Isaiah 11:1 - Syin Chin Bible

¹ David kumpi khang kizopna sia a kiphuktan sa thingkung khat taw kibang hi; ahihang thingbul khat pan a baak meang thak a po bangma in, David suan le paalte sung panin kumpi thak khat khangto tu hi.

Isaiah 11:1 Iomraidhean Croise

2 Samuel 23:3

Israel ii Pathian pau zo hi; Israel a dal pa in kei tungah hong ci hi: “Thutang khenna taw a uk kumpipa, Pathian thu ni in a uk pa sia,

1 Khangtaanghthu 2:12

Obed le Jesse te hi.

Psalm Late 145:11

Amate in na kumpi vaangletna ii minthanna sia thuson in nei tu a, na thakhona thu son tu uh hi,

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 4:2

Topa in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Isaiah 6:13

A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 33:15

Tua hun ciang David ii suan le paal sung pan thumaan thutang khat kumpi in ka teal tu hi. Tua kumpipa in ngamsung theampo ah thudik le thutang in a maan sia seam tu hi.

Ezekiel 17:22

Vaanglianpipa Topa in hi bangin ci hi: “Cedar thingkung saang khat ii dawn ka zamh tu a, tuaciang a meang moino khat ka thongh tu hi, tuasia mualsaang khat ii tung,

Ezekiel 37:25

Ka naseampa Jacob tungah ka piaksa a taanghpupite teenna ngam ah teang tu uh hi. Tua munah a tate le a suan a paal te theampo, a tawntungin teang tu uh hi. Ka naseampa David bang ahi kumpi khat in amate a tawntungin uk tu hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Zechariah 3:8

Tua ahiciang nang, Thiampi Lianbel ahi Joshua awng, na ngai in; no, a thiampi seppuite awng, mailam hun phate ii limlakna ahite awng, ngai vun: Thingbaak a kici ka naseampa kong pualaak tu hi!

Zechariah 6:12

Vaanglianbelpa Topa in, ‘Thingbaak a kici mihing khat ama omna munah khangto tu a, Topa Biakinnpi sa kik tu hi.

Matthew 1:1

Abraham ii suan, David ii tu le ta ahi, Jesus Christ ii taanghpupite ii min tepteena lai sia hi bang hi a, Abraham pan David kumpipa dong, a taanghpupite ii minte a nuai a bang ahi hi.

Romete 15:12

Isaiah zongh in, “Jesse suan khat hong piang tu a; ama in Gentile te a uk tu in hong pai tu hi, tuaciangin amate in ama ii tungah, lametna nei tu hi,” ci hi.

Hebrew te 7:14

Ama sia Judah minam a piang ahi hunlam sia a kuama po ii heak ahi hi. Tuaciang thiampite huvau a son ciangin Moses in Judah min a lo ngei bua hi.

Thupualaakna 22:16

“Keima Jesus in, hi thute pawlpi sung note tungah a thangsak tu in ka vantunglalang kong paisak zo hi. Kei sia David ii zung le a suan ka hi hi; keima in nikonghong aksi taang sia ka hi hi,” ci hi.

Thupualaakna 5:5

Tua zawkciang upate khat in, kei tungah, “Kap heak in, En in! Judah minam sung panin Tawpi ahi, a lian David suan pa in zawna nga zo a, ama in tepteena salite balthamin laizial hong thei tu hi,” hong ci hi.

Ruth 4:17

Innpaam nupi te in tua pano min sia Obed phuak uh hi. Amate in ngual mun theampo ah, “Naomi in tapa khat hong nei hi!,” ci uh hi. Obed sia Jesse ii pa suak a, Jesse sia David ii pa hi.

1 Samuel 17:58

Saul in, “Tangvalpa awng, nang akua tapa ni ziam?” ci in dongh hi. David in, “Bethlehem khua mi na naseampa Jesse ii tapa khi hi,” ci in zo hi.