James 1:10 - Syin Chin Bible

¹⁰ tuaciangin a hau Tapidawte sia Pathian in a khiasuk le a lungdam tu uh ahi hi. Banghang ziam cile a hau khat sia ngam lopa paak bangin bo tu hi.

James 1:10 Iomraidhean Croise

Job 14:2

Ih khangto a, paakte bangin manlang takin ih vul hi; limhte bangin ih bo hi.

Psalm Late 102:11

Ka nuntakna in nitak niliap bang hi a, keima in lopa ko taw ka kibang hi.

Psalm Late 103:15

Eite ih hile ih nuntakna sia lopa bang ahi hi. Ngam paak khat bangin ih khang a ih palh hi;

Psalm Late 37:2

Amate in lopa ko bangin bo pal tu hi; thingno vulte bangin thi tu hi.

Psalm Late 39:6

limh khat bang hi lel hi. Ama sep le vawtte bangma in a kimang bua hi; ama in nei le lamh khawmtua ahitazong akua in lua tu ziam ci in a he bua hi.

Isaiah 40:6

Aw khat hong ngingin, “Thu khat thangsak in!” hong ci hi. “Bang thu thangsak tu khi ziam” ci in ka dongh hi. “Mihing theampo sia lopa taw kibang a; ngam sungah a om paakte sangin khuangei nungta zaw tuan ngawl ahi sia thangsak in.

Isaiah 40:7

Topa in tuate vui in a seamsak ciang lopate kongaw in paakte vul hi. Mihingte sia lopate sangin thuak zo zaw tuan ngawl hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Matthew 6:30

Tuni in po a, zing ciang a bo tu meikhuk sung a kihal tu lopa — hi lopa a zeam sia Pathian hi. Ama in no hong zeam zaw tu ahi sia muang ngawl nu ziam? Na nei uh upna sia bangza in no ziam!

1 Corinth te 7:31

leitung thil le vanhte taw kisai in nasep neite in tuate taw hunbit a komla ngawl bangin a om uh kul tu hi. Banghang ziam cile hi leitung in tu a bang ahile, ngei kip nawn ngawl tu hi.

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

James 4:14

Na nuntakna sia zing ciangin bangbang hi tu ci ngawngawn na he bua uh hi! Note in tawmvei hong kilangh zok a, a bo kik meikhu lomno khat taw na kibang uh hi.

1 Peter 1:24

Laithiangtho in, “Mihing theampo sia lopa bang hi a, amate ii minthanna sia duisung paakte taw kibang hi. Tua lopa ko a, tua paakte pul hi.

1 John 2:17

Leitung le a sungah a om, mihingte lungngul thei na theampo hong bo tu hi; ahihang Pathian ii deina bangin a seamte in a tawntungin nungta hi.