Isaiah 21:1 - Syin Chin Bible

¹ Hisia sia Babylon taw kisai thupuak ahi hi. A lauhuai ngam khat panin suumpei khat bangin sennealngam kaantan in, tuasiatna hong pai tu hi.

Isaiah 21:1 Iomraidhean Croise

Job 37:9

Suangval vui sia thangsang pan hong va a, hong vut vaval khuasik sia saksang pan hong pai hi.

Isaiah 13:1

Hisia sia Babylon taw kisai, Amoz ii tapa Isaiah ii Pathian tung pan a nga thupuak khat ahi hi.

Isaiah 13:13

Vaanglianbelpa Topa keima in, ka thin uukna ka lak ni in, vantungte ka liingsak tu a, leitung sia ama omna pan kithingkeak tu hi.

Isaiah 14:1

Topa in ama ii mihing Israel te khatvei ma hesuak kik leleau tu a, ama aituam mi in teal tu hi. Topa in amate a leitang tungah teangsak kik tu a, ngamdangmite pai in tua munah amate taw teang khawm tu uh hi.

Isaiah 14:14

Nangma in meei dawnte ah ka kaato tu a, Vaanglianbelpa taw ka kibang tu hi, na ci hi.

Isaiah 14:23

Keima in Babylon khuapi buannawng pui khat ka suaksak tu a, tua munah simbute teang tu hi. Babylon sia munphia khat taw ka phiat tu a, tua in na theampo phiatkeak tu hi. Keima vaanglianbelpa Topa in ka son zo hi,” ci hi.

Isaiah 17:1

Topa in, “Damascus sia khuapi khat hi nawn ngawl tu hi; ninthuk kholna khat bek hi tu hi.

Isaiah 47:1

Topa in, “Babylon awng, na kumpi tokhum tung pan hong tuaksuk ta'n a, leivui sungah to in. Nang in khatvei lai in ngaknu thiangtho khat bang na hi a, a kizo ngeingawl khuapi khat bang na hi hi, ahihang nang sia moisua in na sa a neal nawn bua hi! Tu in nang sia sal khat na hi hi!

Isaiah 5:28

Amate thaltangte hiam a, a thalte kaa tawm tu bekin eal pinpen uh hi. A siphu peangcinte thausuang bangin sak a, a muite suumpei bangin pei hi.

Jeremiah 51:1

Topa in, “Babylon le a mite a lalsak vuipi khat ka vasak tu hi.

Jeremiah 51:42

Tuipi sia Babylon khua tungah kinil zo a, tuihual te hawk in khum zo hi.

Jeremiah 51:51

Note in, ‘Ih min hong kidaisak zo a hong kimaizumsak zo hi; Ngamdangmite in Biakinnpi sung a thiangtho na munte la zo ahikom cimaw cip ka kisa uh hi,’ na ci uh hi.

Ezekiel 1:4

Khua ka dakto le saksang pan vuipi suangval hong pai ka mu hi. Meeikaai lian pui khat sung pan khualeng vazak a, a kiimkot van taang hi. Khualeng tee vazalna munah taau bang khat taang hi.

Ezekiel 30:11

Ama le cizat nei ngawl a ngalkaphonpi sia, ngam susia tu in hong pai tu hi. Amate in namsau taw Egypt sim tu a, tua ngam sia mithiluang taw kidim tu hi.

Ezekiel 31:12

Cizat nei ngawl ngamdangmite in phuk in nusia tu hi. A baakte le a zikpi taltante sia ngamsung mual tung le kuam theampo ah taak tu hi. A lim nuai a bealh ngei minam theampo in paisan tu uh hi.

Ezekiel 38:9

Ama le a ngalkapte le ama taw kipawl ngam tam mamate in vuipi bangin sim tu a, meei bangin a ngamsung a tuamcip tu uh hi,” ci hi.

Daniel 11:40

“Syria kumpipa ii hun a bo kuan ciang, Egypt kumpipa in ama sim tu hi, Syria kumpipa in a tha nei theampo taw, siphu ngalleangte, siphute le teambaw tam mama zanghin Egypt kumpipa do kik tu hi. Ama in namthuam tuikhang bangin ngam tam mama sim tu hi.

Zechariah 9:14

Topa in a mite tungah hong kilangh tu hi; ama in a thaltangte khualeng bangin kap tu hi. Vaanglianpipa Topa in a lemle tum tu a; thangsang pan vuipi suangval bangin hong kuan tu hi.