Isaiah 13:2 - Syin Chin Bible

² Mual kolh khat tungah ngal simna laandial khaito vun! A kiphasak khuapi kongpite a sim natu limlakna in na ngalkapte oksan in a, na khut laamto in.

Isaiah 13:2 Iomraidhean Croise

Psalm Late 60:4

Nang hong thasiate tungah kidop natu thu na pia zo a, tua taw amate in lalna tu pan suakta thei tu uh hi.

Isaiah 10:32

Tuni in ngalte Nob khua sungah om a, tua mun panin amate in Jerusalem khuapi, Zion Mual a khuttum lak uh hi.

Isaiah 11:12

Topa in a kithethaang Israel le Judah mite kaikhawm kikin, leitung kiing li panin a ciapui kik natu thute sia minamte a lak natu in lim lakna laandial khat phut tu hi.

Isaiah 11:15

Topa in Suez Tuidok kangsak tu a, tuaciang Euphrates ngun tui a kan natu in vuisa vasak hi, mi theampo ii a kaantan zawk tu in luino sali bek khe lai tu hi.

Isaiah 18:3

Ngai vun, leitung ah a teang mite theampo awng! Mualdawn ah a kikhai tu limlakna laandial khat zong vun! Lemle a kitum tu aw ngai vun!

Isaiah 19:16

Egypt mihingte sia numeite bangin meidoai tu hun khat theng tu hi. Vaanglianbelpa Topa in amate daan pia tu in a khut a vaan sia a mu uh ciang, amate lau in liing tu uh hi.

Isaiah 31:9

A kumpilianpa lau in tai tu a, a ngalkap maangte lauthawng mama ahikom ngalsimna in a zak a laandial nusia tu uh hi,” ci hi. Jerusalem khua ah kibia a, sangaw biakpiakna atu a kihal mei ii Topa — tua Topa pau zo hi.

Isaiah 5:26

Topa in, a khualana ah a om minam khat sapna tu in limlakna khat pia hi. Amate leimong pan hong pai natu in Topa in phit tum in sam hi. Tuasia ciang amate hi sungah manlang takin hong pai paih hi!

Jeremiah 50:2

“Minamte tungah hi thu son in! Hi thu thangsak in! Limlakna pia in a, a thu taangko in! Thuku in koi heak in! Babylon taak zo hi! A pathian Marduk kisemtham zo hi! Babylon ii milimte kimaizumsak zo hi; a kiihuai a milimte kisutham hi!

Jeremiah 50:41

“Sak sang ngam panin a khuala ah a om a thahat minam khat hong pai hi; kumpi tam mamate ngal do tu in kithoai uh hi.

Jeremiah 51:12

Babylon ii luphungte sim tu in lim lak vun. Phualcingte belapin thahatsak vun! Ngalvilte koi vun! A suam tu mite koi vun!” ci in thupia hi. Topa in Babylon mite tungah ka vawt tu hi a ci sia vawt zo hi.

Jeremiah 51:25

Babylon awng, nang sia leitung buppi a susia mual khat taw na kibang hi, ahihang Keima, Topa sia na ngal ka hi hi. Nang kong man tu a, lei taw kim in vut sungah kong nusia tu hi.

Jeremiah 51:58

A thahat Babylon luphungte lei ah kilawnsuk tu a, A saang khuapi kongpite kihaltum tu hi. Minamte ii nasepna sia bangma in kimang ngawl hi; a hanciamnate kaanghtum hi. Keima, Vaanglianbelpa Topa in ka son zo hi,” ci hi.