James 1:18 - Syin Chin Bible

¹⁸ Ama ii piansaknate theampo sung pan a thupibel ih sua thei natu in, thumaan kammal tungtawnin, ama ii deina om babangin eite hong piangsak hi.

James 1:18 Iomraidhean Croise

Jeremiah 2:3

Israel awng, nang in keima aa bek na hi a; nangma in a thiangtho ka neisa na hi hi. Nang hong nasak mihingte theampo tungah tuasiatna le ngimna ka tungsak hi. Keima, Topa in ka son zo hi,” hong ci hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

John 1:13

Amate leitung pianziate taw Pathian ii tate a suak hi ngawl hi, cinopna in, pa khat ii hin tate bangin a piang ahi bua hi; Pathian mama sia amate ii Pa ahi hi.

Romete 4:17

Laithiangtho in, “Minam tam mama ii pa kong suaksak zo hi,” a ci bangma ahi hi. Tua ahikom a thisa a nungtasak kik thei, a om ngeingawl laite thupiakna taw a piangsak thei, Abraham ii a up Pathian ii a muna ah tua kamciam sia kip hi.

1 Corinth te 4:15

Banghang ziam cile, na Tapidaw nuntakna sungah hong keam hong en tu 10,000 na nei hial uh zong pa khat bek na nei uh hi. Banghang ziam cile Christ taw kipumkhat in na nuntakna sungah Lungdamna Thupha note tungah kong puak hu in note ii pa ka suak zo hi.

2 Corinth te 6:7

a maan thuhilna le Pathian ii vaangletna teng taw ka lak uh hi. Thutang suana sia ka ngalhiam uh hi a, ngaldo natu le koma le koma kihuukna tu in ka nei uh hi.

Ephesus te 1:12

Tua ahikom Christ sungah lametna a nei phit eite in, Pathian ii minthanna pok tawng!

Ephesus te 1:13

No ngupna hong puak thumaan thu ahi Lungdamna Thupha sia na zaak uh ciang, note zongh Pathian ii mihingte na suak uh hi. Note in Christ na um uh a, tuaciang Pathian in hong kamciamsa Thaa Thiangtho hong piakna taw ama ii neisa na hina uh tepteena tazeik note tungah hong tuum hi.

2 Timothy 2:15

Pathian muna ah a kicing kikipsakna na nga natu in a phabelin naseam in a, nasep tungtaang ah a maizum natu a om ngawl naseampa bang hi in, Pathian thumaan thute a maan tak a hil theipa na hi in.

Hebrew te 12:23

Note in vantung ah a min a kikhum Pathian taciilte lungdam takin a kikhopna ah nong pai uh hi. Note in mihing theampo thukhenpa Pathian kung le a kicialcingsak mihingphate ii thaa omna munah nong pai uh hi.

James 1:15

Tuasia ciangin amate ii deina pha ngawlte a sung uh ah paai in mawna piangsak hi; tuaciang, mawna hong khanthin tak ciangin thina piangsak hi.

James 1:21

Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

James 3:14

Ahihang na thinsung ah eenna, thin natna le duhopnate a om le, na ciimna na kiphatsakpuina taw thumaan thutak sia langpanin mawna vawt heak in.

1 Peter 1:23

Banghang ziam cile a nungta tawntung Pathian kammal tungtawnin, a thi maw a nungta tawntung nu le pa khat ii tate bangin, na piangthak zo uh hi.

1 Peter 1:3

Topa Jesus Christ ii Pa le Pathian tungah lungdamko tawng! Hong hesuakna lian ahikomin, Jesus Christ sia thina pan a thawsak kikna taw nuntakna thak eite hong pia hi. Hi sia in a nungta lametna taw hong dimh hi,

1 John 3:9

Pathian ta ahi peuma sia mawna vawt a zom suak bua hi, banghang ziam cile Pathian pianzia mama ama sungah om hi; tuaciangin Pathian sia ama Pa hi zo ahikom mawna vawt a zomsuak thei bua hi.

Thupualaakna 14:4

Amate in numeite taw omkhopna a nei ngeingawl tangval thiangthote ahi uh hi. Amate in Tuuno paina theampo zui uh hi. Amate sia a taang lai mihing nam sung panin a kitan sate hi a, Pathian le Tuuno tungah a kipia masa phitte ahi uh hi.