Isaiah 3:8 - Syin Chin Bible

⁸ Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi.

Isaiah 3:8 Iomraidhean Croise

2 Khangtaanghthu 28:18

Tua laitak ma in Philistine mite in nitumna sang mualpeang le Judah thangsang a om khuate sim hi. Amate in Beth Shemesh, Aijalon le Gederoth khuapite a laak zawkciang Soco, Timnah le Gimzo khuapite le a kiim ah khuanote la a, tua munah teang suak uh hi.

2 Khangtaanghthu 33:11

Tua ahikom Topa in Assyria ngalkapmangte in Judah ngam simsak hi. Amate in Manasseh manin thikkawn le kol bulin Babylon ah paipui uh hi.

Paunakte 26:27

Ngual thaang a sia mihingte sia amate ma awk kik vacin hi. Min a cimhsak mihingte sia min in vuknelh hi.

Isaiah 1:7

Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 49:19

“Na ngam sia lalcipin kinusia a — ahihang tu in tualai ah a teang tu hong pai mite atu in toi lei tu hi. A siacipin nang hong nusia mite in nang taw a kikhuala na ah kikhiin tu uh hi.

Isaiah 57:4

Note in akua ciammui zazaan nu ziam? No, leilot mite in akua selno nu ziam?

Isaiah 59:3

Note in leilot thu sonna, thazaw suanna, le mihing thana taw na maw uh hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Jeremiah 23:36

Tua ahikom amate in ‘Topa ii Vanhngit’ ci kammalte zangh nawn ngawl tu uh hi, banghang ziam cile khat pawpo in a zangh ahile, ka thupuak sia ama atu in vanhngit takpi khat ka suaksak tu hi. Mihingte in amate ii Pathian, a nungta Pathian, Vaanglianbelpa Topa ii kammalte lumlet uh hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 26:6

Thu na ni bua lalai uh le, Shiloh khua tungah ka vawt bangin hi Biakinnpi tungah ka vawt tu a, leitung minamte theampo in hi khuapi ii min sia kihaamsiatna in zangh tu uh hi,” hong ci hi.

Jeremiah 4:13

En vun, meeite bangin ngal hong pai hi. Amate ii siphu ngalleangte sia suumpei taw kibang a, a siphute sia muvanlaite sangin ngang zaw uh hi. Ei a lel ih hi hi! Ei a lal ih hi hi!

Jeremiah 44:3

banghang ziam cile tua khua mite in a sia vawtin ka thin hong uksak uh hi. Amate ahizong noma na hi uh zong, na taanghpupite ahizong ii biak ngeingawl pathian dangte tungah amate in biakpiakna pia in a na seam uh hi.

Kaa late 1:9

A thiantho ngawlna ol tak kimu a, ahizong a thuak tu sia awlmawk ngawl hi. Ama lelna sia nasia leilam a kuama in heeneam zo ngawl hi. A ngalte in zothal ahiciang, Topa tungah hesuak ngen in kap hi.

Ezekiel 8:12

Pathian in hong dongh hi, “A thithei mihing awng, Israel lampuite ii a sepkute na mu ziam? Amate a vekpi in limte taw a kidim inndoi sungah biakna vawt uh hi. Amate kam zonna hisia hi: ‘Topa in hong mu ngawl hi! Ama in hi ngam taisan zo hi.’ ” ci uh hi.

Ezekiel 9:9

Pathian in, “Israel le Judah mite in a lauhuai mama mawna khialnate nei uh hi. Amate in ngamsung theampo ah mihing that a, Jerusalem sia khialna lian taw kidimsak hi. Amate in Keima Topa in amate ngam nusia zo a, amate mu ngawl hi hong ci hi.

Hosea 5:5

Israel mite kiphatsak na in amate langpanin ausan hi. A mawnate in amate lutusak a, Judah mite zongh amate taw puk khawm uh hi.

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Micah 6:12

Na mihaute in mizawngte duupkang a, note theampo leilot thusonte na hi uh hi.

Habakkuk 1:13

Ahizong banghangin hi a thumaan ngawl misiate koithong thei ni ziam? Na mittangte siatna et natu in thiangtho leih a, khialna a vawt mite na mu thei bua hi. Tua ahikom amate sangin a thutangzawte a suksiat ciangin banghangin thim om thei ni ziam?

1 Corinth te 10:22

Tua ahibuale Topa sia a eang pa suaksak nuam ih hi ziam? Ama sangin eite hat zaw kisa ih hi ziam?

Jude 1:15

mihingte theampo tungah thutanna vawt tu le, Pathian awlmawk ngawl ngamtatnate le Pathian sel mawneite ii Pathian langpanna a lauhuai kam paunate tungah puavawkna vawt tu hi!” ci hi.