Isaiah 2:3 - Syin Chin Bible

³ tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 2:3 Iomraidhean Croise

Esther 9:27

Jew te in amate mama atu, a suan a paalte atu, Jew a suak thei tu khat pawpo atu in hi ni niite kum simin Mordecai thupiak bangin a hun maan in a kitan natu ngeina khat in vawt uh hi.

Psalm Late 102:23

Topa in ka khanmoi kimlai ma in hong thazawmsak hi; ama in ka khan hong tomsak zo hi.

Psalm Late 110:2

Zion panin Topa in na kumpi vaangletna hong khang tu hi. Ama in, “Na ngalte uk in” ci hi.

Psalm Late 119:171

A tawntungin nang kong pok tu hi, banghang ziam cile nangma in na thukhamte nong hil hi.

Psalm Late 122:1

“Topa inn ah pai tek tawng” hong ci a om ciangin ka lungdam hi.

Psalm Late 48:1

Topa sia lian a, ih Pathian khuapi sung le a mual thiangtho tungah nasia takin pok tu ahi hi.

Isaiah 1:26

Taanghlai in na nei uhte bangma in no hong uk tute le ngaisutna hong pia theite kong pia tu hi. Tua zawkciang Jerusalem sia a thutang, thumaan khuapi kici tu hi.”

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 19:23

Tua hun a thet ciang, Egypt le Assyria ngam kilaklaw ah lampi lian khat om tu hi. Tua ngam nii te pan mihingte khat le khat kihaw in minam niite in Topa bia khawm tu uh hi.

Isaiah 28:9

Amate in kei hong phunsan uh hi. Amate in, “Tua pa in akua ka hihil ci in kingaisun ziam? Akua in ama ii thupuak dei ziam? Ama ii thupuak sia a nu noai a ten tuung naunote atu bekin pha hi!

Isaiah 44:5

“Mite, khat zawkciang khat in, ‘Keima in Topa aa ka hi hi,’ ci tu hi. Amate in Israel mite taw kikop tu in hong pai tu uh hi. mi simin a baan tungah Topa min at in ama le ama sia Pathian ii mihing khat ka hi hi,’ ci tu hi.” ci hi.

Isaiah 56:5

Ka Biakinnpi sung le ka mihingte sungah na min sia tanute tapate na neina taw teptee tu sangin khuangei kiciamtee zaw tu hi. Nang hong kimangil ngei nawn ngawl tu hi,” ci hi.

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Isaiah 60:3

Minamte sia nangma khuavak sungah hong zuan tu a, kumpite sia nangma ii ni thak khuavak hong zuan tu uh hi.

Isaiah 65:11

“Ahihang kei hong nusiate, ka mual thiangtho Zion a awlmawk ngawlte, kaam thu le kaam etna in a dok Gad le Meni pathiante a bia note atu in thutuam hi tu hi.

Isaiah 66:20

Amate na Israel mipuite theampo sia hi ngamte pan keima kungah letsong in hong puak kik tu uh hi. Israel mite in biakpiakna antangte sia biakna taw kisai bung thiangthote taw Biakinnpi ah hong paipui bangma in, amate in na ngammipuite sia siphu, laa, kalaoh le siphu ngalleangte le khui leangte tungah pua in ka mual thiangtho Jerusalem ah hong paipui tu uh hi.

Jeremiah 12:16

Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 31:6

Hi hi, ngalvilte in Ephraim mualtung panin, ‘Ih Topa Pathian kung Zion ah paito ka tawng’ ci in a sam tu hun hong theng tu hi,” ci hi.

Ezekiel 40:2

Mukholna khat sungah Pathian in Israel ngam sungah hong paipui a, mualsaang khat tungah hong koi hi. Ka mai ah khuapi khat taw a kibang inn honkhat ka mu hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Micah 4:2

tuaciang a mite in, “Topa ii mual, Israel ii Pathian Biakinnpi ah kaato tawng. Banghang ziam cile seam a hong oaite ama in hong hil tu hi; ama tealsa lampi ih zui tu hi. Banghang ziam cile Topa hilcianna in Jerusalem pan hong pai hi; ama in Zion panin a mite paupui hi,” ci tu hi.

Matthew 7:24

“Tua ahikom, kei kammal hite za a, a zaak uh bang a zuite sia suangpi tungah inn sa mihing ciimpa taw kibang hi.

Luke 11:28

Ahizong Jesus in, “Tua sangin Pathian kammal za a, a zuite in bangza in thupha nga zaw ziam!” ci in, zo kik hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

John 4:22

No Samaria te in na biak uh akua ziam, ci in he tatak ngawl nu hi; ahihang ko Jew te in, ka biak uh sia ka he uh hi, banghang ziam cile ngupna sia Jew te tung panin hong pai hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

Sawltakte 1:8

Ahihang Thaa Thiangtho note tungah hong pai ciang, vaangletna taw na kidim tu uh a, Jerusalem pan kipan Judea ngam bup le Samaria ngam le leimong dongin, ka tetti na hi tu uh hi,” ci hi.

Sawltakte 10:33

Tua ahikom thakhatin kong samsak a, na dikna hangin nong pai hi. Tu in Pathian mai ah ko teng na om ung, Topa ii nang son a hong sawl po ngai tu in hong ngak khu hi,” ci hi.

Romete 10:18

Tua ahile amate in a thu za ngawl hi tu ziam?, ci in kong dongh hi. Za hi — laithiangtho in hi bangin ci hi: “Leitung theampo ah amate ii aw theng hi; Amate ii kammal leimong dong theng hi.”

Thuhil kikna 33:19

Amate in a mual tungah ngamdang mite sam a, tualai ah a maan sangaw biakpiaknate pia hi. Amate in a hauna sia tuipi pan le tuipi hui sen panin nga uh hi,” ci hi.

Thuhil kikna 6:1

“Hi thukham theampo note kong hil tu in Topa na Pathian in thu hong pia hi. Note tumin na laak tu uh ngam sungah tua teng zui tavun.

James 1:25

Ahihang mihingte a suaktasak a kicing thukham sia pha takin a et zawkciang thupi ngaisut tawntung a, a zaak sia a mangil kik paih sia hi ngawlin, a zui — a nuntak puite peuma sia Pathian in a sepna ah thupha pia tu hi.