Isaiah 2:2 - Syin Chin Bible

² Maisang hunin Biakinnpi dinna mun ahi, hi mual in mual theampo sung pan a saangbel hi tu a, mualno theampo tungah dokto tu hi. Tua munah minam tam mama kikaikhawmin hong pai ngeingui tu a,

Isaiah 2:2 Iomraidhean Croise

Pianciilna 49:1

Jacob in a tapate samin, “Hong kikhawmtua tavun, mai sangah note tung a hong piang tu thu kong son tu hi:

Job 19:25

Ahizong vantung ah a om khat om a, a khakbel ciang kei hong hung tu in ama hong pai tu sia ka he hi.

Psalm Late 102:23

Topa in ka khanmoi kimlai ma in hong thazawmsak hi; ama in ka khan hong tomsak zo hi.

Psalm Late 2:8

Hong ngen ta'n, minamte theampo kong pia tu a, leitung bup nangma aa hi tu hi.

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Psalm Late 22:28

Topa sia kumpipa hi a, ama in ngam theampo uk hi.

Psalm Late 48:2

Zion, Pathian mual sia, saangin hoi hi; kumpilianpa khuapi in leitung theampo lungdamna hong puak hi.

Psalm Late 68:17

A thahat siphu ngalleang tul tampite taw Topa in Sinai panin a thiangtho mun zuan hi.

Psalm Late 72:8

Ama ukna kumpi ngam sia tuipi khat pan tuipi khat dong kithung tu a, Euphrates ngun pan leimong dong hi tu hi.

Psalm Late 86:9

Na bitphua sa minam theampo hong pai in na mai ah kun tu hi; amate in na letna hong pok tu hi.

Psalm Late 87:1

Mual thiangtho tungah Topa in ama ii khuapi saat hi;

Psalm Late 87:2

Ama in Israel ngam sung mun dang theampo sangin Jerusalem khuapi it zaw hi.

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 25:6

Vaanglianbelpa Topa in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.

Isaiah 27:13

Tua ni a thet ciang, Assyria le Egypt ngam ah saltaang in a om Israel te theampo tua mun pan sap kikna tu lemle khat kitum tu hi. Amate hong cia a, Jerusalem khua ama ii mual thiangtho tungah Topa bia tu uh hi.

Isaiah 30:29

Ahizong Pathian ii mihing, note in, poai thiangtho khaam ni zan a, na vawt uh bangin lungdam in la na sa tu uh hi. Israel te a huu Topa sia Biakinnpi ah a pai uh lai in tamngai aw zui in a paite bangin na lung uh dam tu hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 56:5

Ka Biakinnpi sung le ka mihingte sungah na min sia tanute tapate na neina taw teptee tu sangin khuangei kiciamtee zaw tu hi. Nang hong kimangil ngei nawn ngawl tu hi,” ci hi.

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Isaiah 60:3

Minamte sia nangma khuavak sungah hong zuan tu a, kumpite sia nangma ii ni thak khuavak hong zuan tu uh hi.

Isaiah 65:11

“Ahihang kei hong nusiate, ka mual thiangtho Zion a awlmawk ngawlte, kaam thu le kaam etna in a dok Gad le Meni pathiante a bia note atu in thutuam hi tu hi.

Isaiah 66:20

Amate na Israel mipuite theampo sia hi ngamte pan keima kungah letsong in hong puak kik tu uh hi. Israel mite in biakpiakna antangte sia biakna taw kisai bung thiangthote taw Biakinnpi ah hong paipui bangma in, amate in na ngammipuite sia siphu, laa, kalaoh le siphu ngalleangte le khui leangte tungah pua in ka mual thiangtho Jerusalem ah hong paipui tu uh hi.

Isaiah 66:23

“Thadet Poai vawt sim le Sabbath Ni simin in ngam sim pan mite sia kei hong bia tu in hi mun Jerusalem ah hong pai tu uh hi,” Topa in ci hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 23:20

ama ii tupna teng a vekpi a vawt siat mateng in a thin uukna thai ngawl tu hi. Mailam sangah a mite in hi thu telthiang tu uh hi,” ka ci hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 3:17

Tua hun hong thet ciang, Jerusalem sia ‘Topa ii Kumpi Tokhum,’ kici tu a, minam theampo tua munah keima bia tu in kikhawm tu uh hi. Amate in a thin puina le a thin siatnate ii sawlna bangin seam nawn ngawl tu uh hi.

Jeremiah 31:12

Amate hong pai in Zion mual tungah lungdam in lasa tu uh a, ka letsongte taw lungdam mama tu uh hi — Ka letsongte sia antang, sapittui, olive thau, tuu le khuite ahi hi. Amate sia pha tak a, tui a kibuak husuan khat taw kibang tu a; amate in a kisap theampo nei tu uh hi.

