Isaiah 15:3 - Syin Chin Bible

³ Lampi tungah a om mite khau-ip puan kisilhsak a; innkhum dawn le khuapi khawlmunte ah a om mite tau in kap uh hi.

Isaiah 15:3 Iomraidhean Croise

2 Samuel 3:31

Tua zawkciang David in Joab le a mite a puan uh eaukeak in, khau-ip puan silh a, Abner thina hangin a khuangai natu in thupia hi. Tuaciang thi vuina ah Kumpipa David mama mithi kuang nung pan zui in pai hi.

2 Kumpite 6:30

Kumpipa in hi thu a zaak ciang a khuangai in a puansilh lai eautham hi, tuaciang ama kung nai ah a pai mite in a puansilhte ii sungsang ah khau-ip puan a silh sia mu uh hi.

Isaiah 15:2

Dibon khua mihingte a thiangtho biakna mun mual tungah kap tu in kaato uh hi. Nebo le Medeba khuapite tungtaang ah khuangai in Moab khua mite nasia takin kap uh hi; a khuangai hu in a samte le a khamulte meet uh hi.

Isaiah 22:1

Hisia in Mukholna Kuam taw kisai thupuak ahi hi. Bang thu piang ziam? Banghangin khua mite theampo in innkhum tungah poai vawtin om uh ziam?

Isaiah 22:4

Ka mihing a thite theampo atu in nasia tak ka kaa thei natu in, tu in keima nguak hong nusia ta'n. Hong heeneam heak in.

Isaiah 3:24

Paaknamtuite a zak luangin amate namsia valut tu hi; kawngkhau phate luangin khauhual teang tu hi; a sam hoite taangin a lu uh tol tu hi; puansilh phate luangin, puansia ngapkaai kisilhsak tu hi; a mealhoina in maizumna suak tu hi!

Jeremiah 19:13

Jerusalem khua a innte, Judah kumpite ii innte, a tatakin ci leang inn theampo ii khuvumte tung pan aksite atu ngimnamtui hal biakna a kipiakna innte le pathian dangte tungah biakpiakna sapittui a kibuakna munte — tua teng theampo Topheth bangza ma in a nin suak siat tu uh hi,” a ci sia amate tungah son tu in keima hong sawl hi.

Jeremiah 48:37

Amate a vekpi a sam le a khamulte meet uh hi. Amate a vekpi in a khut ki at uh a, mi simin khau-ip puan silh hi.

Kaa late 2:10

Jerusalem ii pasal huaite sia huthe ngawlin lei ah to khipkhep uh hi. A lu tungah leivui kithe in khau-ip puan silh uh hi. Ngaknu note lei ah a lu kun uh hi.

Ezekiel 7:18

Amate in khau-ip puan silhin liing ngawp tu uh hi. A lute uh kimeet tol tu a, kimaizumsak tu hi.

Amos 8:10

Na poaipite mithi vuinate ka suaksak tu a, na lungdamna late sia heena, kaanate taw ka laih tu hi. Na lu uh a tolin meetsak in, khau-ip puan kong silhsak tu hi, tapa khat bek a nei sun thi a, a nu le a pa a kaa bangin kong kapsak tu hi. Tua ni sia a tawp dongin thuak hak tu hi.

Matthew 11:21

“Nang atu in bangza in lauhuai ziam, Chorazin awng! Nang atu in bangza in lauhuai ziam, Bethsaida awng! Tyre le Sidon khuate tungah note sungah hong kivawt nalamdang laknate kivawt thong le, a mihingte in khau-ip puan silh in, amate tungah vut kithe in, mawna kisiik kikna a lak zawk ngei zo tu hi.

Thuhil kikna 22:8

“Innthak na sak uh ciang na innkhum kiil kiimkot ah taangban zawl thungin uum hamtang vun. Tua hile mihing khat taakin a thi hial zong mawsiat thuak ngawl tu nu hi.

James 5:1

Tu in, no sumhaute awng, hong ngai tavun! No tungah hong tung tu ngimna haksatnate huvau kapin mau vun!

1 Samuel 5:12

A thi ngawlte zongh meimapui vei ahikom mipite in amate ii pathiante munah hu ngenin au uh hi.