Isaiah 26:10 - Syin Chin Bible

¹⁰ Mihing seksolte tungah nang dik napi in, amate in a maan a vawt tu he ngeingawl uh hi. Mihing thutangte teenna hi ngam ngawngawn zongh ah amate in khialna vawt veve lai hi; amate in na letna thusim ngawlin nial uh hi.

Isaiah 26:10 Iomraidhean Croise

2 Kumpite 13:6

Ahihang amate in Kumpipa Jeroboam ii Israel mite mawna sungah a lampuina te nusia ngawl uh a, tua mawnate ma vawt suak lai uh hi, tuaciang numeipathian Asherah ii lim sia Samaria ah taanglai hi.

Psalm Late 106:43

Tamvei ma Topa in a mite suatak ahihang, amate in Topa langpan tu teal zaw ahikom amate sia mawna sungah a thuk zaw in taaksuk uh hi.

Psalm Late 143:10

Nangma in ka Pathian na hi hi; na deina bang ka vawt thei natu hong hil ta'n. Kei tungah hong dik ta'n a, a muanhuai lampi ah lam hong pui ta'n.

Psalm Late 69:27

Amate mawna theampo tepteena khat nei in; nang ii ngupna sungah amate kihelsak heak in.

Pusuana 8:15

Kumpipa in ulol thite a mu ciang a thinsak kikin Topa ci sa bangma kumpipa in Moses le Aaron thu ngai ngawl hi.

Pusuana 9:30

Ahizong nangma le na uliante in Topa Pathian na kiitak ngawl lai uh sia ka he hi,” ci hi.

Pusuana 9:34

Kumpipa sia thupiang teng a mu ciang khial kik leleau hi. Ama le a uliante thin a sak ngei in sak a,

Paunakte 1:32

Heakna nei ngeingawlte thi hi, banghang ziam cile amate in ciimna nial uh hi. A mawmawte sia awlmawk a neithei ngawlna in amate lalsak hi.

Thuhilsya 3:16

Tua bek dom ngawlin hi leitung ah thutang le thumaan om tu kilawm napi ngitlo khansiatnate na mu sia kei zongh ka mu hi.

Thuhilsya 8:11

Banghangin mihingte in ol vazeang in khutkhial ziam? Banghang ziam cile khut khialna sia man lalang in daan a kipiak ngawl hang ahi hi.

Isaiah 1:21

Khatvei lai in a thumaan khuapi sia pumpi zuak numei khat bangin ngamta hi! Khatvei lai tua khuapi sia mihing thutangte taw kidim a, ahizong tu in mithatte bekma taang lai hi.

Isaiah 2:10

Topa ii thin uukna pan le a vaangletna le a minthannate pan a suatak natu hanciam in, amate sia mualkawm suanghawng sung ahibuale leihawng tawna sungah buu tu uh hi!

Isaiah 24:5

Mihingte in Pathian thukhamte paltan na taw le a tawntungin a kikhomsuan tu a vawt thuciamna a siatsakna taw leitang ninsak uh hi.

Isaiah 27:13

Tua ni a thet ciang, Assyria le Egypt ngam ah saltaang in a om Israel te theampo tua mun pan sap kikna tu lemle khat kitum tu hi. Amate hong cia a, Jerusalem khua ama ii mual thiangtho tungah Topa bia tu uh hi.

Isaiah 32:6

Mihing mawmaw khat in mawmawt kam veu pau in, a sia vawt tu vive ngaisun hi. A nasep le a kampau in Topa selnona vive hi a, ama in ngilkial dangtaakte an le tui pia ngeingawl hi.

Isaiah 32:7

Ngaisutna kicing ngawl pa sia ngilo in, a sia vive vawt hi; leilot thu taw mizawngte suksiat sawmin, a nga tu a kilawmte khaktansak tu sawm hi.

Isaiah 5:12

Na poai sung uh ah tengtongh, daalkual khuangnote, tamngaite, na tum uh a — tuaciang sapittui na ne uh hi. Ahihang Topa in bang seam cisia na tel bua uh hi,

Jeremiah 2:7

Keima in amate thaw an laaknate le a dang a phate a nga natu in leiphana mun ka thetpui hi. Tua hi napi amate in ka ngam siasak zaw a; amate ka piaksa ngam ninsak uh hi.

Jeremiah 31:23

Vaanglianbelpa Topa Israel ii Pathian in, “Mihingte a ngam ka piak kik ciang, Judah ngamsung le a khuate sungah amate in, ‘Topa in Jerusalem mual thiangtho, ama teenna mun thiangtho sia, thupha pia tahen’ khatvei ma ci kik tu uh hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 9:3

Israel mite sia Topa ii leitang tungah taang ngawl tu ahihang, Egypt ah heak kikin Assyria ah a kikhaam ante ne tu uh hi.

Micah 2:10

Tho vun a, pai vun; hi lai ah ngam muanna om nawn ngawl hi. Na mawnate in hi mun siasak in lalna sung then hi.

Matthew 4:5

Tua zawkciang Doaimangpa in Jesus sia Khuapi Thiangtho Jerusalem ah paipui a, Biakinn khuvum a saangbel na ah suanhto hi.

Thuhil kikna 32:15

“Topa ii mite hau uh a, ahizong Topa leedo uh hi; amate an khamin thau uh hi. Amate in a Bitphuapa Pathian taisan uh a, a vaanglian hunpa nial uh hi.

Thupualaakna 2:21

A mawnate a kisiik kik natu hun pia ka hi hang, ama in paktatna pan, kikheal nuam ngawl hi.

1 Samuel 15:17

Samuel in, “Nangma le nangma sia thupi na kisak ngawl hang, nang sia Israel te ii lampui pa ni hi. Topa in Israel Kumpipa tu in sathau hong noi sa ni hi,