Isaiah 7:1 - Syin Chin Bible

¹ Jotham ii tapa, Uzziah ii tupa ahi, Ahaz kumpipa in Judah ngam a uk lai in ngal piang hi. Syria kumpipa Rezin le Israel te kumpipa Remaliah ii tapa Pekah in Jerusalem khua sim a, ahihang la zo ngawl hi.

Isaiah 7:1 Iomraidhean Croise

2 Kumpite 15:25

Pekahiah ii ngalkap ulian khat ahi Remaliah ii tapa Pekah in Gilead khua pan mihing 50 taw ama thasawmin, Samaria kumpi inn a sungnung kulh sungah Pekahiah sia suamlum a, ama in a kumpi za lua hi.

2 Kumpite 15:27

Judah Kumpipa Uzziah ii a maan zawk a kum 52 kumin Remaliah ii tapa Pekah sia Israel te kumpipa suak a, ama in Samaria ah kum kul sung maang hi.

2 Kumpite 15:37

Ama kumpipa ahi laitakin Topa in Judah te sim tu in Syria te kumpipa Rezin puak masa a, tuaciang Israel te kumpipa Pekah puak hi.

2 Kumpite 16:1

Remaliah ii tapa Israel te ii kumpipa Pekah ii maan zawk kum sawm le kum sali kum in Jotham ii tapa Ahaz sia Judah te kumpipa suak hi,

2 Kumpite 16:5

Syria te kumpipa Rezin le Israel kumpipa Pekah in Jerusalem sim a, uumci ahihang Ahaz sia zo zo ngawl uh hi.

Isaiah 1:1

Hi laibu sungah, Amoz ii tapa Isaiah tungah Judah kumpite ahi Uzziah, Jotham, Ahaz le Hezekiah te hun lai in Judah le Jerusalem huvau Pathian pualaak thute kihel hi.

Isaiah 8:6

Ama in, “Hi mihingte in dam tak a luang Shiloah luitui nial zo ahikom Rezin le Pekah kumpite mai ah lau in liing vadil tu a,

Isaiah 9:11

Amate sim tu in, Topa in a ngalte hol hi.

Ezekiel 27:16

Syria mite in na vanh zuakte le na vawtsa na tampite hong lei uh hi. Amate in emerald suang eng, puan sandup, paak kingelh puan, puanneal pha, tuipi muanpaak le ruby suangsante sia vanh manphate leina in hong nei hi.

Hosea 1:1

Hisia in Kumpi Uzziah, Jotham, Ahaz le Hezekiah te Judah ngam ah kumpi in a maan hun le Jehoash tapa Jeroboam Israel kumpi in a maan hun a, Beeri tapa Hosea tungah Topa ii piak thupuak ahi hi.

Micah 1:1

Judah kumpite ahi Jotham, Ahaz le Hezekiah te ii maan laitakin Moresheth khua mi Micah tungah Topa in hi thupuak pia hi. Samaria le Jerusalem taw kisai in Micah tungah Topa in hi thu teng pualaak hi.