Isaiah 1:9 - Syin Chin Bible

⁹ Vaanglianbelpa, Topa in mi pawlkhat hong nungtasak lai buathong le, Sodom le Gomorrah bang keakma in Jerusalem kilalsak siat zo tu hi.

Isaiah 1:9 Iomraidhean Croise

Pianciilna 18:26

Topa in, “Sodom khuapi sungah a mawbaang ngawl mihing sawmnga mu leng, amate hangin khuapi bup ka khoaikhe tu hi,” ci in zo hi.

Pianciilna 18:32

Abraham in, “Topa awng, nong hesuakna in thin uuk heak in a, khatvei bek hong pausak lai ta'n. Sawm bek kimu le eh?” ci hi. Ama in, “Sawm a om le ka lalsak buatu hi,” ci hi.

Pianciilna 19:24

Topa in thakhat thu in Sodom le Gomorrah khuapite tungah kaan meikuang zusak a,

1 Kumpite 19:18

Ahihang Israel ngam ah a nungta in mihing tulsali khe lai tu khi hi — tuate sia kei tungah hong thumaan theampo le Baal mai ah a kun ngawl, a milim a namh ngawlte ahi uh hi,” ci hi.

2 Kumpite 19:4

Assyria kumpilianpa in ama ii ulianbel pa a nungta Pathian a selno tu in hong paisak hi. Na Topa Pathian in hi a selnonate za hen a, tuabang a paute daan pia tahen. Tua ahikom Pathian tungah ih mihingte a nungta lai teng atu thu ngen in,” ci uh hi.

Isaiah 1:8

Jerusalem khuapi bek taanglai a, tua zongh ki uumci a — sapithuan sungah huan cingpa ii buk ahibuale, tangmai huan ah thaampheang bangin, a hung tu le a cing tu nei ngawl hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 11:16

A taanghpupite in Egypt ngam a nusiat lai in amate atu lampi lian khat a om bangma in, tua munah a nungta lai Israel a mite atu in Assyria ngam pan a suatak natu lampi lian khat om tu hi.

Isaiah 17:6

Israel mi tawm bekma nungta lai tu a, a kungdawn pek ah a nga pum nii pum thum simngawl, ahibuale a nuaisang a baakte tungah a kikhe lai tawmno teng simngawl, a nga dang teng theampo a kilo siat sa olive kung khat taw kibang tu hi. Keima, Topa Israel te ii Pathian in, ka son zo hi,” ci hi.

Isaiah 24:13

Hi sia in leitung theampo ah a om minam sim tungah a piang tu thu ahi hi. Tuasia in Olive ngate kithing siatin, sapitkung tung pan sapit sanghte a kilaw siat zawkciang an kila siat sa lo taw kibang tu hi.

Isaiah 24:6

Tua ahikom Pathian in leitang haamsiat zo hi. A mite in amate ii vawt bangin thuak uh hi. A nungta mihing tawm vaial hi.

Isaiah 37:4

Assyria kumpilianpa in a ulianbel pa sia a nungta Pathian nunau tu in paisak zo hi. Hi bang nunaunate Topa na Pathian in za tahen a, nunauna kampaute daan pia tahen. Tua ahiciang a nungta lai ih mite atu in Pathian tungah thungen vun,” ci hi.

Isaiah 46:3

“Ka mite sung pan a taanglai Jacob suan le paalte theampo awng, hong ngai tavun. Na sua uh pan kipan kong ou kong pau hi.

Isaiah 6:13

A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)

Isaiah 65:8

Topa in, “Sapit nga phate kuama in susia ngawl hi; amate in sapittui in vawt zaw uh hi. Tuabangin ka mite a vekpi in ka susia siat buatu a — ka na a seamte ka ngum tu hi.

Jeremiah 23:14

Ahihang Jerusalem khua a kamsaangte in a sia zaw lai a vawt ka mu hi: amate in nupa kipalngul in leilot thu son uh hi; mihingte ii ngitlo ngamtatna pan a kheal ngawl natu in mihingte khial natu panpui uh hi. keima muna ah amate sia Sodom le Gomorrah mite bangma in sia siat uh hi.

