Isaiah 3:12 - Syin Chin Bible

¹² Sum pukthaakte in ka mite zawthawk vawt a, a leiba tote in amate theam uh hi. Ka mite awng, na lampuite in lam hong pui khial ahikom, na kiheak natu lampi na he bua uh hi.

Isaiah 3:12 Iomraidhean Croise

2 Kumpite 11:1

Kumpipa Ahaziah ii nu Athaliah in a tapa ii kisuamlupna a zaak po ciang kumpipa innkuan pui theampo thalup natu thupia hi.

Job 30:13

Amate in ka suatak natu khaktan a, hong susia tu in hanciam uh hi; tuaciang amate a tho tu kuama om ngawl hi.

Paunakte 28:16

Khua ngaisutna pha a nei ngawl ngamuk khat sia a ngilo zawthawk thu taw ngamuk khat ahi hi. Thumaan ngawlna a ngaimaw khat in khuangei mama ngam uk tu hi.

Thuhilsya 10:16

Ngam uk kumpipa khangmoi lai in, ngam lampuite in zan tha pai in poai a khaam uh le, tua ngam sia ngim nga hi.

Isaiah 19:14

Topa in a lungmanhuai bialbual ngaisutna amate in piasak hi. Tua hu in, Egypt te in a maan ngawl theampo seamin, ama luak naal tawk thei zukham pa khat bangin hoi vatut hi.

Isaiah 3:4

Topa in mihingte sia a khanthin ngawl lai patangte in uksak tu hi.

Isaiah 51:22

Topa na Pathian uh in no hong sungsia a tuaciang, “Ka thin uukna taw kong piak hai sia ka la kik hi. No hong hoisak vatut sapittui sia na ne nawn buatu uh hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Micah 3:5

Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Nahum 3:13

Na ngalkapte sia numeite bang hi a, na ngalte mai ah na ngam sia ngalnanna sel hi. Na kongpi kilhnate meikuang in lalsak tu hi.

Matthew 15:14

“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!