James 1:13 - Syin Chin Bible

¹³ Mihing khat sia tuabang haksatnate taw ze etna a thuak le, “Hi ze etna sia, Pathian kung panin hong pai hi,” ci heak hen. Banghang ziam cile Pathian sia siatna in ze et zo ngawl hi, tuaciang ama mama in kuama a ze et bua hi.

James 1:13 Iomraidhean Croise

Pianciilna 22:1

Hun khat zawkciang Pathian in Abraham ze et a; “Abraham awng!” ci in sam hi. Tuasia ciang Abraham in, “Hi khi hi, keima hi sungah om ing,” ci in zo hi.

Pianciilna 3:12

Mihingpa in, “Kei taw a omkhawm tu nong piak numei in thingnga hong pia a, ka ne hi,” ci in zo hi.

Isaiah 63:17

Banghangin na lampi panin kote lam hong pialsak ni ziam? Banghangin nang kung pan lampial tu in thinpui mama tu in hong vawt ni ziam? Na na a seam mihingte atu le nangma mihing ahi tawntungte atu in hong heak kik ta'n.

Matthew 4:7

Jesus in, “Ahihang laithiangtho in, ‘Na Topa Pathian na ze et heak vun,’ zongh ci si hi,” ci in zo kik hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 1:14

Ahihang mihingte sia, amate ii a pha ngawl deinate in kai a, a awk ciang, ze etna thuak ahi hi.

James 1:2

Ka suapuite awng, ze etna namcin na thuak uh ciangin hampha in na kingaisun tavun,