Isaiah 2:8 - Syin Chin Bible

⁸ Amate ngam sia milimte taw kidim a, amate khut taw a vawt tawm uhte ma amate in bia uh hi.

Isaiah 2:8 Iomraidhean Croise

1 Kumpite 16:7

Baasha le a bangkua langpanna, tua Topa kammalte sia kamsaangpa Jehu in pia hi, banghang ziam cile Baasha in Topa tungah mawna vawt hi. Ama in Topa thin uuksak hi, banghang ziam cile ama in tatkhakna sia ama mai a, Jeroboam vawt bangin a vawt dom ngawlin, Jeroboam ii innkuanpuite theampo zongh that siat hi.

2 Kumpite 17:10

Mualtung theampo le thinglim nuai sim ah, Asherah numeipathian ii milim le suangkhuamte phut uh hi,

2 Kumpite 17:16

Topa a Pathian ii thukham theampo amate in paltan uh a, amate in thik taw a kivawt khuital nii ii lim a biak tu in vawt uh hi; amate in Asherah numeipathian ii milim zongh vawt a, aksite bia in, Baal pathian ii naseam uh hi.

2 Khangtaanghthu 27:2

Ama in a pa ngamtat bangin, Topa ii dik a sak te seam hi; ahihang a pa bang hi ngawlin Biakinnpi sungah ngimnamtui halin maw ngawl hi. A mite ahile mawna vawt veve uh hi.

Isaiah 17:8

Amate in a khut uh taw a vawttawm biaknataute suang nawn ngawl tu a, ahibuale a khut vateak taw a vawt sa — Asherah numeipathian limte le ngimnamtui halna taute muang nawn ngawl tu hi.

Isaiah 26:13

Kote Topa Pathian awng, kote sia ngual dangte in hong uk zo a, ahihang nangma bekma in kote Topa na hi hi.

Isaiah 37:19

a pathiante — tuate sia pathian tatak hi ngawl het a, khut taw a vawttawm thing le suang po ii limte bek ahi a pathiante a haltumsak sia ka he siat uh hi.

Isaiah 40:19

Ama sia thikseakte khutthiamte ii vawt, ngunn huanna sungah a sun suk khamh taw a zut milim taw kibang ngawl hi.

Isaiah 41:29

Hi pathiante theampo sia a luithawthong ahi hi; amate in bangma vawt thei vet ngawl hi — hi milimte sia thazawmin vaang nei ngawl hi.”

Isaiah 57:5

Ta hong hausak pathiante ka bia uh hi ci in, tua thingkung thiangthote nuai ah numei le pa khialna na vawt uh hi. Luitui luanna hui ah a om suang hawngte sungah na tanote biakpiakna in na pia uh hi.

Jeremiah 1:16

Keima in ka mite daan ka pia tu hi, banghang ziam cile amate in mawna khialna vawt zo uh hi; amate in kei hong nusia zo uh a, pathian dangte tungah biakpiakna pia in, milim vawtin bia uh hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 2:28

“Noma atu na vawt sa uh pathiante koisungah om ziam? Ngimna na thuak uh ciang amate in hunsak ve vun — amate in hi thei ahile! Judah awng, khuapi na neiza ma in pathian tam mama na nei uh hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Hosea 14:3

Assyria in ko hong hung thei ngeingawl a, ngal siphute in ko hong dal thei ngawl hi. Kote in milimte tungah ka Pathian hi ci kik ngei nawn bua vak ung. Topa awng, nangma in belh tu dang a nei ngawlte hesuak ni hi.”

Hosea 8:6

Israel mi khut thiam khat in milim vawt a, tua in pathian khat hi vet ngawl hi! Samaria ah a kibia khamh khuital sia a bebekin kisutham tu hi!

Micah 5:12

Na zak uh bum le ai theampo ka susia tu a, khutlam en aisaan thei khat zongh ka khoaikhe buatu hi.

Sawltakte 17:16

Silas le Timothy ngakin, a om laitak Paul in Athens khua ah milim biakna a dim in om a mu ciangin Paul sia nasia takin a thinkiam hi.

Thuhil kikna 4:28

Note in tualai ah mihingte khut taw a kivawt pathiante, thing le suang taw a kivawt pathiante, khuamu thei ngawl, khuaza thei ngawl, an ne thei ngawl, a nam za thei ngawl pathiante na na seam tu uh hi.

Thupualaakna 9:20

Hi ngimna liante ii thalup mong a taanglai mihingte in amate khut taw a vawttawm uh nate panin a kikheal kik nuam bua uh hi. Doai biakna tawp ngawlin, khamh, ngunn, taau, suang le thing milim khuamu thei ngawl, khuaza thei ngawl, lampai thei ngawlte a biak uh zongh a kheal bua uh hi.