Isaiah 5:2 - Syin Chin Bible

² Ama in leito in suang teng vawk a; sapitkung pha belte suan hi. Ama in tuate a cin natu in tausaang khat sa in, sapitngate a cil natu in leidum khat to hi. Ama in sapit a min tu ngak a, ahihang sapitnga theampo thuk siat hi.

Isaiah 5:2 Iomraidhean Croise

2 Samuel 7:10

Ka mi Israel te ten natu mun khat ka teal zo a, tua munah amate kinengniam nawn ngawlin nungta tu uh hi. Ngam hisia sungah amate hong tum pan kipan mihing ngoltolte in sim tawntung ahihang hi bangte piang kik nawn ngawl tu hi. Na ngalte kung pan kong kepcing natu le suan le paal na nei natu in kamciam kong pia zo hi.

Nehemiah 13:15

Tua hunlai Judah ngam ah mite in Sabbath ni in sapittui a suuk uh ka mu hi. Midangte in an, sapittui, sapitngate, thei ngate le, nadang teng a laate tungah suanhin Jerusalem ah a tumpui ka mu a; Sabbath ni in bangma a zuak ngawl natu in a kidop natu thu ka pia hi.

Psalm Late 80:8

Nangma in sapitkung khat Egypt panin na la a, minam dangte hawlkeak in amate leitang tungah tuasia na suan hi.

Psalm Late 80:9

Nangma in tuasia a khan natu in mun khat na thiangsak hi; zung thuk thasuk a ngam bup huamin zaam hi.

Pusuana 33:16

Kote nong tonpui bua ahile, keima le na mite tungah na lungkimna thu akua in bangbangin hong he tu ziam? Kote nong ompuina in leitung midangte sung pan kote hong kilamdangsak tu hi,” ci in zo kik hi.

Isaiah 1:8

Jerusalem khuapi bek taanglai a, tua zongh ki uumci a — sapithuan sungah huan cingpa ii buk ahibuale, tangmai huan ah thaampheang bangin, a hung tu le a cing tu nei ngawl hi.

Isaiah 5:7

Israel sia Vaanglianbelpa Topa ii sapithuan hi; Judah mite sia ama suan sa sapitkungte ahi hi. Topa in amate a pha vawt tu in muangmaw a, ahihang amate in tual that zaw uh hi. Ama in amate sia a maan bang seam tu in muangmaw a, ahihang amate ii a vawtsiatte in thumaanna dei in kap uh hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 2:21

A ci phabel sung pan deiteal sapitkung khat taw kibangin nang kong suan zo hi. Ahihang bang suak zo ni ziam en in! A muatcip, kimanna nei ngawl sapitkung taw na kibang hi.

Hosea 10:1

Israel mite sia a ngathiam sapitkung khat taw kibang hi. A ci thei vaial ciang biaknatau tam seseam vawt uh hi. A leitang panin a piang a tam seseam ciang a biak uh suangkhuam thiangthote zepna hoisak vaial uh hi.

Micah 4:8

Tuaciang nang Jerusalem, tuucing khat bangin Pathian ii a mite a etcikna mun sia, khatvei ma noma neisa kumpi ngam khuapi suak kik tu hi.

Mi Simna 23:9

Suangpi saang tung pan amate ka mu thei a; Mualtung pan amate ka en thei hi. Amate minam khat in nungta bek a; Minam dangte sangin thupha a nga zawkna thu amate in he uh hi.

Matthew 21:19

Ama in lamhui ah theikung khat mu in vil a, ahihang a tee simngawl bangma a mu bua hi. Tua ahikom thingkung tungah, “Nang sia nga kik thei nawn ngawl tu ni hi!” ci hi. Thakhat thu in theikung kongaw cip paih hi.

Matthew 21:33

Jesus in “Thusonteena dang khat ngai vun,” ci hi. “Khatvei lai in leitang nei khat in, sapithuan khat vawt a, a kiimkot dal vawtin, sapittui suuk natu dum to a, lo hun natu teitaan khat vawt hi. Tua zawkciang a lo tuasia saapthawsak tu in, ngual a aap zawkciang, ama khualhaw tu in ding hi.

Matthew 21:34

Sapit nga law hun ciangin, ama tel tu teng a saang tu in, huanthote munah a silate paisak hi.

Mark 11:13

A ngalkhat ah theikung khat a tee puitung mama in mu hi, tua ahikom theinga khat po a om ziam ci in en tu in pai hi. Ahihang a kung a thet ciangin, theitee bek mu hi, banghang ziam cile a nga hun ahi bua hi.

Mark 12:1

Tuaciang Jesus in amate tungah thusonteena taw thu son hi. “Khatvei lai in pasal khat in sapithuan vawt a, dal taw uum in, a tuisuukna set atu leidum a taw zawkciang lo hun natu teitaan daw hi. Tua zawkciang, a saapthaw nuamte in saapsakin ama khualhaw hi.

Mark 12:2

Sapit nga law hun ciangin, ama tan tu tel teng a la tu in, a silate khat paisak hi.

Romete 9:4

Amate in Pathian ii mihingte hi uh a; ama in amate sia a tapate suaksak in, a minthanna kilanghsak hi; amate taw kamciamna vawtin Thukham pia hi; amate in a maan biakpiakna nei uh hi; amate in Pathian kamciam saang uh hi.

1 Corinth te 9:7

Ama ii sum zangh a, ngalkap sung a seam ngalkap om ngei na ziam? A sapithuan sung pan a piang sapitnga a ne ngawl lothopa akua om ngei ziam? Ama tuute ii noai a ne ngawl tuucingpa a om ziam?

Thuhil kikna 32:6

A mawmaw, khuangaisut nei ngawl mite awng, hi bangin Topa vawt tu nu ziam? Ama sia no hong Bitphua pa, na pa uh hi a, minam khatin hong vawt pa ahi hi.

Thukhente 16:4

Hisia zawkciang Samson in Sorek Kuam sungah a teang Delilah kici numei khat taw ki it hi.