Isaiah 16:3 - Syin Chin Bible

³ Amate in Judah mihingte tungah, “Bang seam tu khu ziam hong son tavun. Thingkung khat in suntang ni sat kimlai in, a limh vot khat a piak bangma in noma in hong dal tavun a, na limh sungah hong tawlngasak tavun. Ko sia ngaltaite ka hi uh hi, kuama ii hong mu thei ngawlna munah hong seal tavun.

Isaiah 16:3 Iomraidhean Croise

1 Kumpite 18:4

Jezebel in Topa ii kamsaangte a thalup lai in, Obadiah in tua kamsaangte zakhat la in, suanghawng sungah pawl khat ciang 50 veu khen in pawl nii in seal a, an le tui sik hi.)

Isaiah 1:17

tuaciang a maan sep tu kisin vun. Thukhaikim thu omsak vun — a kizawthawk vawtte hu vun, tangate ii nga tuakte pia vun a, meingongte panpui vun” ci hi.

Isaiah 25:4

Mizawngte le a cimawte in nang hong beal zo a, ngim le kham hun sungah ngammuanna nga uh hi. Vuipi vak ciang bukna na pia a, ni sat ciang nilim na pia hi. A ngilo mite in phalbi vuipi bangin le,

Isaiah 32:2

Amate khat simin vui vak ciang le suangval vak ciang belhna le bukna bang hi tu hi. Senneal kongaw ngam sungah luitui luang bang le ngam kolhna munah a om suangpi lian khat ii limh bang hi tu hi.

Isaiah 56:8

Ngamdang a saltanna pan ama mihing Israel te inn ah a ciapui pa, Vaanglianpipa Topa in, amate taw kikop tu in midangte kong paipui lai tu hi ci in kamciam pia zo hi.

Isaiah 58:7

Ngilkialte na an uh hawm vun a, inn nei ngawl mizawngte atu in na inn uh hon vun. Puan silh tu a nei ngawl mite puan pia vun a, na beete na hu thada heak vun.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Zechariah 7:9

“Khua ngeipi lai in ka mite munah hi thupiakte ka pia hi: ‘Thukhaikim in seam vun a, khat le khat dikna le kihesuakna nei hamtang tavun.

Matthew 25:35

Ka ngilkial laitakin an nong vaak uh hi, ka dangko laitakin tui nong pia uh hi; zin in ka vak laitakin na inn uh ah zin nong do uh a,

Hebrew te 13:2

Na inn ah leangnate zin na do tu mangil heak vun. Tuabang a ngamta pawlkhat in vantunglalangte zin dawdo ahi hunlam a he bua uh hi.

Thukhente 9:15

Lingkung in, ‘Na kumpi tu in nong dei takpi uh le hong pai tavun a, ka lim ah hong bealh tavun. Tuabangin na hi bua uh le ka baakte panin meikuang hong pusuak tu a, Lebanon a cedar thingkung te dongin kaanghtum tu hi,’ ci in zo hi.