Isaiah 19:3 - Syin Chin Bible

³ Egypt te ii ngealnate lalsakin, a thin kho nate ka siasak tu hi. Amate in a milimte tungah huna ngenin, thaa sam theite thu dongh in, mithite ii thaa te tungah ngaisutna ngen tu uh hi.

Isaiah 19:3 Iomraidhean Croise

2 Samuel 15:31

Ahithophel in Absalom ii leedona ah pawm hi ci in David tungah a kison ciangin, “Topa awng, nong hesuakna in Ahithophel ii ngaisut piakna sia a lui thawthong suaksak in!” ci in thu ngen hi.

2 Samuel 17:14

Absalom le Israel te theampo in, “Hushai ii ngaisut piakna sia Ahithophel aa sangin phazaw hi,” ci uh hi. Absalom ii tuasiatna hong tun natu in Ahithophel ii ngaisut pha a piak sia a kizui ngawl natu in Topa in khensat zo hi.

2 Samuel 17:23

Ahithophel in ama ii ngaisut piakna kizui ngawl hi ci in a mu ciang, a laa tung to in ama ii khuapi ah cia kik hi. Ama vai tuatuamte ahi tu bangin a vawt siat zawkciang ama le ama awklum hi. Ama sia a innkuan ii thaan ah kiphum hi.

2 Kumpite 1:2

Israel kumpipa Ahaziah sia ama ii Samaria kumpi inn tung dawl thaam tung panin taak a, nasia takin liam hi. Tua ahikom ama in Philistine khuapi Ekron ah kamtai paisak a, a dam kik tu le a dam nawn ngawl tu Philistine te pathian Baalzebub donghsak hi.

1 Khangtaanghthu 10:13

Topa tungah a thumaan ngawl hangin Saul thi hi. Ama in Topa thupiakte zui ngawl hi; ama in lamlakna a zonna in mithite thaate tungah thudok tu hanciam a,

Psalm Late 107:27

amate sia zukhamte bangin lutu in hoi vatut uh a, amate thiamna theampo sia a kizangh thei bua hi.

Psalm Late 33:10

Topa in minam tuatuamte ii tupnate nawngkaisak a, amate ii ngealnate a vawt suak zawk ngawl natu in khak hi.

Psalm Late 76:12

ama in a kiphasak kumpipa tapate kiniamkhiaksak in, kumpi liante sia lausak vadil hi.

Paunakte 21:30

Mihingte ciimna pilna, kivakna le thuthuk muna cite sia — Topa in nang hong langpan le, kimanna nei ngawl hi.

Isaiah 14:27

Vaanglianbelpa Topa in hisia vawt tu in khensat zo hi; ama in daan pia tu in a khut vaan zo a, kuama in khaam thei ngawl hi.

Isaiah 15:2

Dibon khua mihingte a thiangtho biakna mun mual tungah kap tu in kaato uh hi. Nebo le Medeba khuapite tungtaang ah khuangai in Moab khua mite nasia takin kap uh hi; a khuangai hu in a samte le a khamulte meet uh hi.

Isaiah 19:1

Hisia sia Egypt ngam taw kisai thupuak ahi hi. Topa sia meei tungah to in, manlang mama in Egypt ngam ah hong pai hi. Ama mai ah Egypt milimte liingin, Egypt mihingte a hanna bo hi.

Isaiah 44:25

Aisaan theite a mawmaw ka sua tu a, aksi en theite ii thuson kholnate a lungmanhuai ka sua tu hi. Mipilte ii kammalte ka nial a amate pilna sia mawmawtna ahi hunlam ka lak hi.

Isaiah 47:12

Na no lai pek panin na zak na mitbum thiamna le na dei aite a vekpi in keamcing in. Tuate in nang hong hu thei tha tu hi; na ngalte na lauthawn thei tha tu hi.

Isaiah 57:16

Keima in ka mite nuntakna ka pia a, amate mawsiat tawntung ngawlin, amate tungah a tawntungin ka thin uuk ngawl tu hi.

Isaiah 8:19

Ahihang mihingte in, maisang thu tu a phun vasup aisaan theite le thaa sam theite tungah thu dongh in hong sawl tu hi. Amate in, “A tatakin ci leang, mihingte in thaa te ii thusuakte nget tu hi a, tuaciang a nungtate atu in a thisate tung thu dok tu ahi hi,” hong ci tu uh hi.

Jeremiah 46:15

Banghangin a thahat note pathian Apis taaksuk zo ziam? Topa in ama saat vawk hi!’

Ezekiel 21:7

Amate in banghangin tau ni ziam hong ci ciangin, hong tung tu thu hang hi ci in. Tua thu hong tun tak ciang a mate launa taw kidim tu a, a khutte zaw in a thin letna bo tu a, a khupte liing tu uh hi. A hun hong theng zo hi; tu hun ahi hi,” Vaanglianpipa Topa in pau zo hi.

Ezekiel 22:14

Na tungah kong vawt tu teng ka man zawkciang na khut uh laamto zo tu in hanna, ahibuale hatna a khom nei lai tu in na ki um uh ziam? Keima, Topa in ka pau zo a, ka pau bangin ka ngamta hi.

Daniel 1:20

Kumpipa in a dok pawpo ahibuale bangbang thu haksa nawno dongh kale hi mihing lite in a kumpi ngam bup a om aisaan theite le mitbum thiamte khat pawpo sangin a sawmvei in he zaw uh hi.

Daniel 2:2

tua ahikom ama tungah a mang khiakna son tu in a aisaan theite, mitbum thiamte, bum toaite le ai toaite samsak hi. Amate hong pai in kumpipa mai ah a din uh ciang kumpipa in,

Daniel 5:7

Ama in mitbum thiamte, bum le aitoaite le aksi enthiamte sam tu in oksan hi. Tua a sapte hong thet ciang, kumpipa in amate tungah, “Hi lai a ki at sia a sim thei, a khiakna hong son thei pawpo kumpi puantual sandup kisilhsak tu a, minphatna khamh khi a ngawng ah awsak in kumpi ngam sungah a zalian a thumna in ka koi tu hi,” ci hi.

1 Samuel 25:37

A zukham hong thai ciang ama in thu theampo son hi. Thakhatin ama sia pumzaw natna hong nga a, a tung thei nawn bua hi.