Isaiah 21:2 - Syin Chin Bible

² A ngitlo huai thupiangte mukholna khat ka mu a, kilee heakna le lalcipna ahi hi. Elam ngalkapte awng, sim vun! Media ngalkapte awng, khuapite kiim uum vun! Babylon ii a piansak ngimna a thuakna sia Pathian in bosak tu hi.

Isaiah 21:2 Iomraidhean Croise

Pianciilna 10:22

Shem ii tapate — Elam, Asshur, Arpachshad, Lud le Aram — sia amate ii min a pu mite ii taanghpupite ahi uh hi.

2 Kumpite 17:6

Hoshea ii maan zawk a kum kua a phak kumin Assyria te ii kumpilianpa in Samaria suan hi, Israel te thongtaak tu in ciapui a, tuate sung pan pawlkhat sia Halah khuapi ah, pawlkhat sia Gozan ngamkhen sung Habor Ngun hui ah, tuaciang pawlkhat sia Media te khuapite ah teangsak hi.

Psalm Late 119:158

Tua ngual leeheak theite ka et ciangin kiihuai ka sa hi, banghang ziam cile amate in na thupiakte a len bua uh hi.

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 25:3

Nang hong muangte kuama in nguallel ngawl tu hi, ahihang nang hong langpan papaihte nguallel tu hi.

Psalm Late 60:3

Na mite nasia takin nong thuaksak hi; zukham bang keakin ka hoi uh hi.

Psalm Late 79:11

Thongtaakte ii a taunate ngai ta'n a, na vaangletna lianpi taw a thi tu in a kikoisate suatakin.

Paunakte 13:15

Pilna in kithasiana piangsak a, ahihang a muanhuai ngawlte sia lalna lampi a tawn uh hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 14:4

Topa in hi bang a piak ciang, Israel mite in Babylon kumpipa sia: “A ngilo kumpipa pukvawk zo! Ama in kuama zawthawk vawt kik ngei nawn ngawl tu hi!

Isaiah 14:7

Tu tak ciang leitung bup ah tawlngakna le kilemna om a, kuama po thinnuam lungnuam in lasa uh hi.

Isaiah 22:6

Elam ngam pan ngalkapte thal le thaltang toai in siphu tung to in, hong pai uh hi. Kir ngam pan ngalkapte a lum tek taw kithoai sa in om uh hi.

Isaiah 24:16

Leitung a khuala belnate panin a thumaan Israel minamte a kipokna late ih za tu hi. Ahihang kei atu in lametna bangma om ngawl hi! Kei zawm dikdek ing! Ngual a leeheakte in tawp ngawlin thetheam lai a, ngual a leeheakna nasia vaial hi.

Isaiah 33:1

Ih ngalte a lal ahi hi! Kuama in amate suttol ngawl, leeheak ngawl napi in, amate in ngual ii neisa suttol in leeheak uh hi. Ahihang ngual ii neisa a sutol tu le a leeheak tu hun bo tu a, tuaciang amate mama sia ngual ii sutol le theam thuak tu uh hi.

Isaiah 35:10

Amate in thinnopna taw lasa in, au in lungdamna taw Jerusalem khua theng tu uh hi. Amate heena le khuangaina taw kipeal tawntungin, lungdam top tu uh hi.

Isaiah 47:6

Ka mite tungah ka thin uuk hi; ka mi in ka tuat nawn bua hi: Nangma khut sungah amate kong aap a, amate na hesuak bua hi; Khanghaamte ngawngawn na vawtsia hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Jeremiah 31:25

A ngim a toi mihingte thathak ka nguan tu a, ngilkial in, a tha zawmte theampo an ka vaak tu hi.

Jeremiah 45:3

‘kei paw cimaw zo ing! Topa in ka haksatnate khuangaina taw hong belap hi. Ka tatauna taw ka ngim zo a ka toi thai thei ngawl hi!’ na ci hi.

Jeremiah 49:34

Zedekiah ii Judah kumpi a sua zawk po ciang, Vaanglianbelpa Topa in Elam ngam thu ka tungah hong son hi.

Jeremiah 49:35

Ama in, “Elam ngam a thahatsak mama thalkaap thiamte theampo ka that tu hi.

Jeremiah 50:14

“Thal toaite awng, Babylon sim tu in kingual vun a kiim uum vun. Na thaltang theampo uh taw Babylon kap vun, banghang ziam cile ama in keima Topa tungah hong maw zo hi.

Jeremiah 50:34

Ahihang amate a suatak tu pa sia thahat a — ama min sia Vaanglianbelpa Topa ahi hi. Ama mama in amate vai teng vaansak tu a, leitung ah kilemna thengsak tu hi, ahihang Babylon mite tungah ngimna thengsak tu hi,” ci hi.

Jeremiah 51:11

Topa in Babylon suksiat tu a sawm hu in Media kumpite thawn zo hi. A Biakinnpi a suksiat hu in ama in hi bangin phulam tu ahi hi. Ngal a sim ngalkapmangte in, “Na thaltang hiamsak vun! Na lum uh la in kithoai vun!

Jeremiah 51:44

Babylon ii pathian Bel sia daan ka pia tu a, a vanh nguk teng ka pia kiksak tu hi; minamte in ama bia nawn ngawl tu uh hi. “Babylon ii luphungte cimh zo hi.

Jeremiah 51:53

Babylon sia van ah kaato thei in, tua munah kulh kho khat a vawt thei hial zongin tua kulh susia tu in mihing ka puak veve tu hi. Keima, Topa in ka son zo hi,” ci hi.

Kaa late 1:22

“Amate seksolnate theampo hu in amate ningkhiin in; Ka mawnate hu in daan nong piak bangma in amate daan pia in. Thasiatna taw ka tau a, ka thin na hi.”

Daniel 5:28

Kikhen ii a khiakna in na ngam kikhentham a Mede mite le Persia mite tungah kipia hi,” ci hi.

Daniel 5:9

Belshazzar kumpipa sia a thinngimna taw in a mai daang vaial a, a uliante in a ci a law he ngawl hi.

Daniel 8:2

Ka mukholna sungah thakhatin Elam ngamkhen sung a ki uumcip Susa khuapi sungah keima le keima ka kimu hi. Keima sia Ulai ngunhui ah ka ding a,

Daniel 8:20

“Kii nii a nei tuutal na mu sia Media le Persia kumpi ngamte cinopna ahi hi.

Thupualaakna 13:10

Ngalmat tu in a kitavaw peuma kiman takpi tu a, namsau taw thalup tu in a kitavaw peuma namsau taw ma kithatlum tu hi. Hite hu in Pathian ii mihingte tungah thuak zawkna le upna kisamh hi,” ci hi.

1 Samuel 24:13

Taanghkam teptee khat, ‘Siatna sia misiate bek in vawt hi’ a ci sia he ni hi. Tua ahikom nang sia bangma hong law ngawl tu khi hi.