Jeremiah 42:2

“Kong nget uh sia hong vawtsak ta'n! Topa ih Pathian tungah kote atu in thu hong ngetsak ta'n. A nungta lai kote theampo atu in thu hong ngetsak ta'n. Khatvei lai in mihing tam mama ka hi uh a; tu ahile nangma nong mu bangin mihing tawmno bek ma ka taang lai uh hi.

Jeremiah 50:20

Tua hun a thet ciang, Israel ngam ah mawna khialna kimu ngawl tu a, Judah ngam ah seksolna om ngawl tu hi, banghang ziam cile a nuntakna ka kheet lai mihingte ii mawna ka maisak tu hi. Keima, Topa in ka son zo hi,” ci hi.

Kaa late 3:22

A kiam ngeingawl Topa ii hong itna le hong hesuakna kizom suak lai a;

Kaa late 4:6

Ka mite sia thakhat thu in Pathian khut sa a thuak Sodom a teang mihingte sangin nasia zaw in daan kipia hi.

Ezekiel 14:22

A suakta khat po om a, a tate a hun le na kungah hong pai ciang, na en in. Amate bangzata sia in ngilo ci sia na mu ciang Jerusalem tungah daan ka piakna sia piak tuak a hina thu tel in;

Ezekiel 6:8

“Kithalupna pan pawlkhatte ka suaktasak tu a, ngam tuatuamte ah kithethaang tu hi,

Joel 2:32

Ahihang Topa tungah huna a ngen theampo kingum tu hi. Topa ci sa bangin ‘Jerusalem a om pawlkhatte suakta tu a; ka teal mite suakta tu uh hi.’

Amos 4:11

“No pawlkhat sia Sodom le Gomorrah ka suksiat bangin kong susia hi. No a thi mong teng sia meikhuk khat pan a kiteen thingkhua kaanghmong bang na hi uh hi. Tua hi napi, kei kung nong zuan kik tuan bua lai uh hi,” ci hi.

Habakkuk 3:2

Topa awng, na sep na vawtte ka za zo a, zakta in lamdang ka sa mama hi. Tu in ko hun sung zongh ah nasep lianpi na sep ngeite hong seam kik ta'n. Na thin uuk ciang zong hesuakna hong nei ta'n.

Zephaniah 2:9

Israel te ii Pathian, a nungta Topa ka hi bangma in Moab le Ammon sia Sodom le Gomorrah bangin kisusia tu hi, ci in ka kiciam hi. Tuate sia cikhukte le a laltham top, lopa bek pona mun suak tu hi. Ka mi a nungta laite in amate vanh suttol tu a, a ngam laaksak tu uh hi,” ci hi.

Matthew 7:14

Ahihang nuntakna sung tum natu kongbiang sia ciak a, tua mun pai natu lampi sia tot hak hi, tuaciang tua lampi a mu mihing tawm hi.

Romete 9:27

Tuaciangin Israel mite huvau Isaiah in hi bangin ci hi: “Israel mite tuipi hui ah senvui za in a tam hial zong, amate sung panin tawm bek kingum tu hi;

Romete 9:29

Isaiah in a masa in hi bangin ci hi. “Vaanglianbelpa Topa in suan le paal tawm hong kheetsak ngawl hi kapo le, eite Sodom bang ih hi tu a, Gomorrah bang ih suak tu hi.”

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.

2 Peter 2:6

Pathian a selte tung a piang tu sia mu thei natu in, Sodom le Gomorrah khuapite sia meikuang taw Pathian in haltham hi.

Thupualaakna 11:8

a luangte sia amate ii Topa thinglamtee tungah a kithalupna mun tua khuapi lian sia sung lampi tungah kisial tu uh hi. Tua khuapi ii a minsealh sia Sodom, ahibuale Egypt kici hi.