.

James 5:19

Ka suapuite awng, note sung panin, khat po in, thumaan thutak panin, lampial a, a dang khat in hong ciapui kik le,

1 John 2:21

Tua ahikom lai kong thaakna in thumaan thutak na tel ngawl uh hang hi ngawl hi; thumaan thutak na heak uh hang hi zaw a, tuaciangin thumaan thutak sung pan leilot thu hong piang ngeingawl ci zongh na heak uh ahi hi.