Isaiah 1:8 - Syin Chin Bible

⁸ Jerusalem khuapi bek taanglai a, tua zongh ki uumci a — sapithuan sungah huan cingpa ii buk ahibuale, tangmai huan ah thaampheang bangin, a hung tu le a cing tu nei ngawl hi.

Isaiah 1:8 Iomraidhean Croise

Job 27:18

Mi seksol pa in mombu bangin innte sa a, tua ahibuale lote a cing sila khat ii buk bangin sa hi.

Psalm Late 9:14

tua hi le Jerusalem mihingte mai ah ding thei a, nangma kong pokna thute theampo ka son thei tu hi. Nangma in kei nong hut manin ka lungdam tu hi.

Isaiah 1:7

Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 1:9

Vaanglianbelpa, Topa in mi pawlkhat hong nungtasak lai buathong le, Sodom le Gomorrah bang keakma in Jerusalem kilalsak siat zo tu hi.

Isaiah 10:32

Tuni in ngalte Nob khua sungah om a, tua mun panin amate in Jerusalem khuapi, Zion Mual a khuttum lak uh hi.

Isaiah 29:3

Pathian in tua khuapi sia kiim uum in, sim tu in uumci tu hi.

Isaiah 30:17

Ngalte ngalkap khat na mu uh ciang no, a tulkhat in na taikeak tu uh a, tuaciang ngalte nga in note theampo hong taikeaksak zo tu hi. Mualdawn ah a kiphut laandial mung om liiliai khat simngawl buang, na ngalkap honte sung panin bangma kinusia ngawl tu hi.

Isaiah 37:22

Topa in, “Sennacherib awng, Jerusalem khuapi in nang hong nuisan in hong nomu hi.

Isaiah 37:4

Assyria kumpilianpa in a ulianbel pa sia a nungta Pathian nunau tu in paisak zo hi. Hi bang nunaunate Topa na Pathian in za tahen a, nunauna kampaute daan pia tahen. Tua ahiciang a nungta lai ih mite atu in Pathian tungah thungen vun,” ci hi.

Isaiah 4:4

Topa in ama ii vaangletna taw minam tung thukhenin thiansua tu a, Jerusalem ii mawna le tua munah chi kibua sia silthiang tu hi.

Isaiah 49:21

Tuaciang nangma le nangma, ‘Tano hite theampo kei atu in akua in piangsak ziam? Keima in ka tate bosua zo a ka nei thua zo nawn bua hi, keima saltaangin hong kinotkeak a — hi patangte akua in vaak thong ziam? Keima nguak hong kinusia a — hi patangte koisung pan hong pai hi thong ziam?’ nang le nang na kici tu hi,” ci in zo hi.

Isaiah 62:11

Topa in leitung theampo ah thu a thansakna panin: “Topa sia no hong ngum tu in hong pai a, Ama ii suatak sa mite hong tonpui hi, ci thu Jerusalem mite tungah son vun,” ci hi.

Isaiah 8:8

Judah ngam sungah tuipawm bangin amate pai tu a, liangko dong tui khangin na theampo khum siat tu hi,” ci hi. Pathian sia eite taw omkhawm hi! Ama ii tha kiphalte in ngam hu hi.

Jeremiah 4:17

mihingte lo hung bangin Jerusalem kiim uum tu uh hi, banghang ziam cile a mite in Topa a langpan hang ahi hi. Topa in ci zo hi.

Jeremiah 6:2

Zion khuapi et hoi hi, ahihang kisusia tu hi;

Kaa late 2:1

Topa a thin uuk in Zion sia khuazing taw tuam zo hi. A vantung hoina te ama in sia sak zo hi. A thin uuk ni in a Biakinnpi ngawngawn nusia hi.

Kaa late 2:6

Ama ih biakna mun Biakinnpi sia ama in a bebekin sutham hi. Ama in ni thiangthote le Sabbath te bosak zo hi. Kumpipa le thiampipa in ama thin uukna a kibangin thuak khawm uh hi.

Zechariah 2:10

Topa in, “Jerusalem mite awng, lungdamin lasa vun! Note sungah a teang tu in kong pai hi!” ci hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

John 12:15

“Zion khuapi awng lau heak in! Hi sungah na kumpipa hong pai a, laano tungah to hi.”