Isaiah 26:4 - Syin Chin Bible

⁴ A tawntung Topa muang in; ama in a tawntungin eite hong dal tu hi.

Isaiah 26:4 Iomraidhean Croise

2 Khangtaanghthu 20:20

A zing ciang zingtuungin mihonte Tekoa hui ngamsung zuan uh hi. A vaidin uh ciang Jehoshaphat in amate tungah kam vaitha hi: “Judah mite le Jerusalem mite awng! Topa na Pathian muang vun, tua hile kip takin na ding thei tu uh hi. Ama kamsaangte ii hong sonte um vun, tua hile na ma na tun tu uh hi.”

2 Khangtaanghthu 32:8

Ama in mihing thahatna nei ahihang eite in hong hu tu le ih ngalte hong simsak tu in Topa ih Pathian kinei hi,” ci hi. A kumpipa ii hi kammalte in mite hanthawn hi.

Job 9:19

Thazaw ka suang tu ziam? Pathian tungah thazaw kisuang thei ziam? Thukhenzum ah ama then tu khi ziam? Akua in ama paisak thei tu ziam?

Psalm Late 125:1

Topa a muangte in a ngawk thei ngeingawl, a kikhiin thei ngeingawl Zion Mual bang ahi hi.

Psalm Late 18:2

Topa in kei hong dal pa hi a, ama sia a kip a kho ka kulhpi `ahi hi. Ka Pathian in ka kidalna hi, ama taw ka kikop ciang kei ka ngammuang hi. Ama in lum bangin kei hong dal hi, ama in kei hong dal a, hong sungsia hi.

Psalm Late 46:1

Pathian in ih belhna le ih thahatna hi a, ngimna hun sungah hong hun tu in a kinging sa in om tawntung hi.

Psalm Late 55:22

Na ngimna uh te Topa nusiat vun, tua hile ama in hong hung tu hi; ama in mihing thumaante bangma hunin lelna thuaksak ngeingawl hi.

Psalm Late 62:11

Pathian in vaangletna sia ama aa hi a, ama ii itna sia kip hi ci in a son tamvei ma ka za hi.

Psalm Late 62:8

Hun theampo sungah Pathian muang vun, ka mite awng. Na ngimna theampo ama ko vun, banghang ziam cile ama sia ih bukna hi.

Psalm Late 62:9

Mihingte sia, husan khat bang bek hi siat hi; a lian a no a kibangin man nei ngawl hi. Khaikhin tungah koi leang bangma ngit ngawl hi; tuate sia husan khat sangin zaangzaw lai hi.

Psalm Late 66:7

Ama in a thahatna taw a tawntungin uk a, minam tuatuamte mitsuan hi. Ama langpanin kuama in tualngal tho heak hen.

Psalm Late 93:1

Topa in kumpipa hi. Ama in uk zawkna le thahatna sia puan bangin silh hi. Leitung sia a omna munah kho takin kiphut a, kikhiin thei ngawl hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 17:10

Israel awng, nang hong suatak a, a thahat suangpi khat bang a hong dal Pathian sia na mangil zo hi. Tuasia taangin, ngamdang pathian khat biak natu in huan thiangthote na vawt hi.

Isaiah 30:29

Ahizong Pathian ii mihing, note in, poai thiangtho khaam ni zan a, na vawt uh bangin lungdam in la na sa tu uh hi. Israel te a huu Topa sia Biakinnpi ah a pai uh lai in tamngai aw zui in a paite bangin na lung uh dam tu hi.

Isaiah 32:2

Amate khat simin vui vak ciang le suangval vak ciang belhna le bukna bang hi tu hi. Senneal kongaw ngam sungah luitui luang bang le ngam kolhna munah a om suangpi lian khat ii limh bang hi tu hi.

Isaiah 44:8

Lau heak vun, ka mite awng! Taanghlai hun pan kipan tu hun dong hong piang tu thu ka sonkhol sa theampo note in na he uh a, tuaciang, note in ka tetti na hi uh hi. pathian dang a om ziam? Ka zaak ngeingawl a vaanglian pathian dang khat po om ziam?” ci hi.

Isaiah 45:17

Ahihang Israel ahile Topa in ngumin, a ngalzawna a tawntungin kip hi; Ama mite kimaimawlsak ngeingawl tu hi,’ ci in pualaak tu uh hi,” ci hi.

Isaiah 45:24

“Amate in keima taw bekin ngalzawna om a thahatna kinga hi ci tu uh hi; ahihang kei hong ngaimawte theampo in maimawlna thuak tu uh hi.

Isaiah 50:10

Topa zakta in, a naseampa thu a ni note theampo awng, na paina uh lampi zing tatak tha tu hi, ahihang Topa muangin, na Pathian uh suang vun.

Isaiah 51:5

Keima manlangin kong pai tu a, amate ka ngum tu hi; ka ngalzawna tu hun hong nai zo hi. Keima in minamte ka uk tu hi. A khuala na ah a om ngamte in ka pai tu hong ngak hi; amate in ka ngup tu lametna taw hong ngak uh hi.

Isaiah 63:1

“Edom ngam Bozrah khuapi pan hong pai hisia pa akua ziam? Puansan silhin pha tak a kizeam, vaangletna le thahatna taw hong pai hisia pa akua ziam?” “A hun zo tu in vaangletna a nei, ama ngalzawna thu thangsak tu in hong pai, Topa ahi hi.”

Daniel 3:17

Ka biak ka paai uh Pathian in a naseam kote meiphual sung pan le na khut sung panin hong hun thei ahi nale hong hun tu hi.

Daniel 3:28

Kumpipa in, “Shadrach, Meshach le Abednego ii Pathian pok vun! Ama in a vantunglalang sawl a, ama muangin, ama na a seam hi mihingte suatak hi. Amate in ka thupiakte ni ngawlin amate ii Pathian simngawl pathian dang khat pawpo mai ah kunin a biak tu sangin a nuntak nate khaam zaw uh hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Matthew 6:13

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

Thuhil kikna 32:15

“Topa ii mite hau uh a, ahizong Topa leedo uh hi; amate an khamin thau uh hi. Amate in a Bitphuapa Pathian taisan uh a, a vaanglian hunpa nial uh hi.

Thuhil kikna 32:4

“Topa sia note hong dal a hatbelpa hi a, A sepzia theampo kicing in maan hi; Na Pathian thumaan in thutak a; Ama in a maan le a pha in seam hi.

Thuhil kikna 33:27

Pathian in note hong dal tawntung zo a; A tawntung a om ama ii khutte in no hong panpui hi. Ama in maisang na manaw kawkawmin na ngalte notkeak a, Amate a mon tu in no hong sawl hi.

Philippi te 4:13

Christ ii hong piak vaangletna taw na theampo phul zawk natu thahatna ka nei hi.

1 Samuel 2:2

“Topa bangin a thiangtho kuama om ngawl hi; Ama taw a kibang kuama om ngawl hi, Ih Pathian bangin hong dal kuama om ngawl hi.