Isaiah 4:3 - Syin Chin Bible

³ Jerusalem ah a taanglai, Pathian ii a nungta lai tu a tealsa theampo sia, a thiangtho kici tu hi.

Isaiah 4:3 Iomraidhean Croise

Psalm Late 69:28

Nuntakna laibu sung pan amate min sia kimel tahen; na mite a kitepteena lai sungah amate kihel heak hen.

Psalm Late 87:6

Topa in mihing phaza tepteena lai vawt tu a, tua mite theampo sia Jerusalem khua mite suaksak tu hi.

Isaiah 1:27

Topa thutang ahikom, Jerusalem le tualai ah a om a kisiik kik theampo, ama in ngum tu hi.

Isaiah 28:5

Vaanglianbelpa Topa sia a nungta lai ama mihingte atu in, paak taw a kivawt, a minthang kumpilukhu bang ahi tu ni khat hong theng tu hi.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Isaiah 46:3

“Ka mite sung pan a taanglai Jacob suan le paalte theampo awng, hong ngai tavun. Na sua uh pan kipan kong ou kong pau hi.

Isaiah 52:1

Jerusalem awng, thahat in a, lian kik in! Pathian ii a thiangtho khuapi awng, puan et hoi silh in! Pathian um ngawl mite na kongpite sungah tum kik ngei nawn ngawl tu uh hi.

Isaiah 6:13

A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)

Isaiah 60:21

Na mite theampo in a maan seam tu a A tawntungin tua ngam lua tu hi. A theampo tungah ka letna a pualaak tu in tuate ka suan a, ka vawt hi.

Isaiah 62:12

No sia, “Pathian ii A thiangtho Mite” “Topa Ngup sa Mite” hong kici tu hi. Jerusalem sia, “Pathian ii It Khuapi,” “Pathian ii Nusiat Ngawl Khuapi” kici tu hi.

Ezekiel 13:9

A maan ngawl mukholna te le lamkhialsak tu sonkholnate a nei no kamsaangte daan kong pia tu hi. Thukhen tu in ka mite a kikhop ciang, tua munah na om buatu hi; Israel ngammite tepteena lai sungah na min uh a kihel buatu hi. Na ngam uh ah na heak kik ngei buatu uh hi. Tuasia ciangin kei sia Vaanglianpipa Topa ka hi hunlam na he tu uh hi.

Ezekiel 43:12

Hi thu sia Biakinnpi thukham ahi hi: Biakinnpi omna mualdawn le a kiimkot mun theampo sia ciliaphuai in thiangtho hi,” ci hi.

Joel 3:17

“Tuasia ciang Israel awng, keima in Topa na Pathian ka hi hunlam nong he tu uh hi. Ka mual thiangtho Zion tungah ka teang hi. Jerusalem sia khuapi thiangtho khat hi tu a; ngamdangte in tuasia zothal kik ngeingawl tu uh hi.

Obadiah 1:17

“Ahizong Zion Mual tungah pawlkhatte suakta tu uh a, tuaciang tuasia a thiangtho mun hi tu hi. Jacob mite in amate nga tu ahi a leitang sia tang tu uh hi.

Zechariah 14:2

Topa in Jerusalem sim tu in minam theampo khawmtua tu hi. Khuapi kila in, innte kiphuul tu a, numeite buan in khialpui tu hi. Khua mite a lang sia sal in kipaipui tu a, a taanglai teng ahile khuapi pan kipaipui ngawl tu hi.

Malachi 3:16

Tuasia ciang Topa a kiitate khat le khat kipaupui hi, tuaciang Topa in amate son teng ngai in za hi. Ama mai ma ah Topa a kiitate le a zaktate tepteena sia laibu khat sungah ki at hi.

Luke 10:20

Ahizong thaa ngilote ii na thu uh hong nit sia, lungdam heak vun, vantung a, na min uh a kiteptee hu in, lungdam zaw tavun,” ci hi.

Sawltakte 13:48

Gentile te in hi thu a zaak uh ciangin, lungdam a, Topa ii thupuak a pok uh hi; tuaciangin tawntung nuntakna nga tu a, a kiteal sate thu umte suak uh hi.

Romete 11:4

Pathian in bangbangin zo kik ziam? “Keima atu in Baal pathian a bia ngawl mihing tulsali koi lai khi hi,” ci hi.

Romete 11:5

Tu laitakin zongh tuabang ma ahi hi. Thuthiamna taw Pathian tealsa mihing tawm om lai hi.

Ephesus te 1:4

Christ taw kipumkhatna tungtawnin, ama mai ah sit baang ngawl le ih thiantho natu in, Pathian in leitung a vawt ma ngawngawn in eite hong teal zo hi. Hong itna hangin,

Philippi te 4:3

Tuaciang a thumaan ka naseppui noma zongh in, hi numeite na hu tu uh ka dei hi; banghang ziam cile amate sia Pathian ii nuntakna laibu sungah a om Clement le ka naseppui dangte theampo taw kop in, lungdamna thu kizel natu in keima taw nasia tak a diangte ahi uh hi.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

Hebrew te 12:14

Mihing theampo taw na kilem tu hanciam vun a, a thiangtho nuntakna taw nuntak tu hanciam tavun, banghang ziam cile kuama in tua ngawl taw Topa a mu buatu hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.

Thupualaakna 17:8

Nganhing sia khatvei lai nungta ngei ahihang tu in nungta nawn ngawl hi; ama sia a hawng thukpui sung panin, hong pusuak to dektak zo a, a kisusia tu in pai tu hi. Leitung bitphua ma in, nuntakna laibu sungah a min uh a kikhum ngawl, leitung ah a nungta mihing theampo in, nganhing sia a et uh ciangin, lamdang sa tu uh hi. Ama sia khatvei lai in nungta ngei hi; tu in nungta nawn ngawl hi, ahihang khatvei hong kilangh kik tu hi.

Thupualaakna 20:15

A nungtate min khumna laibu sungah a min a om ngawl peuma meili sungah kilawn hi.

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.