Isaiah 4:5 - Syin Chin Bible

⁵ Tua zawkciang Zion mualtung le tua munah a kikhawmte theampo tungah, sun hunin meeikaai khat, zan hunin meikhu le meikuang taang sitset khat, Topa in puak tu hi. Pathian ii minthanna in khuapi bup huamin dal tu hi.

Isaiah 4:5 Iomraidhean Croise

Nehemiah 9:12

Sun in amate meei taw lam na pui a, zanin mei taw a lampite na taangsak hi.

Psalm Late 105:39

Pathian in a mite tungah meeilom khat koi a, zan in khuavak pia tu in mei khat koi hi.

Psalm Late 111:1

Topa pok vun! Ama ii mite kikhopna ah ka thin theampo taw Topa ka pok tu hi.

Psalm Late 78:14

Ama in sun in meeikaai taw, zankhuateakin meikuang taang taw amate lampui hi.

Psalm Late 85:9

Ama a upatte hun tu in ama kinging takpi a, ama hong ompuina taw hong huutna in ih ngam ih lei ah kho top tu hi.

Psalm Late 89:7

Mi thiangthote council kikhopna ah nang hong kikiita hi; amate theampo in nang hong thasia in ding uh hi.

Pusuana 14:24

Topa in khuavak mahiat in meitaang le meeikaai khuam tung pan Egypt te ensuk in, patausak ek hi.

Pusuana 24:16

Topa ompuina khuavak taang velvol sia mual tungah hong theng suk hi. Tua khuavak taang sia Israel mite atu in mualdawn ah a taang meikuang khat taw kibang hi. Ni luk sung meei in mual tuamcip in, a ni sali ni in meei sung pan Topa in Moses sam hi.

Pusuana 26:1

“Kong ompuina Puanbuk, a thiangtho puanbuk sungsang sia vancii, a sandup, le a san tuumul taw a kitak puanneal bek sawm taw vawt in. Tua puante cherub limte taw zeam in.

Pusuana 26:7

“Puanbuk ii a tung sit natu in kealmul taw kivawt puanbek sawm le khat vawt in.

Isaiah 32:18

Pathian ii mihingte in thinngimna te taw kipeal in, a innte sia thinnopna le ngam muanna taw kidim tu hi.

Isaiah 33:20

Ih biakna poaite khaamna khuapi ahi, Zion khua en vun. Jerusalem khua en vun! Teen natu in bang zata in a muanhuai a bitna mun khat ahi ziam? Tua in a khetphinte a kidok ngeingawl, a sawmna khaute a tattan ngeingawl, a kikhiin ngeingawl puanbuk khat taw kibang tu hi.

Isaiah 37:35

Ka minthan natu le ka naseampa David tungah ka kamciam hu in hi khuapi hungin ka dal tu hi,’ ci hi,” ci hi.

Isaiah 46:13

Zaw natu ni, kong thengsak pal tu a — khuala nawn ngawl het tu hi. Zawna ka mualsuana kihaisaangsak ngawl tu hi. Jerusalem ka ngum tu a Israel te tua munah minphatna ka pia tu hi,” ci hi.

Isaiah 60:1

Tho in, Jerusalem awng, ni bangin taang in; Topa vaangletna sia na tungah taang hi!

Isaiah 60:2

Minam dangte sia khuazing in tuamcip tu a, Ahihang Topa khuavak sia na tungah taang tu hi; Ama ompuina ii taanna sia nang taw omkhawm tu hi.

Matthew 18:20

Banghang ziam cile ka min taw nii le thum kikhopna sungah amate taw ka omkhawm hi,” ci hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.