Isaiah 7:4 - Syin Chin Bible

⁴ Ama kinging sa in a om khinkhian natu le a thin patau ngawl natu in son in. Kumpipa Rezin le ama ii Syria mite le Pekah kumpipa ii thin uukna te sia meikuang valiat thingkhua nii panin meikhu sia sangin lauhuai ngawl zaw hi.

Isaiah 7:4 Iomraidhean Croise

2 Kumpite 15:27

Judah Kumpipa Uzziah ii a maan zawk a kum 52 kumin Remaliah ii tapa Pekah sia Israel te kumpipa suak a, ama in Samaria ah kum kul sung maang hi.

2 Khangtaanghthu 20:17

Note in hi ngal do kul ngawl tu hi. Panmunte la po vun a, ngak vun; Topa ii zawna hong piak na mu tu uh hi. Judah mite le Jerusalem mite awng, haisaang heak vun a lau heak vun. Ngalsim tu in kuan vun, Topa in note hong ompui tu hi!” ci hi.

Isaiah 10:24

Vaanglianpipa Topa Vaanglianbelpa in Zion ah a teang a mite tungah, “Egypt te in note hong zawthawk vawt tawntung bangin, Assyria te in note hong zothaw hial zongin amate kiita heak vun.

Isaiah 30:15

Vaanglianpipa Topa Israel te ii a thiangtho Pathian in mihingte tungah, “Hong heak kik tavun a, keima hong muang hiithiat tavun. Tua hile na tha uh hat tu a, ngammuang tu nu hi,” ci hi. Ahihang nong nial uh hi!

Isaiah 30:7

Egypt te ii a piak huna sia lui thawthong ahi hi. Tua ahikom Egypt sia, ‘Bangma hong law thei ngawl Ngulpui’ ci in min ka phua hi,” ci hi.

Isaiah 35:4

“Hat vun a lau heak vun! Pathian sia note hong suatak tu le na ngalte uh daan pia tu in hong pai tu hi,” ci in a thinkiamte theampo son vun.

Isaiah 37:6

hi bangin zo kik hi: “Topa in note hong hun zo ngawl tu hi ci a, Assyria te ii hong son hangin na patau ngawl natu uh in Topa in note hong son hi.

Isaiah 41:14

Topa in, “Israel awng, note in mi cii tawmte le a thazawmte na hi uh hi. lau heak vun; hong hu tu khi hi. Keima, Israel ii a thiangtho Pathian sia nang hong ngumpa ka hi hi.

Isaiah 7:1

Jotham ii tapa, Uzziah ii tupa ahi, Ahaz kumpipa in Judah ngam a uk lai in ngal piang hi. Syria kumpipa Rezin le Israel te kumpipa Remaliah ii tapa Pekah in Jerusalem khua sim a, ahihang la zo ngawl hi.

Isaiah 7:8

Banghang ziam? Syria sia a khuapi Damascus sangin thahat zaw ngawl a, Damascus sia Kumpipa Rezin sangin thahat zaw ngawl ahihang hi. Israel ngam ahile, ngam khat in a din zawk nawn ngawl natu in kum sawmluk le kum nga sungin kitamhtham dipdeap tu hi.

Isaiah 7:9

Israel sia a khuapi Samaria sangin thahat zaw ngawl a, Samaria sia Pekah kumpipa sangin thahat zaw ngawl hi. “Na upna a kip buale nang na kip zo buatu hi,” ci hi.

Isaiah 8:4

Patang in, ‘Nu awng’, ‘Pa awng’ a ci thei ma in, Damascus khua hauna theampo le Samaria khua pan a kisuttol vanhte theampo, Assyria kumpipa in la in pua siat tu hi,” hong ci hi.

Isaiah 8:6

Ama in, “Hi mihingte in dam tak a luang Shiloah luitui nial zo ahikom Rezin le Pekah kumpite mai ah lau in liing vadil tu a,

Kaa late 3:26

Tua ahikom eite atu in, thin sauna taw ama ngakin ih om tu — eite hong ngum tu in ama ngakin ih om tu — phabel hi.

Amos 4:11

“No pawlkhat sia Sodom le Gomorrah ka suksiat bangin kong susia hi. No a thi mong teng sia meikhuk khat pan a kiteen thingkhua kaanghmong bang na hi uh hi. Tua hi napi, kei kung nong zuan kik tuan bua lai uh hi,” ci hi.

Habakkuk 2:3

Lai taw at in, banghang ziam cile tuasia a taangtut tu hun theng ngawl lai hi. Ahihang hun sia a manlangin hong theng tu a, kong lak sia taangtung tu hi. Hong pian tu haisaang thei tha tu hi, ahizong tuasia ngak in; hong piang tatak tu a, hong haisaang ngawl tu hi.

Zechariah 3:2

Topa vantunglalang in Satan munah, “Topa in nang hong puavawk tahen, Satan awng! Jerusalem a it Topa in nang hong puavawk tahen. Hi sia pa in meikhuk sung pan a kiteen kik thingkhua khat taw kibang hi,” ci hi.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Matthew 24:6

A naina ah ngal kidona aw na za tu uh a, a khualana ah ngal kidona thu hong kison tu hi; ahihang patau heak vun. Tuabangte hong piang nanak tu a, ahihang hun bona hong theng zo hi, cina hi ngawl hi.

Thuhil kikna 20:3

‘Israel mite awng ngai vun! Tuni in ngal simin na kuan tu uh hi. Na ngalte kiita heak vun a, lau in liing heak vun.

1 Samuel 17:32

David in Saul munah, “Kumpipa awng, hi Philistine pa sia kuama ii kiitak kul ngawl hi! Keima pai in ama do tu khi hi,” ci hi.