Isaiah 11:2 - Syin Chin Bible

² A mite a uk natu in Topa ii thaa in ama sia ciimna pilna le heakna pia tu hi. Ama in Topa deina he in thasiana nei tu a,

Isaiah 11:2 Iomraidhean Croise

2 Samuel 23:3

Israel ii Pathian pau zo hi; Israel a dal pa in kei tungah hong ci hi: “Thutang khenna taw a uk kumpipa, Pathian thu ni in a uk pa sia,

Psalm Late 72:2

tua hile ama in na mite thutang taw uk tu a, a kizothawte thumaanna taw uk tu hi.

Pusuana 28:3

Keima na a seam tu in a ki aap thiampi khat a sua thei natu in thiamna ka piaksa khut thiam naseamte theampo samin Aaron ii puansilhte khui tu in sam in.

Isaiah 28:6

Ama in thukhenmangte tungah thutang khennate heak theina thin pia tu a, khuapi kongpi cingte sia ngalte hong sim ciang thinhanna pia tu hi.

Isaiah 32:15

Ahizong Pathian in ama thaa khatvei ma hong puak kik tu hi. Leisiate leipha suak kik tu a, lo panin an tam mama piang tu hi.

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Isaiah 48:16

“Tu in hong pai in ka kung hong neak tavun a, ka ci bang hong za tavun. A kipatciil a kipan a langh taakin thu ka son a, ka kammalte a tawntungin ka taangtungsak zo hi,” ci hi. (Tu in Vaanglianpipa Topa in a vaangletna kei hong pia zo a, kei hong sawl zo hi.)

Isaiah 59:21

Note taw thuciamna khat ka vawt hi: ka vaangletna le ka thuhilnate a tawntung atu in note kong pia zo hi, tu pan kipan note in ka thu nong ni tu uh a, na tate le na suan na paalte in a tawntungin ka thu hong nit natu uh in na hil tu uh hi,” ci hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Zechariah 4:6

Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi.

Matthew 3:16

Jesus tui a kiphum zawk po ciang tui sung pan hong pusuak to hi. Tuaciang ama atu van kihong a, Pathian ii Thaa ngam vakhu bangin hong tuaksuk in, ama tungah hong tusuk a mu hi.

John 14:17

Ama in Pathian ii thumaan thutak hong pualaak Thaa ahi hi. Leitung in ama saang thei ngawl hi, banghang ziam cile ama mu thei ngawl a, he ngawl hi. Ahihang no in ama na he uh hi, banghang ziam cile ama note taw omkhawm in, note sungah hong om hi.

John 15:26

“Thaa ahi Hupa hong pai tu a — Pathian ii thumaan thutak le Pa kung pan hong paipa sia hong pualaak tu hi. Pa kung panin ama kong puak tu a, ama in kei thu hong son tu hi.

John 16:13

Ahizong Thaa hong pai ciangin, Pathian thumaan thutak hong pualaak pa in thumaan thutak theampo sungah lam hong pui tu hi. Ama in ama aituam thuneina taw hong son ngawl tu hi, ahizong ama zaak teng hong son tu a, hong piang tu thute hong son tu hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

Thuhil kikna 34:9

Nun tapa Joshua sia ciimna taw kidim hi, banghang ziam cile Moses in ama zalaih tu in koi zo hi. Israel mite in Joshua thu ni a, Topa ii Moses tungtawnin a thupiakte zui uh hi.

2 Timothy 1:7

Banghang ziam cile Pathian hong piak Thaa in eite hong lauthauhsak bua hi; tua hizaw ngawlin, a Thaa in vaangletna, itna le eima le eima ki uk zawkna taw hong kidimsak hi.

Thupualaakna 1:4

Asia ngamkhen sung a om pawlpi salite tungah, John in lai kong thaak hi: A om nginge, a omsa le hong pai pheang tu Pathian kung pan, a kumpi tokhum mai ah thaa sali te kung pan le