Jeremiah 48:47

Ahihang mailam sangah Topa in Moab sia nuamsasak kik tu hi. Hite theampo sia Moab tungah a piang tu thu Topa ii sonsa ahi hi.

Jeremiah 49:39

Ahihang nidang ciang Elam mite ka nuamsasak kik tu hi. Keima, Topa in ka son zo hi,” ci hi.

Jeremiah 51:44

Babylon ii pathian Bel sia daan ka pia tu a, a vanh nguk teng ka pia kiksak tu hi; minamte in ama bia nawn ngawl tu uh hi. “Babylon ii luphungte cimh zo hi.

Ezekiel 38:16

Vuipi suangval sia ngamsung kaantan in a vak bangin Israel ka mite na sim tu hi. A hun hong thet ciang, nang tungtawnin ka sep sia taw ka thianthona le keima akua ka hi sia minamte in hong heak natu ka lakna in ka ngam sim tu in nangma kong paisak tu hi.

Ezekiel 40:2

Mukholna khat sungah Pathian in Israel ngam sungah hong paipui a, mualsaang khat tungah hong koi hi. Ka mai ah khuapi khat taw a kibang inn honkhat ka mu hi.

Daniel 10:14

Mai lamsang na mipuite tungah a piang tu thute a telsak tu in hong pai ka hi hi. Hi sia in maisang thu tu mukholna ahi hi,” ci hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Daniel 2:35

Thakhatin thik, tungman, taau, ngunn le khamhte tamhneen ngawp a, khuakhaal lai ancilna mun a leivuite taw kibang hi. Vui in tuate seammang a, bangma taang nawn ngawl hi. Ahizong tua suangtum sia khang in mual cia pha a, leitung buppi huam hi.

Daniel 2:45

Kuama ii thuthaak ngawl bulin liang tung pan hong liik suangtum khat in thik, taau, tungman, ngunn le khamh taw a kivawt milim sia a denthap na mu hi. A lian Pathian in mai sangah a piang tu thu, Nangma Kumpipa tungah hong son hi. Na mangmat sia ahi bang vateak in kong son zo a, a khiakna maan kong son zo hi” ci in zo kik hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Zechariah 14:10

Saksang Geba panin thangsang Rimmon dong ngamkuam buppi leitam kisua tu hi. Jerusalem sia kiim le paamte sangin saangzaw tu hi; khuapi in Benjamin kongpi pan nidang kongpi omna ngei Kiing Kongpi dong, tuaciang Hananel Tausaang pan kumpite sapittui suuknate dongin kithung tu hi.

Zechariah 14:9

Tua zawkciang Topa sia leitung theampo ii kumpipa in hong mang tu a; ama ii Pathian sia a kuama po in bia tu a, tua min taw ma in ama he tu uh hi.

Zechariah 8:22

Mihing tam mama le minam a hat mamate sia Vaanglianbelpa Topa bia tu le ama thupha nga natu thungen tu in Jerusalem ah pai tu uh hi.

Zechariah 8:3

Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi.

Malachi 3:12

Tuaciang, na ngam na lei uh sia a teen nophuai mun le ngam pha suak tu ahikom minamte theampo in mi lungdamte hong ci tu uh hi.

Mi Simna 24:14

Balaam in Balak tungah, “Tu in ka mipuite kungah ka cia kik tu a, ahizong ka cia ma in, mailam sangah Israel mite ii na mite tungah a vawt tu teng na kidop natu in kong sonkhol tu hi.” ci hi.

Sawltakte 2:17

‘Hisia in ni tawpkhak sang ciangin ka vawt tu thu ahi hi, Pathian in ci hi: Ka thaa ka buak tu hi. Na tapate le na tanute in, keima thu thangsak tu uh hi. Na khangnote in mang mu tu uh hi; Na khanghaamte in, mang man tu uh hi.

2 Timothy 3:1

Ni tawpkhak hun ciangin hun haksa hong om tu hi, ci in na ciamtee in.

Hebrew te 1:2

ahihang hi hun khakbel hunte ah, a Tapa tungtawnin hong paupui hi. Ama tungtawnin Pathian in vaannuai bup bitphua a, a khakbel ciangin na theampo ama ii neisa suak tu in ama sia Pathian ii tealsa ahi hi.

2 Peter 3:3

A masa phitin, hi hun khakbel sungah, a nuntakna uh pumpi deinate ii a uksak mihing pawlkhat hong pian tu sia na heak tu ka dei hi. Amate in hong nunau tu a,

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.