Isaiah 39:3 - Syin Chin Bible

³ Tuaciang kamsaang Isaiah sia Hezekiah kumpipa kungah pai in, “Hi mite koisung pan hong pai a, nang tungah bang hong ci ziam” ci in dongh hi. Hezekiah in, “Amate sia a khuala mama na ngam Babylon pan hong pai ahi uh hi,” ci in zo hi.

Isaiah 39:3 Iomraidhean Croise

2 Samuel 12:1

Topa in kamsaang pa Nathan sia David kungah paisak hi. Ama kungah Nathan pai in, “Pasal nii khuapi khat sungah teang khawm hi; khat sia hau a, a khat sia zawng hi.

2 Khangtaanghthu 16:7

Tua hunin kamsaang Hanani sia Kumpipa Asa kungah pai a, “Topa na Pathian suang ngawlin Syria kumpipa na suan zawk hu in Israel kumpipa ii ngalkaphonpi sia nangma khut sung pan suakta zo hi.

2 Khangtaanghthu 19:2

Hanani ii tapa kamsaang Jehu sia kumpipa taw kisi tu in pai a, ama tungah, “Mihing seksolte hu tu le Topa a huatsa mite panpui tu sia maan sa ni ziam? Hi bangin na ngamtatna hangin Topa thin uukna na tungah thengsak ni hi.

2 Khangtaanghthu 25:15

Hisia in Topa thin uuksak ahiciang, Amaziah kungah kamsaang khat paisak hi. Kamsaangpa in, “Nangma khut sung pan ngawngawn in a mipuite a hun zo ngawl ngamdang pathiante banghangin bia ni ziam?” ci in dongh hi.

Isaiah 38:1

Hi hunin Hezekiah Kumpipa a ciina in thi dektak hi. Amoz ii tapa, kamsaang pa Isaiah in ve a, ama tungah, “Topa in a kul theampo vawt siat hen, banghang ziam cile dam kik ngawl tu hi hong ci hi. Tua ahiciang a thi tu in kinging in,” ci hi.

Isaiah 38:5

Hezekiah kungah pai kik in a, ama tungah, “Na taanghpupi David ii Topa Pathian ahi, Keima in, na thungetna ka za zo a, na thituite ka mu zo hi; na nuntakna kum sawm le kum nga kong khangkhan tu hi.

Isaiah 39:4

“Amate in kumpi inn sungah bang teng mu ziam?” “Na theampo mu uh hi. Vanh kholna inndoite ah amate ka lak ngawl bangma om nawn ngawl hi,” ci in Hezekiah in zo hi.

Jeremiah 4:16

A khuala ngam khat panin ngalte hong paina thu, Jerusalem tungah son tu le minamte kidop natu hilkhol tu in amate hong pai uh hi. Hi ngalte in Judah ngamsung khuapite ausan tu uh a,

Jeremiah 5:15

Israel mihingte awng, ngam khuala pan no hong sim tu in Topa in minam khat hong paipui hi. Tua minam sia a thahat le taanghlai minam khat hi a, a kam na heak ngawl uh minam khat ahi hi.

Jeremiah 8:19

Ngai vun! Ngamsung mun theampo ah ka mite ii kaana aw ka za hi, “Zion khua ah Topa om nawn ngawl ziam? Zion ii kumpipa tua munah om nawn ngawl ziam?” ci in kap uh hi. Amate ii kumpipa ahi, Topa in zo kik a, “Banghangin na milimte na biakna le a man nei ngawl na ngamdang pathiante na paaina uh taw in kei hong thin uuksak nu ziam?” ci hi.

Thuhil kikna 28:49

Topa in no hong langpan tu in a kampau na heak ngawl uh minam khat leimong panin hong puak tu hi. Muvanlai khat bangin amate in no hong man tu hi.

Joshua 9:6

Tua zawkciang amate in Gilgal ngiaphual ah pai in Joshua le Israel mite mun ah, “Ngam khuala na pan hong pai khu hi. Ko taw kilemna kamciam kho khat nong vawt tu uh dei khu hi,” ci hi.

Joshua 9:9

Tuasia ciang amate in hi bangin son uh hi: “Topa awng, ko sia ngam khuala mama na khat pan hong pai khu hi, banghang ziam cile Topa na Pathian huvau za khu hi. Egypt ngam a, a sep a vawt theampo ka za uh hi,