Isaiah 10:3 - Syin Chin Bible

³ Pathian in note daan hong piak ciang note in bang na law tu uh ziam? Ama in ngam khuala khat panin ngimna, siatna note tungah hong tunsak ciang bang na law tu uh ziam? Hong hu tu zongin koisungah na tai tu uh ziam? Na nei na lamte koisungah na phual tu uh ziam?

Isaiah 10:3 Iomraidhean Croise

Pianciilna 31:1

Laban tapate in, “Ih pa ii neisa theampo Jacob in la siat hi. A hauna theampo sia ih pa ii neisa tungtawnin a nga hi,” a cina thu Jacob in za hi.

2 Kumpite 7:15

Pasalte Jordan ngun dong pai in, lamdung ah Syria ngalkapte ii a tai kawmin a nusiat puan le vanh te mu uh hi. Tua zawkciang amate hong heak kik in, kumpipa tungah thu ko uh hi.

Job 31:14

Tuabang a pha vawt bua leng bangbangin Pathian maitang si ngam tu khi ziam? Kei tungah thukhen tu in Pathian hong pai ciang a bang son thei thong tu khi ziam?

Paunakte 11:4

Na thi ni hong thet ciang haunate in bangma phattuamna hong pia zo ngawl tu hi, ahihang thumaanna in na nuntakna hong ngum thei hi.

Isaiah 13:6

Na sa in kap keak vun! Vaanglianbelpa ii sukcip tu ni, Topa ni, hong nai hi.

Isaiah 17:4

Topa in, “Israel ii letna a bo tu ni khat hong theng tu a, a hauna sia zawnna taw kilaih tu hi.

Isaiah 20:6

Tuasia hun a thet ciang, Philistia ngam tuipi dung ah a teang mite in, ‘Assyria kumpipa kung pan ei hong dal tu in ih suan ih muanbel mite bang tat thong ziam, en vun! Eite bangbang nungta nawn thong tu hi ziam’ a ci tu uh hi,” ci hi.

Isaiah 26:14

Tu in amate thi zo a, nungta kik ngawl tu uh hi; amate ii thaa te thoto ngawl tu uh hi, banghang ziam cile nangma in amate daan na pia zo a, na lalsak zo hi. Kuama in amate phawk nawn ngawl hi.

Isaiah 26:21

Topa in vantung a teenna mun panin leitung mihingte mawna hangin daan pia tu in hong pai tu hi. Leitung ah a kithatlum ku mihingte kipualaak tu a, leitang in tua a kithatlumte seal nawn ngawl tu hi.

Isaiah 28:20

A kikhuathuang tham ngawl lupna tom mama khat tungah lum a, a kicing zo ngawl puanvan no mama khat silhin, mut tu a hanciam, paunak sungah mihing khat pa taw na kibang tu hi.

Isaiah 29:6

Vaanglianbelpa Topa in vanto le zinliing taw nang hong suatak tu hi. Ama in vuipi nguapi le a kuang vazak mei khiak tu a,

Isaiah 30:16

Tuasia luangin, siphu tai ngang mama tung to in na ngalte khut sung pan suatak tu na sawm uh hi. Maan nu hi — suatak natu ahile noma sep tu ma hi! Na siphute ngang khop hi ci in ngaisun nu hi, ahihang no hong delte ngang zaw lai tu hi!

Isaiah 30:5

Judah mite in huna a muanmawk uh bang a pia zo ngawl, a muanhuai ngawl minam khat sia a muan thaak phawphot uh a kisiik tu hi,” ci in son zo hi.

Isaiah 30:7

Egypt te ii a piak huna sia lui thawthong ahi hi. Tua ahikom Egypt sia, ‘Bangma hong law thei ngawl Ngulpui’ ci in min ka phua hi,” ci hi.

Isaiah 33:14

Zion ah mawnei mihingte lau na taw liing uh hi. Amate in, “Pathian ii thukhenna sia a kuang tawntung mei khat taw kibang hi. Tuabang meikuang sung pan akua suakta zo thong tu ziam?” ci uh hi.

Isaiah 39:3

Tuaciang kamsaang Isaiah sia Hezekiah kumpipa kungah pai in, “Hi mite koisung pan hong pai a, nang tungah bang hong ci ziam” ci in dongh hi. Hezekiah in, “Amate sia a khuala mama na ngam Babylon pan hong pai ahi uh hi,” ci in zo hi.

Isaiah 5:14

Mithi khua in amate ne tu in kamkat hi. Tua in Jerusalem mithupite sia a ngamlum nautaang mihonte taw valhtum khawm tu hi.

Isaiah 5:26

Topa in, a khualana ah a om minam khat sapna tu in limlakna khat pia hi. Amate leimong pan hong pai natu in Topa in phit tum in sam hi. Tuasia ciang amate hi sungah manlang takin hong pai paih hi!

Jeremiah 22:7

Tua kumpi inn a susia tu in mihingte ka puak tu hi. Amate in a hei uh tek hong keng tu uh a, cedar thing khuam phate phukin meikhuk sung denna in nei tu uh hi.

Jeremiah 4:30

Jerusalem awng, nang a lal na hi hi! Banghangin puansan silh ni ziam? Banghangin suangmanpha kizepnate aw in na mitte ngelh ni ziam? Nangma le nangma a hoi a na kizepnate luithawthong hi! Na lawmngaite in nang hong nial zo a nang hong that nuam hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Hosea 5:13

“Israel in a ciinatna bangza ziam ci sia a kimu ciang le Judah in ama ii liammate a kimu ciang, Israel in Assyria kumpilianpa kungah hu ngenin pai hi; ahihang ama in a natna le a liammate damsak thei ngawl hi.

Hosea 9:5

Tuaciang Topa patoai natu poaipi khaam hunte a tun ciang, amate in bang law peuma tu ziam?

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Amos 5:19

Tua sia tawpi kung pan tai a, vompui taw a kisi pasal sia bang hi tu nu hi! Tua ahibuale pasal khat inn hong cia a, pang tung zawt napo kinei sia, ngul ii tuk taw kibang tu nu hi!

Micah 7:4

Amate sung pan a phabelte le a thumaan belte ngawngawn lopate bangin mannung ngawl uh hi. Pathian in amate a encik kamsaangte tungtawnin amate a kidop natu a hil khol bangin ama in tua mite daan a piak tu ni hong theng zo hi. Tu in amate lungmang uh hi.

Zephaniah 1:18

Tua ni in Topa in a thinsona hong lak ciang a ngunn a khamh te theampo zongin amate a hun zo buatu hi. Leitung bup sia a thin uukna meikuang in susia tu hi. Leitung a teang mihing theampo bona — thakhat thu in a bona — ama in tungsak tu hi.

Luke 19:44

Amate in na khuapi lalthamsak tu a, na tate uh taw hong moncip siat tu hi; suangtum khat beak zongh a omna ngei ah hong om nawn buatu hi, banghang ziam cile Pathian in no hong ngum tu in hong pai hunlam na phawk bua uh hi,” ci in kaamal lo hi.

Thuhil kikna 28:49

Topa in no hong langpan tu in a kampau na heak ngawl uh minam khat leimong panin hong puak tu hi. Muvanlai khat bangin amate in no hong man tu hi.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.