Isaiah 26:8 - Syin Chin Bible

⁸ Na deina bang kong zui uh a, nang sungah lametna kong nei uh hi; Kote deina theampo sia nangma na hi hi.

Isaiah 26:8 Iomraidhean Croise

2 Samuel 23:5

Pathian ii ka suan ka paalte thupha a piak tu zia sia tuabang ahi hi, banghang ziam cile ama in kei taw tawntung thuciamna khat hong vawt hi, a kipaltan ngawl tu thukimna khat, a kikheal ngeingawl tu kamciam piakna khat ahi hi. Kei dei sia tua teng lian ahi hi; tua in ka zawna hi tu a, Pathian in taangtungsak nanak tu hi.

Psalm Late 106:3

Ama thupiakte ni a, a tawntungin a maan in a seamte sia mihing lungdamte ahi hi.

Psalm Late 130:5

Topa hong hu natu lawpin ka ngakla a, ama kammal ka muang hi.

Psalm Late 18:23

Ama in ka sitbaan ngawlna, khial ngawl tu in ka kikepna hong he hi.

Psalm Late 42:2

Nang a nungta Pathian sia tui du bangin kong thangai hi; bang hun ciang nang omna munah hong pai in hong bia thei tu khi ziam?

Psalm Late 65:6

Na vaangletna lian lakin, nangma in mualte na thahatna taw a om natu munah na koi hi.

Psalm Late 73:25

Vantung ah nang simngawl bangdang ka nei ziam? Nang kong nei zawk nungsang leitung ah bangdang ka dei lai tu ziam?

Psalm Late 84:2

Tua munah bangza in om nuam khi ziam! Topa Biakinn sungah om tu ka thangai hi. Ka nuntakna buppi taw a nungta Pathian tungah lungdam in la ka sa hi.

Pusuana 3:15

Keima, Topa a taanghpupite ii Pathian, Abraham, Isaac le Jacob te ii Pathian in amate kungah nang kong paisak sia Israel te tungah son in. Hi sia in a tawntung ka min hi; maisang hong piang tu khang theampo in hi bangin keima hong sam tu hi.

Solomon ii La 5:8

Jerusalem numeite awng, ka ngaino na mu uh le kei sia ama ngai in vul khi hi, ci in nong sonsak natu uh in kamciam kei hong pia tavun.

Isaiah 12:4

Mihingte in hi bang la a sak tu ni khat hong theng tu hi, “Topa tungah lungdamko vun! Nang hong hu tu in ama sam vun! Ama sep teng minam theampo tungah son vun! Ama bang zata lian ziam cisia mihingte tungah son vun!

Isaiah 24:15

nisuana sangah a omte in ama pok tu uh hi. Tuipi dung ah a teang mihingte in Israel te ii Pathian, Topa pok tu uh hi.

Isaiah 25:1

Topa awng, nangma in ka Pathian na hi hi; nang kong patoai tu a, na min ka pok tu hi. Nangma in nalamdangte na vawt siat zo hi; taanghlai pek a na ngealnate thumaan takin na vawt siat zo hi.

Isaiah 25:9

Tuasia a pian ciang, mihing theampo in, “Ama ih Pathian hi! Ama ka muang zo uh a, ama in hong suatak zo hi. Ama in Topa hi! Ama ka muang zo uh a, ama in kote hong ngum zo ahikom. tu in lungdam thinnuamin ka om uh hi” ci tu uh hi.

Isaiah 26:13

Kote Topa Pathian awng, kote sia ngual dangte in hong uk zo a, ahihang nangma bekma in kote Topa na hi hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 33:2

Topa awng, kote hong hesuak ta'n. Ka lamet uh sia nangma na hi hi. Ni khat zawk ni khat kote hong khoi ta'n a thinngim hunin, hong hun ta'n.

Isaiah 49:23

Kumpite sia no tungah pate bang hong hi tu hi; kumpinu te sia nute bang hong hi tu hi. Amate in na mai uh ah kun sukin hong upat tu uh hi; amate kiniamkhiakin note zatakna hong lak tu uh hi. Tuasia ciang Topa ka hina thu na he tu uh hi; keima ii hu tu a ngak peuma thin kiam ngawl tu uh hi,” ci hi.

Isaiah 51:4

“Ka mite awng, hong ngai tavun, ka thusonte ngai vun: Minamte tungah thu ka hil hi; keima thukhamte in amate tungah khuavak puak tu hi.

Isaiah 56:1

Topa in a mihingte tungah, “Khuangei ngawlin note hong ngum tu ka hikom, a thumaan le a thutang sia seam vun.

Micah 4:5

Minam simin amate tek ii pathian bia in a thu ni hi, ahihang eite in Topa, ih Pathian a tawntung, a tawntungin ih bia tu a, a thu ih ni tu hi.

Micah 7:7

Ahihang keima in Topa ka mitsuan tu hi; kei hong ngum tu Pathian kimuang takin ka ngak tu hi. Ka Pathian in kei hong za tu hi.

Malachi 4:4

“Israel mite theampo zui tu in, Sinai Mual tungah ka naseampa Moses ka piak thukhamte le thupiaknate, tuaciang hilciannate ciamtee tavun.

Mi Simna 36:13

Hite sia Jericho khua pan Jordan Ngun ngalkhat Moab zaangtam ah Topa ii Moses tungtawnin a piak Israel mite zui tu ngeinate ahi hi.

Luke 1:6

Amate ngeal Pathian mai ah ngamtatna phate taw a nungtate hi a, Topa ii thukham le thupiaknate a zuite ahi uh hi.

Sawltakte 1:4

Amate hong kikhoptua uh ciangin, hi bangin thupia hi: “Jerusalem nusia heak vun, no tungah kong sonsa Pa ii kamciam hong piaksa letsong sia, na ngak vun,

Romete 8:25

Ahihang ih mu ngawl lai khat muangmaw ih hile, thinsauna taw ih ngak hi.

2 Thessalonica te 3:5

Pathian hong itna le Christ ii hong piak thuak zawkna a thukzaw in na tel thei natu Topa in lam hong pui tahen.