Isaiah 3:5 - Syin Chin Bible

⁵ Mihing theampo khat le khat tungnut kituu in meetna la tu hi. Khangmoite in khanghaamte zakta ngawl tu a, a mannung ngawl mihingte in a tungsia te zakta ngawl tu hi.

Isaiah 3:5 Iomraidhean Croise

2 Kumpite 2:23

Elisha in Jericho nusia in Bethel ah a pai le, patang pawlkhat khua khat panin hong pusuak in, ama ciammuina in nei a, “Hi sung pan tai in, lutol pa awng,” ci in oksan uh hi.

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Isaiah 11:13

Israel kumpi ngam in Judah ngam eang nawn ngawlin, Judah te sia Israel te ngal hi ngawl tu hi.

Isaiah 19:2

Topa in, “Egypt ngam sungah tualngal thosakin, unau khat le khat, innpaam khat le khat ka kidosak tu hi. A kidem khuapite khat le khat kido in, a kidem kumpite khat le khat vaangletna kituu in kihau tu uh hi.

Isaiah 9:18

Mihingte ii seksolna in lingkungte le a mulnei lingkungte a kaanghtumsak mei bangin kuang hi. Meikhu lomtangh a piangsak ngamkaang bangin kuang hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Thiampite 19:32

“Khanghaamte zatakna lak vun a, upat vun. Keima hong thasia in ka thu ni vun; keima in Topa ka hi hi.

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

Zechariah 11:6

(Topa in, “Leitung ah kuama hesuak nawn ngawl tu khi hi. Keima mama in a ukte khut sungah mi theampo ka koi tu hi. Hi ngamukte in leitung siacipsak tu a, amate thahatna panin tua leitung ka suatak buatu hi,” ci hi.)

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Matthew 26:67

Tua zawkciang amate in, a maitang cilphii in, saat uh hi; tuaciangin a beangte in,

Mark 14:65

Amate pawlkhat in Jesus cilphii in, a mit a sawmsak zawkciang saat uh hi. “Akua in nang hong saat ziam, son thei ta'n,” ci uh hi. Tuaciangin ngalkapte in la in beang uh hi.

Luke 22:64

Amate in a mit tuamsak a, “Akua in hong saat ziam, son in!” ci in dongh uh hi.

James 2:6

Ahihang note in mizawngte sia na thusim bua uh hi! A kuate in no hong zothaw a, thukhenmangte mai hong then ahi ziam? Mihaute hi!

James 5:4

Na lo sungah naseam mihingte ii thaman na pia bua uh hi. Amate ii phunnate ngai vun! Na an uh hong laksakte ii auna sia Topa Vaanglianbel Pathian bil sungah theng zo hi.