Isaiah 2:12 - Syin Chin Bible

¹² Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Isaiah 2:12 Iomraidhean Croise

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Isaiah 23:9

Vaanglianbelpa Topa in ngeal hi. Amate ii nasepna tungah a kiphatsak nate a bo natu le a zatak mite maizum natu in Topa in ngeal hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Paunakte 16:5

A kisathei pawpo Topa in ensan hi; ama in amate daan thuak natu panin a suaktasak buatu hi.

James 4:6

Ahihang Pathian hong piak thuthiamna sia khohzaw kan lai hi. Laithiangtho in “Pathian in a kiphasakte nalh a, ahihang a kiniamkhiakte thuthiamna pia hi,” a ci bangma hi.

1 Thessalonica te 5:2

Banghang ziam cile noma ma in Topa Ni sia, zan lai a, nguta khat hong pai bang in, hong pai tu hi, ci in a pha tak na he uh hi.

1 Corinth te 5:5

Topa Ni ciang a thaa a suatak natu in, a pumpi Satan suksiat natu in tua pa ii pumpi Satan na aap vun.

Matthew 23:12

Akua po ama le ama a kiliansak sia kiniamsak tu a, a kuama po a kiniamkhiak sia, thupi in kikoi tu hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Amos 5:18

Topa ni ngaingam in a ngakla note atu in bangza in lauhuai tu ziam! Tua ni in note bang phattuamna hong pia tu ziam? Note atu in tua sia khuavak ni hi ngawlin khuazin ni hi tu hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Ezekiel 13:5

Amate in luphung cimhna munte cing ngawl a, ciang zongh ciang kik ngawl hi. Tua ahiciang, Israel te sia Topa ii ni, ngal hong thet ciang kihuu zo ngawl tu hi.

Jeremiah 46:10

Tuni sia Vaanglianpipa Topa, Vaanglianbelpa ii ni hi: tuni in ama in phula tu hi; tuni in ama in a ngalte daan pia tu hi. A namsau in a kham dong amate ne tu a, a lungkim dong a chi dawn tu hi. Tuni in Vaanglianbelpa in saksang Euphrates ngunhui ah a ngalmatte biakpiakna in nei hi.

Isaiah 24:21

Topa ii, tungsang vaang neite le leitung ukte daan a piak tu hun khat hong theng tu hi.

Isaiah 24:4

Leitang ko ngaw in tul hi; leitung buppi zawngkhal hi; lei le van a nii in lal hi.

Isaiah 13:9

Topa ni — a kiitakhuai, a thin uuk, a thinso vilvel, ni ngilo ni hong theng tu hi. Leitung sia dui kisuaksakin, mawnei theampo kilalcipsak siat tu hi.

Isaiah 13:6

Na sa in kap keak vun! Vaanglianbelpa ii sukcip tu ni, Topa ni, hong nai hi.

2 Samuel 22:28

A kiniamkhiakte na ngum a, ahizong a kiphasakte na kiniamkhiaksak hi.

Job 24:1

Banghangin Pathian in thukhen natu hun khat, ama na a seamte atu in thutang khen ni khat ciangtan ngawl ziam?

Psalm Late 131:1

Topa awng, ka kiphatsaknate ka kheal zo a, ka kisaktheinate ka nungngat zo hi. Thu liante ahizong, kei atu a haksa leilam thute ahizong patau in ka nei bua hi.

Isaiah 42:15

Mualnote le mualliante ka siasak tu a lopa le thingkungte ka kongawsak tu hi. Ngundungte sennealngam suaksakin, tuilite ka kangsak tu hi.

Isaiah 61:2

Topa in a mite a ngup tu hun le A ngalte a zaw tu hun hong theng zo hi ci sia Thangsak tu in kei hong sawl zo hi. A he a khuangaite theampo heeneam tu in ama in kei hong sawl zo a,

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Micah 2:3

Tua ahiciang Topa in, “No tungah tuasiatna puak tu in ngeal khi hi, tuaciang note suakta thei ngawl tu nu hi. Ngimnga in na om uh kimu tu nu hi; tuaciang kiphasak in vak nawn ngawl tu nu hi.

Micah 5:11

Na ngam sungah khuapite ka susia tu a, na kidalna theampo ka balkeak tu hi.

Zephaniah 1:16

Luphungte taw a kidal khuapite le tausaangte a sim ngalkapte ii ngal kisimna awnging le ngal lemle aw taw a kidim ni hi tu hi.

Zephaniah 3:11

Tua hun ciang, kei nong langpan huvau in no ka mite in na maizum tu kul nawn ngawl tu uh hi. A kiphasak le a kisathei theampo ka heam tu a, ka mual thiangtho tungah kei nong do kik ngei nawn buatu uh hi.

Psalm Late 18:28

Topa awng, kei khuavak nong pia hi; ka khuazing na bosak hi.

Psalm Late 37:13

Ahihang Topa in mihing seksolte nuisan lel hi, banghang ziam cile amate hai ngawlin kilalcipsak tu hi ci in he hi.

Psalm Late 94:2

Nang sia mihing theampo ii thukhenpa na hi hi; hong tho ta'n a, a kiphasakte amate taw a kiphu bangin daan na pia in!

Isaiah 5:15

A kuama po kimaimawlsak tu a, a kiphasak theampo kiniamsuksak tu hi.

Isaiah 10:12

Ahihang Topa in, “Zion mual tung le Jerusalem khua sungah ka nasep teng ka man ciang, Assyria kumpipa sia ama ii kisuantaakna le kiphatsakna theampo hu in daan ka pia tu hi,” ci hi.

Isaiah 10:33

Vaanglianbelpa Topa in amate sia thingbaakte heu bangin saattan tu hi. Amate sung pan a kiphasakbel le a saangbelte zongh kisaat tan in kiniamsak tu hi.

Isaiah 13:11

Topa in, “Leitung ah ngimna siatna ka thengsak tu a, mi seksolte theampo a mawnate hu in daan ka pia tu hi. A kiphasak theampo ka niamsak tu a, a kisathei theampo le a ngilote theampo daan ka pia tu hi.

Isaiah 14:15

Ahizong mithi khua a thuk belna munah nang hong kipuak suk zo zaw hi.

Isaiah 40:23

Ama in a thahat ngamukte khiasukin bangma ngawl suaksak hi.

Jeremiah 12:9

Ka tealsa mite sia muthite ii a kiimkot pan a tuk siasua vacim khat taw kibang hi. Poai siim tu in ngamsate sam vun!

Jeremiah 13:9

“Judah ii kiphatsak na le Jerusalem ii kiphatsakna lian mama sia hi bangin ka siasak tu hi.

Jeremiah 50:31

“Babylon awng, nang sia kiphatsakna taw kidim ni hi. Tua hu in Vaanglianpipa Topa Vaanglianbelpa, Keima in nang kong langpan hi! Nang daan kong piak tu hun hong theng zo hi.