Isaiah 11:3 - Syin Chin Bible

³ Topa thunitna sungah nuamsa tu hi. Ama in a puasang muna le thu ngalzaakna bangin thukhen ngawl tu hi;

Isaiah 11:3 Iomraidhean Croise

2 Samuel 14:17

Keima le keima tungah ka kicina pan, topa, na kamciamna in keima hong ngammuangsak tu hi, banghang ziam cile kumpipa sia Pathian ii vantung mi taw kibangin a pha le a sia khentel thei hi. Topa na Pathian nang taw omkhawm tahen!” ci hi.

2 Samuel 14:8

Kumpipa in, “Inn ah cia kik ta'n, keima in hi thu kong thintoisak tu hi,” ci in zo hi.

1 Kumpite 3:28

Israel mipite in Solomon ii thu khenna a zaak uh ciang ama ii tungah zatakna nasia tak nei uh hi, banghang ziam cile tuasia tak ciang ama sia thu kituu te tang takin a khen thei natu Pathian in ciimna pia hi, ci in he uh hi.

1 Kumpite 3:9

Tua ahikom na mite thutang khenna taw ka uk thei natu le a pha le a sia ka khentel thei natu in ciimna hong pia ta'n. Tua ahibuale bangbangin hi na mihonpite uk thei tu khi ziam?” ci hi

Job 12:11

Ahihang na leei in an tep a, diksa ahi bangma na bil in kammalte a zaak sia diksa hi.

Job 34:3

An na tep uh ciang a lim sia he nu hi, ahizong ciim kammalte na zaak uh ciang he ngawl nu hi.

Paunakte 2:5

Tuabangin na ngamta le Topa kiitakna sia bang ziam ci in na he tu a, Pathian thu heakna in na nei tu hi.

Paunakte 2:9

Ka pau nong ngai le, a maan, a tang le a kilawmte na he tu hi. Na vawt tute na he tu hi.

Isaiah 33:6

ngam bup kikhealna om ngawlin khosak tu hi. Ama in a mite sungsia tawntungin, ciimna le heakna pia tu hi. A nei lianbel uh sia Topa a thasiana uh ahi hi.

Ezekiel 45:8

Hi mun sia kumpipa ii nga tu Israel ngam leitang hi tu hi, tua ahikom ama in mite zawthawk vawt nawn ngawl tu a, ahihang a om lai ngam theampo sia Israel minamte neisa hisak tu hi.

Micah 4:3

Ama in minamte sung ahizong, a nai a khuala a vaanglian ngamte sungah ahizong, ama in a kituu uh thute lemtua tu hi. Amate in a namsaute lothawna in seak tu a, a teipite thingbaak heuna nam sua tu uh hi. Ngamte ngal kido kik ngei nawn ngawl tu a, ngal kido kik tu in kithoai ngei nawn ngawl tu hi.

Luke 2:52

Jesus sia a pumpi le ciimna ah hong khangto a, Pathian le mihingte tung panin maipha nga hi.

John 2:25

Ama tungah amate thu sia kuama ii son kul ngawl hi, banghang ziam cile ama mama in amate ii thinsung teng a heaksa hi.

John 7:24

A puatham munate taw thukhennate kheal vun, thumaan munate taw thukhen vun,” ci in zo hi.

Hebrew te 5:14

Antak sia ulian sate atu hi a, amate in, kisinna tungtawnin a pha le a sia khentel thei uh hi.

1 Samuel 16:7

Ahihang Topa in ama munah, “A tun saanna le a mealphatnate awlmawk heak in. Ama sia nial zo khi hi, banghang ziam cile, mihing thukhen bangin thu ka khen bua hi. Mihing in a pua sang pianzia bek en hi, ahihang kei ka hile a thinsung ka en hi,” ci hi.