Isaiah 24:3 - Syin Chin Bible

³ Leitang tamhtham in kisiacip tu hi. Topa in son zo a tuabangin kivawt tu hi.

Isaiah 24:3 Iomraidhean Croise

2 Khangtaanghthu 36:21

Tuabangin kamsaang Jeremiah tungtawn a, Topa ii hi bang a sonkhol sa sia taangtung hi: “Sabbath tawlngakna a kitang ngawl teng lo kik natu in a ngam sia kum sawmsali sung ngamtongta hi tu hi.”

Isaiah 21:17

Kedar mite sung pan thal toaite sia ngalhang belte hi a, ahihang amate sung pan tawm bek taang lai tu hi. Keima, Israel te ii Topa Pathian in ka son zo hi,” hong ci hi.

Isaiah 22:25

Tuabang a pian ciang kho takin a kikhen vanh khaina sia zuukin taak tu hi. Tua in a tungah a kikhai nate theampo ii bona hi tu hi,” ci hi. Topa pau zo hi.

Isaiah 24:1

Topa in leitang lalsakin ngamkhingsak tu hi. Ama in lei maitang heakcipin, a mite thethaang tu hi.

Isaiah 24:2

Mihing theampo — thiampite le mihingte silate le tote, vanh leite le vanh zuakte, sum pukthaakte le sumpute, a hau a zawng, a thuakna uh kibang kim tu hi.

Isaiah 24:4

Leitang ko ngaw in tul hi; leitung buppi zawngkhal hi; lei le van a nii in lal hi.

Isaiah 42:22

Ahihang tu in a mite kisuttol zo hi; leinuai thong ah kikalhcipin thong sungah kiseal hi. Amate ii vanhte kiphuulin kisuttol a, amate suatak tu in kuama hong pai ngawl hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 13:15

Israel mite awng, Topa in son zo hi! Na thin uh neamsakin a thu ngai vun.

Ezekiel 36:4

Tua ahikom tu in, no, mualte, luamte le ngamkuamte, a lalsa in a kinusia munte, na kiimkot ngam theampo ii a sutol a nunau khuapite awng, Keima, Vaanglianpipa Topa ii son teng hong ngai tavun.

Micah 2:4

Tua hun a tun ciang, mite in no sia tuasiatna huvau sonteena in hong nei tu hi, noma thuakna teng khuangai la in na sa tu uh hi: Eite ih lalcip dikdek zo hi! Topa in ih ngam ih lei la zo a, tuaciang ei hong mante tungah tuasia kipia zo hi,” ci tu uh hi.

Micah 4:4

A neisa sapithuante le a theikungte sungah mi theampo kilemin teang tu hi, tuaciang kuama in ama lausak ngawl tu hi. Topa Vaanglianbelpa in hi kamciam pia zo hi.

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.

Thuhil kikna 29:28

Topa thin uuk mama a, a thin uukna lian ahikom a ngamsung pan longhkeak in ngamdang denna in nei a, tuni dongin tua munah amate om uh hi,’ ci sia a kizo kikna hi tu hi.