James 1:1 - Syin Chin Bible

¹ Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.

James 1:1 Iomraidhean Croise

1 Kumpite 18:31

Israel ci in Topa ii Israel min a piakpa Jacob tate min a kivaw nam sawm le nam nii sim atu in suangtum sawm le nii la hi.

Ezra 6:17

Biakinnpi aapna in amate in khuital 100, tuu 200, le tuuno 400 te sangaw biakpiakna in pia a, Israel nam sim atu mawphel biakpiakna in keal khat tek, keal 12 pia uh hi.

Esther 3:8

Tua ahiciang Haman in kumpipa tungah, “Na kumpi ukna ngamsung theampo ah a kithethaang le ngamke theampo ah a kimu minam khat om hi. Amate ii zui a ngeinate sia midangte a taw kibang ngawl hi. Tua banah na kumpi ukna ngamsung upadi te zui nuam ngawl ahikom tuate na koithong tu sia nang atu in pha ngawl hi.

Pusuana 24:4

Topa thupiak theampo Moses in at siat hi. A zing ciang zing tuungin mualpeang ah Moses in biaknatau khat sa in, Israel minam sawm le niite atu in suangtum sawm le nii phut hi.

Pusuana 28:21

Israel minamte taangin Jacob tapa khat tek ii min a ki at suang sawm le nii na koi tu hi.

Pusuana 39:14

Israel minam sawm le niite taang tu in, suang sawm le niite tungah Jacob tapa sawm le niite khat tek ii min khen hi.

Ezekiel 12:15

“A dang minamte sung le ngamdang te ah ka thethaang tak ciang amate in Kei, Topa ka hi hunlam hong he tu uh hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Matthew 10:3

Philip le Bartholomew; Thomas le shiadongpa Matthew; Alphaeus ii tapa James le Thaddaeus;

Matthew 13:55

Ama sia lettama pa tapa ma hi kana ngawl ziam? A nu sia Mary ma hi a, a suapuite sia James, Joseph, Simon le Judas te hi kana ngawl ziam?

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Mark 3:18

Andrew, Philip, Bartholomew, Matthew, Thomas, Alphaeus ii tapa James, Thaddaeus, Minam itpa Simon,

Luke 22:30

ka ngamsung ka sabuai ah no sia kei taw anne tuidawn khawm in, na om tu uh a, kumpi tokhum tungah to in, Israel minam sawm le niite na uk tu uh hi.

Luke 6:15

Matthew le Thomas, Alphaeus ii tapa James le Simon (minam it a kici pa),

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 7:35

Jew thuneite in, amate teng kikum uh a, “Ei mu ngawl tu in, ama koisung pai sawm ziam? Ih mihingte teenna Greek khuapite ah ama pai in, Greek mite hilcian tu ziam?

Sawltakte 1:13

Amate Jerusalem khua sungah tumin, a taam ngeina mun inn tung dawl sungah om uh hi. Amate teng sia Peter, John, James le Andrew, Philip le Thomas, Bartholomew le Matthew, Alphaeus, ii tapa James, Minam it Simon, le James ii tapa Judas ahi uh hi.

Sawltakte 12:17

Amate a thim natu in a khut taw lak a, thonginn sung pan Topa ii ama a pusuasakna thu teng son hi. “Hi thu James le thu um dangte munah son tavun,” a ci zawkciangin amate nusia in mun dang khat ah pai hi.

Sawltakte 15:13

A son tu teng a man zawkciangin, James hong pau a “Hong ngai tavun, suapuite awng!

Sawltakte 15:21

Banghang ziam cile, Moses Thukham sia Sabbath ni simin, synagogue te ah khuangei hialma kisim zo a, ama kammalte sia khua sim ah kihil zo hi,” ci hi.

Sawltakte 15:23

amate in hi laithakte puasak uh hi: “Ko sawltakte le pawlpi upate, na suapuite in Antioch, Syria le Cilicia a teang Gentile suapuite theampo tungah, kipaupuina lai kong thaak uh hi.

