Isaiah 26:1 - Syin Chin Bible

¹ Judah ngam sungah mihingte in hi la a sak tu ni khat hong theng tu hi; Ih khuapi muanhuai hi! Pathian mama in tua luphungte hung hi!

Isaiah 26:1 Iomraidhean Croise

Ezra 3:11

Amate in hi Topa pokna la sa kikik hi: “Topa pha hi, Israel a itna kip tawntung hi.” A kuama po in a tha neiza tek taw au in Topa pok uh hi, banghang ziam cile Biakinnpi tawdap a vawt kipan zo hi.

Psalm Late 31:21

Topa pok vun! Kei hong ki uumci a, hong kisim lai in, kei tungah itna hong lak sia bangza in lamdang ziam!

Psalm Late 48:12

Pathian mite awng, Zion kiimkot ah pai vun a, ngalvilna tausaangte a phakza sim vun;

Psalm Late 48:4

Kumpite kikhawmtua in Zion Mual sim tu in hong kuan uh hi.

Isaiah 12:1

Mihingte in hi bang la a sak tu ni khat hong theng tu hi, “Nang kong pok hi, Topa awng! nang in kei tungah nong thin uuk hi, ahihang tu in nong heeneam a, na thin uuk nawn ngawl hi.

Isaiah 14:31

No Philistine khuapi theampo awng, huna ngenin kapin au vun! Na vekpi uh in lauthawngin om vun! Saksang pan ngalkapte hong paina leivui khu sia meei bang hi a — tua ngalkaphon sungah a lauthauh khat zongh om ngawl hi.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Isaiah 2:20

Tua ni hong thet ciang, khamh le ngunn taw a vawt sa milimte, amate ma in vawkkeak tu a, tuate sia buite le bakte nusiat tu uh hi.

Isaiah 25:9

Tuasia a pian ciang, mihing theampo in, “Ama ih Pathian hi! Ama ka muang zo uh a, ama in hong suatak zo hi. Ama in Topa hi! Ama ka muang zo uh a, ama in kote hong ngum zo ahikom. tu in lungdam thinnuamin ka om uh hi” ci tu uh hi.

Isaiah 31:5

Vacim khat in a bu tung pan a note a cin bangma in keima, Vaanglianbelpa Topa in, Jerusalem sungsia in ka hung tu hi,” hong ci hi.

Isaiah 31:9

A kumpilianpa lau in tai tu a, a ngalkap maangte lauthawng mama ahikom ngalsimna in a zak a laandial nusia tu uh hi,” ci hi. Jerusalem khua ah kibia a, sangaw biakpiakna atu a kihal mei ii Topa — tua Topa pau zo hi.

Isaiah 33:5

Topa bangza in lian ziam! Ama in na theampo uk hi. Ama in thukhaikim le thutuumna taw Jerusalem dimh tu a,

Isaiah 33:6

ngam bup kikhealna om ngawlin khosak tu hi. Ama in a mite sungsia tawntungin, ciimna le heakna pia tu hi. A nei lianbel uh sia Topa a thasiana uh ahi hi.

Isaiah 4:2

Topa in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

Isaiah 5:1

Hi la kong sak laitak hong ngai ta'n, ka lawmpa le ama sapithuan taw kisai la khat hi: Ka lawmpa in leipha mama mual khat ah sapithuan khat nei hi.

Isaiah 56:5

Ka Biakinnpi sung le ka mihingte sungah na min sia tanute tapate na neina taw teptee tu sangin khuangei kiciamtee zaw tu hi. Nang hong kimangil ngei nawn ngawl tu hi,” ci hi.

Isaiah 60:18

Thazaw suangin kizawthawkna awte kiza nawn ngawl tu hi; Suksiatna in na ngam hong siasak kik nawn ngawl tu hi. Luphung khat bangin nang kong dal, kong pao tu hi; Nang hong ngum zo ka hikom nong pok tu hi.

Isaiah 62:10

Jerusalem mite awng, khuapi panin pusuak vun a Hong heak kik na mite atu in lam khat ziik vun! Lampi lian khat ziik vun; suangte heam vun! Mihingte heak thei tu in tepteena lim lakna khat khai vun.

Isaiah 62:11

Topa in leitung theampo ah thu a thansakna panin: “Topa sia no hong ngum tu in hong pai a, Ama ii suatak sa mite hong tonpui hi, ci thu Jerusalem mite tungah son vun,” ci hi.

Jeremiah 33:11

Lungdam thinnuam in au nate, tuaciang mopoai ngualnopna awngingte na za kik tu uh hi. Mihingte in ka Biakinnpi ah lungdamko biakpiaknate pia in la a sak na za tu uh hi; amate in, ‘Vaanglianbelpa Topa tungah lungdamko vun, banghang ziam cile ama pha a, ama ii hong itna kip tawntung hi,’ ci tu uh hi. Hi ngam sia nidang bangma in ka nuamsasak kik tu hi. Keima Topa in ka son zo hi,” ci hi.

Ezekiel 40:5

Ka mu sia Biakinnpi hi a, a kiimkot ah luphung khat om hi. Tua pa in metre thum a sau ama piciang la in tua luphung tee hi. Tua sia metre thum saang a, metre thum saa hi.

Zechariah 2:5

Topa in khuapi huu tu in ama mama khuapi kiimkot a mei luphung khat hi tu a, ama tua munah a vaangletna theampo taw a teang tu in kamciam pia zo hi va ci ta'n,” ci hi.

Zechariah 2:9

“Topa ama mama in note hong sim tu a, khatvei lai a na naseam ahi ngeite in na vanh uh hong suttol kik tu hi,” hong cisak hi. Hi bangin hong pian tak ciang Vaanglianbelpa Topa in kei hong puak hunlam a kuama po in he tu uh hi.

Mi Simna 21:17

Tua laitakin Israel mite in hi la sak uh hi: “Tuikhuk te awng, na tui phuulsak vun; Lasakna taw muak tu khu hi —

Matthew 16:18

“Tuaciang, a maan takin kong ci ciang, Peter awng: nang sia suangpi na hi hi, tuaciangin, hi suangpi phungkawng tungah ka pawlpi ka phut tu a, thina ngawngawn zongh in a zo zo buatu hi.