James 1:12 - Syin Chin Bible

¹² Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 1:12 Iomraidhean Croise

Pianciilna 22:1

Hun khat zawkciang Pathian in Abraham ze et a; “Abraham awng!” ci in sam hi. Tuasia ciang Abraham in, “Hi khi hi, keima hi sungah om ing,” ci in zo hi.

Nehemiah 1:5

“Vantung ah a mang Topa Pathian awng! Nang na lian a, nangma kiita in ka om uh hi. Nangma hong itte le na thupiak a zuite tungah na thuciamna thumaan takin na len hi.

Job 2:10

Job in, “A lui thawthongin pau ni hi! Pathian in napha khat po hong puak ciang lawp takin ih saang hi. Ngimna hong puak ciang banghangin phun thei tu hi ziam?” ci in zo hi. Hite theampo a thuak kawm sung panin, Job in Pathian tungah kam ngaldo bangma pau ngawl hi.

Job 5:17

Pathian ii puua kik sia mi hampha ahi hi! Pathian in hong teih le thin uuk heak in.

Psalm Late 11:5

Topa in a miphate le a seksolte a kibangin encian khawm hi, tuaciangin a maitatte a thinsung theampo taw ensan hi.

Psalm Late 119:67

Daan nong piak ma in ka pai khial bul hi, ahihang tu in na pau kong ni hi.

Psalm Late 119:71

Daan ka thuakna in kei atu in pha hi, banghang ziam cile na thupiakte hong hesak hi.

Psalm Late 119:75

Topa awng, na thukhennate tang hi ci in ka he hi, tuaciang daan nong piak zongh nangma thumaan hang ahi hi.

Psalm Late 5:11

Ahihang nangma hong bealte theampo lungdam tahen. Amate in lungdamna taw lasa thei tawntung tahen. Nang hong itte na dal in, nang hu in amate lungdam takpi hi.

Psalm Late 94:12

Topa awng, nangma ii na lamlakte, nangma ii na thukham na hil mite in bangza a lungdamte ahi ziam!

Pusuana 20:6

Ahizong kei hong it in, ka thukhamte a zuite ahile ka itna a khang tul tampite tungah ka lak tu hi.

Paunakte 17:3

Khamh le ngunn sia mei taw hal in kisit hi, Topa in mihing khat ii thinsung sit hi.

Isaiah 64:4

Ama sungah lametna a nei mihingte atu in tuabang na a seam, nangma bang Pathian khat sia kuama in mu ngeingawl a, za zongh za ngeingawl uh hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

Romete 5:4

thuak zawkna in Pathian thukimna piangsak in, ama hong thukimpuina in lametna piangsak hi.

Romete 8:28

Pathian ii tupna taw a sam sa ahi ama a itte atu in na theampo Pathian in a phabel in piangsak hi.

1 Corinth te 2:9

Ahitazong, laithiangtho in, “Kuama ii a mu ngeingawl a zaak ngeingawl, suak thei tu in a ngaisut ngeingawl thu sia, ama a itte atu in Pathian ii a vawtkhol sa ahi hi,” a ci bangma ahi hi.

1 Corinth te 8:3

Ahihang Pathian a it mihing khat sia Pathian in he hi.

1 Corinth te 9:25

A kikhomsuan ngawl paakkual lukhu khat a kikhuksak natu in, a kimai khat sim in a sinna sungah a haksa mama kitekna nuai ah kipum aap hi; ahihang eite ih hile, a tawntungin a kip tel atu in ih seam hi.

Thuhil kikna 13:3

ama awlmawk heak vun. Topa sia na thin theampo taw na it takpi ziam ci in hong heak nop manin, Topa na Pathian in tua pa zangh in hong ze et ahi hi.

Thuhil kikna 7:9

Topa na Pathian sia Pathian khat bek ahi hunlam le ama ii thumaanna phawk vun. Ama in a thuciam keamcing tu a, ama a itte le a thupiakte a zui mihingte khang tulkhat dongin a itna kip lak tu hi,

Thuhil kikna 8:2

A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun.

2 Timothy 2:15

Pathian muna ah a kicing kikipsakna na nga natu in a phabelin naseam in a, nasep tungtaang ah a maizum natu a om ngawl naseampa bang hi in, Pathian thumaan thute a maan tak a hil theipa na hi in.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Hebrew te 10:32

A bosa hun sungah note, bangbang hi kana nu ziam, phawk kik vun. Tualai in, Pathian khuavak sia no tungah hong taan zawkciang, na tam mama na thuak ngei uh hi. Ahitazong kisaan in na hanciamna ah, na lel bua uh hi.

Hebrew te 11:17

Pathian in Abraham a ze et lai in, a tapa Isaac sia sangaw biakpiakna bangin a pia ngamsak sia upna ahi hi. Abraham sia Pathian ii kamciam a piakna pa hi napi ama in a tapa khat bek a nei sia sangaw biakpiakna in nei tu kithoai hi.

Hebrew te 12:5

Pathian in a tate na hina uh taw hanthotna kam hong paute mangil zo nu ziam? “Ka tapa awng, Topa ii hong hil ciangin, a pha takin ngai in, hong teih ciangin thinkiam heak vun.

Hebrew te 6:15

Abraham sia a thinsau ahikom Pathian ii kamciam teng a saang hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

James 5:11

Amate sia mihing lungdamte hi ih ci hi, banghang ziam cile amate in thuak zo uh hi. Job ii thin sauna te na za zo uh a, a tawpna ah Topa ii piakkikna thu na he zo uh hi. Banghang ziam cile, Topa sia hesuakna le ciliapna taw kidim hi.

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.

1 Peter 4:13

Christ ii vaangletna hong kilangh ciangin, lungdamna a cingin na nga thei natu in, ama thuaknate thuakpui na hi uh komin, lungdam zaw tavun.

1 Peter 4:14

Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.

1 Peter 5:10

Ahihang tawmvei na thuak zawk uh ciangin, Christ taw pumkhat hina taw, ama ii a bomaw minthanna nga tu a hong sam, thuthiamna theampo ii Pathian, ama mama in no hong cialcingsak tu a, kipsakna, thahatna le, bul khona hong pia tu hi.

1 Peter 5:4

Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.

1 John 4:19

Pathian in ei hong it masa ahikom eite in ama ih it hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 3:19

Ka it te a vekpi in, teihin daan ka pia hi. Tua ahikom na thin takpi taw in, na mawnate pan kisiik kik in.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.