Isaiah 4:4 - Syin Chin Bible

⁴ Topa in ama ii vaangletna taw minam tung thukhenin thiansua tu a, Jerusalem ii mawna le tua munah chi kibua sia silthiang tu hi.

Isaiah 4:4 Iomraidhean Croise

Psalm Late 51:2

Ka ngitlona theampo hong silsak ta'n a, ka mawna panin hong thiangthosak ta'n!

Solomon ii La 3:11

Zion numeite awng hong pai tavun a Solomon Kumpipa en vun. Ama in a zi nei ni, a lungdam ni le a thinnop ni in a nu ii a lu tungah a khuksak kumpilukhu sia khu hi.

Isaiah 1:15

“Thungen in na khutte na lapto ciang note kong en buatu hi. Bang zata thu na ngen ta uh zongin kong ngai buatu hi, banghang ziam cile na khutte chi taw kituam hi.

Isaiah 1:25

Note tungah thu kong vawt tu hi. Thik sia mei taw a kithiansua bangin note kong thiansua tu a, na thiantho ngawlna theampo kong hepsak tu hi.

Isaiah 1:31

Mei eak leang khat hu a, taangvawng a kak bangma in, mihing thahatte sia a sia a vawtna uh taw ma amate kilalcipsak tu a, amate lalna sia kuama in phel zo ngawl tu hi.

Isaiah 27:9

Ahizong, Israel te ii mawnate sia, lawkite ii biaknatau suangte, leikaang bangin a kingoaicip zawkciang le Asherah numeipathian lim te a bo zawkciang, le ngimnamtui halna biaknataute a om nawn ngawl ciang bekin, kimaisak bek tu hi.

Isaiah 28:6

Ama in thukhenmangte tungah thutang khennate heak theina thin pia tu a, khuapi kongpi cingte sia ngalte hong sim ciang thinhanna pia tu hi.

Isaiah 9:19

Vaanglianbelpa Topa thin uukna hangin ama ii daan piakna sia ngam le lei ah meikuang taw hal bangin mihingte lalsak hi, kuama po in ama atu bek ngaisun hi.

Isaiah 9:5

Ngalsim a hong kuan ngalkapte ii peangdapte le chi baang amate puante theampo sia mei taw kihal tu hi.

Kaa late 1:9

A thiantho ngawlna ol tak kimu a, ahizong a thuak tu sia awlmawk ngawl hi. Ama lelna sia nasia leilam a kuama in heeneam zo ngawl hi. A ngalte in zothal ahiciang, Topa tungah hesuak ngen in kap hi.

Ezekiel 22:15

Na mite ngam sim le minam sim sungah ka thethaang tu a, na ngitlo ngamtatnate ka bosak tu hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Ezekiel 36:29

Hong ninsak nate theampo pan kong hun tu hi. No tungah kialpite hong tun nawn ngawl natu in an tam mama a pian natu thupia tu khi hi.

Zephaniah 3:1

A mite a zothaw, tatsia in ngalphuang nuam Jerusalem khuapi a lal hi zo hi.

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Matthew 23:37

“Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!