Isaiah 3:9 - Syin Chin Bible

⁹ Ngual ngaimaw khol a doidanna sia amate ii puk natu ahi hi. Sodom mite bangin amate in a langh takin mawna khialna vawt uh hi. Amate a lal tu hi zo a, a zon bangin tawk uh hi.

Isaiah 3:9 Iomraidhean Croise

Pianciilna 13:13

Sodom mite sia seksol a, Topa tungah nasia takin a maw a khialte ahi uh hi.

Pianciilna 19:34

A zing ciang a unu in a suapuinu tungah, “Zeini zan in ama taw ka lumkhawm hi; tu nitak zong sapittui ih khamsak kik tu a, nangma taw na lumkhawm tu hi. Tuasia ciang ih unau in ih pa taw ta khat veve ih nei tu hi,” ci hi.

Pianciilna 4:5

ahizong ama in Cain le a biakpiakna nial hi. Cain sia a thin uuk mama a, lungkim ngawlin a mainguum hi.

2 Kumpite 9:30

Jehu sia Jezreel khua ah theng hi. Jezebel in bang thu teng piang ci in za zo a, a ma in mitkhu vom za kinoai in, a sam pot in, kumpi inn tung khelki panin lampi ensuk hi.

Psalm Late 10:4

Mihing seksol pa in Topa awlmaw ngawl a, a kiphatsakna in, Pathian thupi sim ngawl hi.

Paunakte 15:32

Heak nopna na nei buale nangma le nangma kisiatvawt na hi hi. Kipau kitekna na saang thei le na ciim seseam tu hi.

Paunakte 30:13

Pha mama a kisa mihing om hi — Oh, bangza in amate le amate pha kisa ziam?

Paunakte 8:36

Kei hong mu ngawl pa in ama le ama kiliamsua hi; a kuama po kei hong ensan sia in thina dei ahi hi.”

Isaiah 1:10

Jerusalem awng, no hong ukte le na mihingte sia Sodom le Gomorrah a te bang keakma na hi uh hi. Topa in no tungah hong cina ngai vun. Ih Pathian ii no hong hilna nadon vun.

Isaiah 3:16

Topa in, “En vun Jerusalem numeite kiphasak mama hi! Amate vandak sa in lampai uh hi. Amate sikvil tawntung hi. Amate a kal tomsakin pai vakhiangh a, a siakmit tungah haakte ngingsak vasial hi.

Isaiah 57:20

Ahihang mi ngilote sia a kilok tawntung, a tuihualte ii buan le nin a paipui, a thim ngeingawl tuipi taw kibang hi.

Isaiah 59:12

“Topa awng, nang tungah khialna lian kong vawt uh tam mama hi. Ko ii mawna khialnate in kote hong kawk hi. Tuate pha takin ka he siat uh hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 3:3

Tua hu in nguatui hang a, khuapi nguazu ngawl hi. Numei kizuak khat taw na kibang hi; maizumna na nei bua hi.

Jeremiah 6:15

Hi a kiihuai nate a vawt uh hu in amate a maizum ziam? Hi ngawl hi, maizum dek ngawl a; maizum natu zia zongh he ngawl uh hi. Tua ahiciang midangte ii puk bangma in amate puk tu uh hi; amate daan ka piak ciang, amate bona hi tu hi. Keima Topa in ka son zo hi,” hong ci hi.

Jeremiah 8:12

Ka mite awng, hi a kiihuai nate na vawt uh manin na mai uh a zum ziam? Hi ngawl hi, na mai uh zum vet ngawl hi; maizum natu zia zongh na he bua uh hi! Tua ahikom midangte puk bangma in na puk tu uh hi; daan kong piak ciang na bona uh hi tu hi. Keima Topa in ka son zo hi.

Kaa late 5:16

Ko kiphatsakpui nate khat zongh taang nawn ngawl hi. Kote ka maw uh a, tu in a bo ka hi uh hi.

Ezekiel 16:30

Vaanglianpipa Topa pauna hisia hi: “Nang in a maizum maw pumpi zuak khat bangin hi teng na seam hi.

Ezekiel 16:49

Ama le a tanute sia kiphasak hi, banghang ziam cile amate in neak tu hau mama a, ngal kilemin dai takin nungta uh hi, ahihang amate in mizawngte le a hamsia mite a awlmaw bua uh hi.

Ezekiel 23:16

Ama in tua limte a mu po ciang uukna taw kidim a, Babylon ah kamtai te paisak hi.

Daniel 7:20

A lu tung a om kii sawmte ii thu le a zawkciang hong poto a, kii thumte a pukvawksak kii sia ii thu ka he nuam hi. Tuasia in mittangte le kam khat nei a, kiphatsak kam pau hi. Tuasia a dangte khat pawpo sangin kiitakhuai zaw hi.

Hosea 13:9

“Israel mite awng, hong susia tu khi hi! Tuasia ciang akua in no hong hu thei tu ziam?

Hosea 5:5

Israel mite kiphatsak na in amate langpanin ausan hi. A mawnate in amate lutusak a, Judah mite zongh amate taw puk khawm uh hi.

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

Thupualaakna 11:8

a luangte sia amate ii Topa thinglamtee tungah a kithalupna mun tua khuapi lian sia sung lampi tungah kisial tu uh hi. Tua khuapi ii a minsealh sia Sodom, ahibuale Egypt kici hi.

1 Samuel 15:32

“Kumpipa Agag hi lai kei kungah hong paipui tavun,” ci in Samuel in thupia hi. Agag sia ama kungah lau vadil in hong pai a, “Thi tu sia bangza in na ziam?’. ci in ngaisun hi.