Isaiah 26:3 - Syin Chin Bible

³ Topa awng, nang hong muangin, tupna kho a nei mihingte a kicing thinnopna na pia hi.

Isaiah 26:3 Iomraidhean Croise

1 Khangtaanghthu 5:20

Amate in Pathian muangin a huu natu thungen ahikom Pathian in a thu ngetna sang a, Hagri le a pawlte zosak hi.

2 Khangtaanghthu 13:18

Tuabangin Judah mite in Israel tungah zawna nga hi, banghang ziam cile amate in a taanghpupite ii Pathian, Topa suang uh hi.

2 Khangtaanghthu 16:8

Ethiopia le Libyan te in siphu ngalleang tam mama le siphu ngalkap tam mama taw ngalkaphonpite nei hi ngawl ka na ziam? Ahihang Topa muangin suang na hikom ama in amate hong zosak hi.

Psalm Late 119:165

Na thukham a itte in ngammuanna tatak nei a, amate a puksak thei bangma a om bua hi.

Psalm Late 125:1

Topa a muangte in a ngawk thei ngeingawl, a kikhiin thei ngeingawl Zion Mual bang ahi hi.

Psalm Late 9:10

Topa awng, nang hong hete in nang hong muang tu hi; nang hong zuante na nusia bua hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 26:12

Topa awng, kote mavan daupaina nong pia tu hi; kote ii matutna theampo sia nangma ii sepna hang ahi hi.

Isaiah 27:5

Ahihang ka mite ii ngalte in, kei ii huuk tu a dei le, keima taw kilemna hong vawt tahen. Hi hi, amate in kei taw kilemna vawt tahen,” ci tu hi.

Isaiah 31:1

Egypt ngam ah huna ngenin a paite a lal ahi hi! Amate in Egypt te ii ngalkap thahatna — siphute, siphu ngalleangte le ngalkapte suang uh hi. Ahihang amate in Israel mite ii a thiangtho Pathian ahi, Topa suang ngawlin huna zongh ngen ngawl uh hi.

Isaiah 32:17

Mihing theampo in a maan sia seam tek tu ahikom, kilemna le ngam muanna om tawntung tu hi.

Isaiah 32:18

Pathian ii mihingte in thinngimna te taw kipeal in, a innte sia thinnopna le ngam muanna taw kidim tu hi.

Isaiah 42:19

Ka naseampa sang khuamu ngawl zaw khat po, kamtai in ka sawlpa sangin nangong zaw khat po a om ziam?

Isaiah 42:6

“Topa, keima in, leitung ah thukhaikimin a kiseam ziam ci thu en tu in, nangma kong sam a, vaangletna kong pia zo hi. Nangma tungtawnin mite theampo taw thuciamna khat ka vawt tu hi; nangma tungtawnin minamte tungah khuavak ka pia tu hi.

Isaiah 48:2

Tuaciang a thiangtho khuapi ah a teang mite ka hi uh a, Israel te ii Pathian ahi Vaanglianbelpa Topa a suangte ka hi uh hi ci in, na kiphasak lalai uh hi.

Isaiah 49:8

Topa in a mite tungah, “Note ngup tu hun hong thet ciang, maipha kong pia tu a, hu ngenin nong auna awte kong zo tu hi. Note kong cing kong keam tu a, note tungtawnin mite theampo taw thuciamna khat ka vawt tu hi. Tu laitakin a tulsa ngam sungah, note khatvei kong teangsak kik tu hi.

Isaiah 50:1

Topa in, “Pasal khat in a zi a khul bangin keima in ka mite hawlkeak hong sa nu ziam? Tua ahile, zi khulna laite koisungah om ziam? Mihing khat in a tate sila in a zuak bangin, keima in note saltaang tu in zuak hong sa nu ziam? Hi ngawl hi, noma mawna hangin saltaang in a pai na hi uh a; noma khialna liante hangin hong kihawl khia ahi hi.

Isaiah 50:10

Topa zakta in, a naseampa thu a ni note theampo awng, na paina uh lampi zing tatak tha tu hi, ahihang Topa muangin, na Pathian uh suang vun.

Isaiah 66:12

Topa in, “Tawntung nopsakna kong pia tu hi; a kang ngeingawl nguntui bangin minamte ii haunate note kungah hong luang tu hi. Note sia a nu ii a op, a kaang tungah a toai, a itna taw a ou tano khat taw na kibang tu uh hi.

Jeremiah 39:18

Nang sia kong keamcing tu a, hong kithatlum ngawl tu hi. Kei hong muang na hikom na nuntakna suakta tu hi. Keima, Topa in ka ci zo hi.”

Daniel 3:17

Ka biak ka paai uh Pathian in a naseam kote meiphual sung pan le na khut sung panin hong hun thei ahi nale hong hun tu hi.

Daniel 3:28

Kumpipa in, “Shadrach, Meshach le Abednego ii Pathian pok vun! Ama in a vantunglalang sawl a, ama muangin, ama na a seam hi mihingte suatak hi. Amate in ka thupiakte ni ngawlin amate ii Pathian simngawl pathian dang khat pawpo mai ah kunin a biak tu sangin a nuntak nate khaam zaw uh hi.

Daniel 6:23

Kumpipa lungdam leilam a, tawpite khumna dum sung pan Daniel a kikaito natu in thupia hi. Tuabangin Daniel kaito uh a, liamna a nei vet ngawl hunlam mu uh hi, banghang ziam cile ama in Pathian muang hi.

Micah 5:5

ama in kilemna puak tu hi. Assyria te in ih ngam hong sim a, ih ngalnanna kulh le taapte hong kaantan ciang, amate do tu in a hatbel ih lampuite ih puak tu hi.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

John 16:33

Kei taw ih kikopna hangin thinnopna na nga natu hi thu kong sonsa hi. Leitung in ngim le kham hong thuaksak tu hi. Ahihang na thin uh liansak vun! Leitung ka zo zo hi,” ci in zo hi.

Romete 5:1

Tu in eite upna tungtawnin Pathian in thutang hong suaksak a, ih Topa Jesus Christ tungtawnin, Pathian taw kilemna ih nei hi.

Philippi te 4:7

Tua hile mihing tel zawk ngawl Pathian ii thinnopna in Christ Jesus taw na kipumkhatna hangin, na thin na lung hong ngammuangsak tu hi.