Isaiah 4:2 - Syin Chin Bible

² Topa in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

Isaiah 4:2 Iomraidhean Croise

Psalm Late 67:6

Leitang in lo ante piangsak zo hi; Pathian, eite Pathian in thupha hong pia zo hi.

Psalm Late 72:16

Ngam sungah antang tam mama om tahen; mualte sia lo ante taw kituam tahen, tua lo ante sia Lebanon ah ankungte bangin tak nei in nga thiam tahen. Ngampa sung lopate taw kidim bang keakin khuapite sia mite taw kidim tahen.

Pusuana 28:2

Na suapuipa Aaron sia a vaang nei natu le a et hoi natu in thiampi puante vawtsak in.

Isaiah 11:4

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Isaiah 26:1

Judah ngam sungah mihingte in hi la a sak tu ni khat hong theng tu hi; Ih khuapi muanhuai hi! Pathian mama in tua luphungte hung hi!

Isaiah 27:6

Mailam sangah, Jacob ii suan le paal ahi Israel mite, thingkung khat bangin zung tha tu a, hong mom in a paak palh tu hi. Leitung sia amate ii nga taw kidim tu hi.

Isaiah 30:23

Anciite na poai po uh ciang po a, khang a an tam na laak natu in Topa in nguazusak tu hi, tuaciang na ngante in a tat natu mun zai nei tu uh hi.

Isaiah 45:8

Keima in ngalzawna sia ngua bangin van pan ka zusak tu a; a saang tu in lei kihong tu a suatakna le thumaanna taw paak bang hong palh tu hi. Topa, keima in hisia ka piangsak tu hi,” ci hi.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Isaiah 60:15

“Nang sia hong kinusia nawn ngawl, hong ki ensan nawn ngawl tu a, A kinusia khuapi le a ngamkhing khuapi na hi nawn buatu hi. Keima in nang sia a lian le a mealhoi in kong vawt tu a, A tawntung, a tawntungin lungdamna munin kong vawt tu hi.

Isaiah 60:21

Na mite theampo in a maan seam tu a A tawntungin tua ngam lua tu hi. A theampo tungah ka letna a pualaak tu in tuate ka suan a, ka vawt hi.

Isaiah 61:11

Anciite po in a meento bang tatak ma in Vaanglianpipa Topa in a mite ngum tu a, Minamte theampo in ama pok tu uh hi.

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 33:15

Tua hun ciang David ii suan le paal sung pan thumaan thutang khat kumpi in ka teal tu hi. Tua kumpipa in ngamsung theampo ah thudik le thutang in a maan sia seam tu hi.

Jeremiah 44:14

Judah mi a taanglai, Egypt ngam ah teang tu a hong paite kuama suakta ngawlin nungta ngawl tu uh hi. Khatvei a ten kik nopna mun Judah ngam ah kuama heak kik ngawl tu uh hi. Ngaltai tawmno simngawl kuama heak kik ngawl tu hi,” ci hi.

Jeremiah 44:28

Ahihang note tawm bek thina pan na suakta tu uh a, Egypt ngam panin Judah ngam ah na heak kik tu uh hi. Tuasia ciang a nungta laiteng in akua ii kammal sia taangtung zo a maan ziam, keima kammal maw, amate ii kammal, ci sia he tu uh hi.

Ezekiel 34:29

Leipha leihoi lote ka pia tu a, a ngam sungah ngilkialna ka omsak buatu hi. Ngamdangte in selno ngawl tu hi.

Ezekiel 36:8

Ahihang, Israel ka mite awng, Israel mualte tungah nang atu in thingkung pote a tee boai in a nga nga kik tu hi. Hai ngawlin inn ah nong cia kik tu uh hi.

Ezekiel 7:16

Pawlkhatte sia leikuamte pan a lau vakhute bangin mual tungah suakta to tu hi. A mawna uh hu in amate theampo mau tu uh hi.

Joel 2:32

Ahihang Topa tungah huna a ngen theampo kingum tu hi. Topa ci sa bangin ‘Jerusalem a om pawlkhatte suakta tu a; ka teal mite suakta tu uh hi.’

Joel 3:18

Tua hun ciang mualpite sia sapithuan taw kidim tu a, mualno sim ah khuihon kimu tu hi; Judah ngamsung lui theampo atu in tui tam mama om tu hi. Topa Biakinnpi panin lui khat luang tu a, tua lui in Acacia Kuam tui pia tu hi.

Obadiah 1:17

“Ahizong Zion Mual tungah pawlkhatte suakta tu uh a, tuaciang tuasia a thiangtho mun hi tu hi. Jacob mite in amate nga tu ahi a leitang sia tang tu uh hi.

Zechariah 3:8

Tua ahiciang nang, Thiampi Lianbel ahi Joshua awng, na ngai in; no, a thiampi seppuite awng, mailam hun phate ii limlakna ahite awng, ngai vun: Thingbaak a kici ka naseampa kong pualaak tu hi!

Zechariah 6:12

Vaanglianbelpa Topa in, ‘Thingbaak a kici mihing khat ama omna munah khangto tu a, Topa Biakinnpi sa kik tu hi.

Zechariah 9:17

Tua ngam sia bangza in pha a et hoi tu ziam! Khangnote in tua ngam pan a piang thaw an le sapittui neakna taw a thahat tu uh hi.

Malachi 3:17

Vaanglianbelpa Topa in, “Amate ka mite hi tu hi. Ka dian ni tak ciang amate mama keima neisa hi tu hi. A pa atu a seam tapa tungah pa khat in hesuakna a nei bangin amate hesuak tu khi hi.

Matthew 24:22

Ahihang Pathian in a ni sia khiamsuk zo hi; tua hi buale kuama a suakta buatu hi. Ahitazong a tealtuam mihingte atu in Pathian in a ni khiam tu hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

2 Peter 1:16

Ih Topa Jesus Christ ii vaangletna taw hong pai natu thu kong heaksak ciangin, phuatawm taanghthute ka sisanh bua uh hi. Ama ii letna sia ka mit uh taw ka mu sa uh ahi hi.