Sawltakte 2:5

Tua laitak leitung theampo pan hong pai biakna kin Jew te Jerusalem khua ah teang uh hi.

Sawltakte 21:18

A zing ciangin, Paul taw James kungah ka haw uh hi; tua munah pawlpi upa theampo om uh hi.

Sawltakte 23:26

“Claudius Lysias in a zatak huai ngamuk mangpa Felix kong paupui hi.

Sawltakte 26:7

koma minam sawm le niite ii a sun a zanin Pathian ka biak uh ciang tua kamciam bangin nga tu sia ko ii lamet thu ahi hi. Vaangnei Kumpi awng, hi lametna hangin, Jew te in kei sia hong mawsak hi!

Sawltakte 8:1

Tuaciang Stephen a thalupna sia Saul in lungkimpui hi. Tua ni mama in Jerusalem a om pawlpi sia vawtsiatna nasia takin thuak tu kipan hi. Sawltakte simngawl thu um dangte theampo sia Judea le Samaria ngamkhente sungah kithethaang siat uh hi.

Romete 1:1

Lungdamna Thupha hil tu in Pathian ii a sap, sawltak khat tu in a teal, Jesus Christ ii naseampa ahi Paul ii laithak ahi hi.

Galatia te 1:19

Topa ii suapuipa James simngawl sawltak dangte ka mu bua hi.

Galatia te 2:12

James ii hong puak mihing pawlkhat tua mun a thet ma in, Peter sia Gentile suapuite taw an nekhawm zo hi. Ahihang hi mite hong thet zawkciang, vunteap a atsak nuamte a kiitak hu in, ama kikeam a, Gentile te taw an a nekhawm nuam bua hi.

Galatia te 2:9

Lampui ahi tuak James, Peter le John te in Pathian ii hi nasep tuam hong piakna hong heakpui hi; tua ahikom amate in Barnabas le kei hong nukset a, tuasia in ei teng maapang khawm tek tu ci in limlakna ahi hi. Barnabas le kei sia Gentile te sungah seam tu a, amate sia Jew te sungah seam tu in ka thukim uh hi.

Thuhil kikna 28:64

“Topa in note sia leimong khat pan mong khat dong, minamte theampo sungah hong thethaang tu a, tualai ah noma le na taanghpupite ii biak ngeingawl pathiante, thing le suang taw a kivawt pathiante na, na seam tu uh hi.

Thuhil kikna 30:3

Topa na Pathian in no hong hesuak tu hi. Ama in note hong thethaang na ngamte pan hong pui kik tu a, hong nuamsasak kik tu hi.

Thuhil kikna 32:26

Keima in amate ka mon siat tu a, tua hile kuama in amate ciamtee ngawl tu hi.

Thuhil kikna 4:27

Minam dangte sungah Topa in hong thethaang tu a, no tawm bek na suakta tu uh hi.

Philippi te 1:1

Christ Jesus ii naseamte ahi Paul le Timothy in — Christ Jesus taw pumkhat a om pawlpi lampuite le, Husyate a kihel Philippi ah a om Pathian ii mite theampo tungah lai kong thaak uh hi.

2 Timothy 4:21

Phalbi ma in nong pai natu hong hanciam tavun. Eubulus, Pudens, Linus le Claudia te in paupuina hong thaak hi. Tuasia bangma in Tapidaw suapui dangte zongh in hong thaak hi.

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

Jude 1:1

Jesus Christ ii naseam, James ii suapuipa Jude kung pan — Pa Pathian ii itna sung le Jesus Christ ii kepcingna sung a nungta Pathian ii sapsate tungah laithak ahi hi:

Thupualaakna 7:4

Tuaciang a talki tungah Pathian ii tepteena a nga sia 144,000 pha hi ci in kei tungah hong kison hi. Amate sia Israel minam sawm le niite pan hi a,