Isaiah 26:6 - Syin Chin Bible

⁶ Zawthawk vawt a thuak mihingte in tu in tua khua zothal a, a peang nuai ah tuanhcil uh hi.

Isaiah 26:6 Iomraidhean Croise

2 Kumpite 9:33

tuaciang Jehu in, “Ama hong vawk suk tavun,” ci hi. Amate in a vawksuk uh le pangte tungah a chi kithe a, siphute tung zongh ah kithe hi. Jehu in a siphu le a leang ama ii luang tungah hawl a,

Isaiah 11:4

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Isaiah 25:10

Topa in Zion Mual dal tu hi, ahihang nganhing eak sungah taangphawte a kitotcil bangin Moab mite kituanhcil tu hi.

Isaiah 28:3

Tua zukham lampuite kiphatsakna sia peang nuai ah kituanhcil tu hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 3:14

Topa in ama mihingte ii upate le a lampuite thukhenna thuaksak tu hi. Ama in hi bangin: “Note in sapithuante na suttol uh a, na inn uh sia mizawngte tung pan na laak uh vanhte taw kidim teak hi.

Isaiah 3:15

Ka mite na sukcip natu le mizawngte tung pan meetna laak natu thu bangma na nei bua uh hi. Keima, Vaanglianpipa Topa, Vaanglianbelpa ka pau zo hi,” ci in mawsak hi.

Isaiah 37:25

Ngamdang ah tuikhuk to in tui na neak theina le na ngalkapte in a peangte taw tuanhin Nile ngun a kosak sia na kiphatsak pui hi.

Isaiah 60:14

Nang hong zawthawk vawt mite ii tapate hong pai tu a, Nang zatakna hong lak tu in kun tu hi. Khatvei lai in nang hong nomu theampo sia na peang ah bokin hong bia tu uh hi. Amate in nang sia, ‘Topa ii Khuapi,’ ‘Zion, Israel ii A thiangtho Pathian ii Khuapi,’ hong ci tu uh hi.

Jeremiah 50:45

Tua ahikom Babylon khuapi suksiat natu ka tupna le a mite tungah ka vawt tu zia ka sawmna teng hong ngai tavun. A patangte ngawngawn kikaikeak tu a, mihing theampo patausak tu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Zephaniah 3:11

Tua hun ciang, kei nong langpan huvau in no ka mite in na maizum tu kul nawn ngawl tu uh hi. A kiphasak le a kisathei theampo ka heam tu a, ka mual thiangtho tungah kei nong do kik ngei nawn buatu uh hi.

Malachi 4:3

Ka dian ni ciang, mi seksolte na zothal tu uh a, amate sia na peang nuai a leivuite bang hi tu uh hi.

Luke 10:19

Ngai vun! Ngulte le aikamte na totcip natu le na Ngalpa ii thahatna na zaw zawk natu in, no tungah thuneina hong pia zo khi hi, bangma in no hong susia zo ngawl tu hi.

Romete 16:20

Tuaciang ih thinnopna ii naak ahi Pathian in Satan sia hai ngawlin na peang nuai ah siiktham tu hi. Ih Topa Jesus thuthiamna in note taw hong om tahen.

1 Corinth te 1:26

Suapuite awng, Pathian in note hong sap laitakin, na omzia uh ngaisun vun. Mihingte hong muna ah note sungah a ciim, ahibuale a vaanglian, ahibuale a ci thei tawm bek na om uh hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

Joshua 10:24

Joshua kungah paipui uh hi. Joshua in Israel mi theampo sam a, ama taw a kuankhawm ngalkap bute munah, tua kumpite ngawng ah a peang uh nga in sawl hi. Tuabangin ngamta uh hi.

Thupualaakna 2:26

Zawna a ngate le a tawp dong ka dei bang a, a ngamta suakte sia ka Pa tung pan ka nga thuneina ka pia tu hi: minamte thikciang taw a uk natu thuneina ka pia tu a, amate in leibeal bangin amate a bek a bekin tamhthamsak tu uh hi. Amate tungah nikonghong aksi zongh ka pia tu hi.

Thupualaakna 3:9

Ngai vun! Jew mi a kici theam a leilot, tua Satan pawlte ahile, na peang uh ah a bok tu in kong paisak tu hi. Amate theampo in note kong it sia he tu uh hi.