Isaiah 4:1 - Syin Chin Bible

¹ Tua hun hong thet ciang, numei sali in pasal khat lencip in; “Koma le koma kivaak zo in, puansilh nikteen ka heang thei tu uh a, ahitazong ko pasal taan ci ka maizum seal natu in, nong hesuakna in nang sia koma pasal hi hong cisak ka po in,” ci tu uh hi.

Isaiah 4:1 Iomraidhean Croise

Pianciilna 30:23

Rachel ngai in tapa khat nei hi. Ama in, “Pathian in tapa khat hong piakna taw ka maizumna teng bosak zo hi.

2 Samuel 6:23

Saul ii tanu Michal sia a khan sung ta nei ngawl hi.

Isaiah 10:20

Israel mi a suakta teng in amate a mong siatsak dektak minam sia a suan nawn ngawl natu hun khat hong theng tu hi. Amate in Israel te ii a thiangtho Pathian Topa muang takpi tu hi.

Isaiah 13:12

A nungta sunte khamh sangin ka tawmsak zaw tu hi.

Isaiah 17:7

Tua ni a thet ciang, mihingte in amate a Bitphuapa ahi, Israel te ii a thiangtho Pathian kungah hu ngenin zuan tu uh hi.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Isaiah 2:17

Mihing kiphatsak nate bo tu a, mihing kisakthei nate kilalsak tu hi. Milimte mangthang siat tu a, tua ni in Topa bekma kipok tu hi.

Isaiah 3:6

Amate bee sung pan mihing khat a teal tu hun khat theng tu a, a teal sia pa tungah, “Nang na hile puansilh tawm tu nei buang na hi ciang, hi bang ngim le kham hun sungah kote lampui hong seam ka ven,” ci tu uh hi.

Isaiah 54:4

Lau heak in — na mai hong kimawlsak kik ngawl tu hi; hong kizawngsak ngawl tu hi. A khangmoi zi khat bangin na thumaan ngawlna le, meingong khat bangin, thinkiam a na lunglen mamana te na mangil tu hi.

Jeremiah 15:8

Tuipi hui ah sennealte sangin note ngam sungah meingong tamzaw hi. Na tangvalte uh a khan saan laitakin ka that a, a nute in ka thuaksak hi. Thakhat thu in amate tungah thin natna le launa ka thengsak hi.

Luke 1:25

“Tu peetma ciang ahile Topa in hong hu zo hi, ngual mai ah ka maizumna teng ama in hong vawksak zo hi!” ci hi.

Luke 21:22

Banghang ziam cile tua hun “Daan piak hun” a kici Laithiangtho ii son sia a tun natu ahi hi.

2 Thessalonica te 3:12

Topa Jesus Christ min taw hi mihingte tungah ahi tu bangin nungta tahen a, nasepna taw a nuntak natu thalaw tahen, ci in kidop natu thu ka pia uh hi.

1 Samuel 1:6

A kidem pui Peninnah in ama sia nunau zazaan in, a maizum thethei tu in vawt sia hi, banghang ziam cile Topa in Hannah sia ta selsak hi.