Isaiah 10:1 - Syin Chin Bible

¹ Note a lal na hi uh hi! Note in ka mite zawthawk natu in a thukhaikim ngawl thukhamte na vawt uh hi.

Isaiah 10:1 Iomraidhean Croise

1 Kumpite 21:13

Misia te nii in ama sia mipi mai ah Pathian le kumpipa haamsiat hi ci in mawsuanh hi, tua ahikom ama sia khuapi puasia ah kipaipui in suangtum taw kideanglum hi.

Psalm Late 58:2

Khen ngawl nu hi! a sia na vawt thei tu uh teng bekma na ngaisun uh a, tuaciang ngam le lei ah ngoltol khialna liante vawt nu hi.

Pusuana 23:3

Mizawng khat thu a kisitna ah ngum tuan heak vun.

Pusuana 23:6

“Mizawng khat thukhenzum a thet ciang thutang khenna taansak heak vun.

Isaiah 29:21

Ngual dang a sonsiate, khialna lian neite, daan piak tu a khaktante le thumaan mihingte tungah thu khaikim in thu a khen thei ngawl natu leilot thusonte sia Pathian in lalsak tu hi.

Isaiah 3:11

Ahihang mi seksolte a lal tu hi zo hi; amate in ngual tung a vawt bangin tu in, amate tungah kivawt tu hi.

Isaiah 3:14

Topa in ama mihingte ii upate le a lampuite thukhenna thuaksak tu hi. Ama in hi bangin: “Note in sapithuante na suttol uh a, na inn uh sia mizawngte tung pan na laak uh vanhte taw kidim teak hi.

Isaiah 5:11

Note a lal na hi uh hi. Zingsang zu ne tu in na thopal uh a, nitak ngei hial veu zu ne zu khamin na om uh hi.

Isaiah 5:18

Note a lal na hi uh hi! Na mawnate uh pan suatak natu in na kisaan zo bua uh hi.

Isaiah 5:23

Ahihang sumnguk khat po taw a maw mite na suaktasak zeang uh a, a maw ngawlte ii thukhaikim thu khenna a nga natu na khaam uh hi.

Isaiah 5:8

Note a lal na hi uh hi! Na neisa inn le lote belap natu in na lei thawthua uh hi. Hai ngawlin midangte teen natu mun om ngawl tu a, tua leitang tungah noma bekma na teang tu uh hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Jeremiah 22:13

Thumaan ngawlna taw a inn a sa pa, a inn a peam pa; a ngammite a thawthong in a na seamsak a, a thaman a pia ngawl pa in siatna thuak ahi hi.

Amos 2:7

Amate in a thazawm a cimawte tuanhpeak in mizawngte sawn vawk hi. Pasal khat le a ta in a sila nu luppui khawm a, tua bangin ka min thiangtho daisak hi.

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Habakkuk 2:12

Na lal zo hi! Khuapi khat sia kithalupna le khialna lian doppha in na saat hi.

Habakkuk 2:15

Na lal zo hi! Na thinso hu in na innpaamte zawngsak in maizum pia ni hi; zukham bang keakin amate na hoisak hi.

Habakkuk 2:19

Nang a lal na hi zo hi! Thingbek khat tungah “Khanglo in!” tua ahibuale suangtum khat tungah “Tho in!” ci ni hi. Milim in na khat pawpo hong lak thei ziam? Khamh le ngunn taw kituam tha tu hi, ahizong a sungah nuntakna om ngawl hi.

Habakkuk 2:6

Ngallelte in ngalzote thato tu a, huasaakna lak tu hi. Amate in, “Noma neisa ahi ngawlte laaksak nu hi, ahihang a lal na hi uh hi! Note tungah leei hong bate zawthawk thu in na siikna taw bang tanvei na hau tan lai tu uh ziam?” ci tu uh hi.

Habakkuk 2:9

Na lal zo hi! Ngongtatna taw na laak te taw na innkuan na hausak a, siatna le launa pan na inn ngam muang tu in na hanciam hi!

Matthew 11:21

“Nang atu in bangza in lauhuai ziam, Chorazin awng! Nang atu in bangza in lauhuai ziam, Bethsaida awng! Tyre le Sidon khuate tungah note sungah hong kivawt nalamdang laknate kivawt thong le, a mihingte in khau-ip puan silh in, amate tungah vut kithe in, mawna kisiik kikna a lak zawk ngei zo tu hi.

Matthew 23:23

“Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Matthew 23:27

“Thukham hil syate le Pharisee te awng! A kihitheamsakte awng! No atu in bangza lauhuai ziam? No sia suangkaangtui taw a kizut thaankul taw kibang nu hi, tuate sia a puasang hoi ahihang a sungsang ah mithi ngu le mithi muat taw kidim hi.

Matthew 23:29

“Thukham hil syate le Phariseete! A kihitheamsakte awng! No atu in bangza lauhuai ziam? Kamsaangte atu in thaankuul sia a et hoi tu in na vawt uh a, miphate atu in, tepteena khan sia na zepsak uh hi;

Matthew 26:24

Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Luke 11:52

“Thukham hil syate awng, no atu in, bangza in lauhuai ziam! Heakna kikholna inn kongkha tawtangte na keam uh hi; tua inn sungah noma tatak na tum nuam bua uh a, tum tu in a hanciamte na khaktan uh hi!” ci hi.

John 19:6

Thiampi liante le biakinn cingte in a mu uh ciang, “Thinglamtee tungah that vun! Thinglamtee tungah that vun!” ci in au uh hi. Pilate in amate munah, “Tua ahile noma in ama la in, thinglamtee tungah that vun. Ama ka mawsak natu bangma thu mu ngawl khi hi,” ci hi.

John 9:22

Jew biakna thuneite ii lungkimna sa khat om a, a kuama po Jesus sia Messiah hi ci in a um peuma, synagogue sung pan kihawlkhia tu hi, ci ahikom amate in Jew biakna thuneite a kiitak hu in, a nu le a pa in hi bangin ci ahi hi.

Jude 1:11

Amate atu in bangza in lauhuai ziam! Amate in Cain ii lampi tawn uh hi. Balaam khial bangma in, amate sia sum huvau in puk uh hi. Korah ii a langpan bangin, amate zongh in langpan uh a, ama bangma in kilalsak hi.