Isaiah 1:7 - Syin Chin Bible

⁷ Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 1:7 Iomraidhean Croise

2 Khangtaanghthu 28:5

Ahaz kumpipa mawna hangin Topa a Pathian in ama Syria kumpipa in zosak a, Judah mi tam mama manin Damascus ah thongtaak tu in paipui hi. Topa in Ahaz sia Remaliah ii tapa Israel kumpipa Pekah zongh in zosak a, ni khat thu in Judah ngalkap ngalhangbel 120,000 thatsak hi. Judah mite in a taanghpupite ii Pathian, Topa a nusiat hu in hi bangin piang hi.

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Psalm Late 107:39

Ngitlo zawthawkna le ngim nganate hangin, Pathian mite ngallel in zawnsak a thuak uh ciang,

Psalm Late 109:11

A leibatnate in a neisa theampo laaksak tahen a, ama sep thaman theampo khualmite in nga tahen.

Isaiah 1:8

Jerusalem khuapi bek taanglai a, tua zongh ki uumci a — sapithuan sungah huan cingpa ii buk ahibuale, tangmai huan ah thaampheang bangin, a hung tu le a cing tu nei ngawl hi.

Isaiah 3:8

Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi.

Isaiah 34:9

Edom ngunte sia kattazasi suak tu a, leitang sia kaan suak tu hi. Ngam buppi sia kattazasi hal bangin kuang tu hi.

Isaiah 49:19

“Na ngam sia lalcipin kinusia a — ahihang tu in tualai ah a teang tu hong pai mite atu in toi lei tu hi. A siacipin nang hong nusia mite in nang taw a kikhuala na ah kikhiin tu uh hi.

Isaiah 5:17

A sia sa khuapite sungah tuute in lopa ne tu a, kealnote in a tatna tu mun mu tu hi.

Isaiah 5:9

Vaanglianbelpa Topa in, “Hi a lian a pha inn theampo a hawm suakin lal tu hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Isaiah 60:15

“Nang sia hong kinusia nawn ngawl, hong ki ensan nawn ngawl tu a, A kinusia khuapi le a ngamkhing khuapi na hi nawn buatu hi. Keima in nang sia a lian le a mealhoi in kong vawt tu a, A tawntung, a tawntungin lungdamna munin kong vawt tu hi.

Isaiah 62:8

Topa in a ciliap huai kamciamna khat pia zo a, Ama vaangletna taw tua kamciamna taangtungsak tu hi: “Na antangte sia na ngalte an hi nawn ngawl tu a, Ngamdangmite in na sapittui ne nawn ngawl tu uh hi.

Isaiah 64:10

Na khuapi thiangthote sia sennealngam khat bang ahi hi; Jerusalem sia a kinusia a lalcip khat ahi hi,

Isaiah 9:18

Mihingte ii seksolna in lingkungte le a mulnei lingkungte a kaanghtumsak mei bangin kuang hi. Meikhu lomtangh a piangsak ngamkaang bangin kuang hi.

Isaiah 9:5

Ngalsim a hong kuan ngalkapte ii peangdapte le chi baang amate puante theampo sia mei taw kihal tu hi.

Jeremiah 2:15

Amate in tawpi bangin ama hawk san uh hi; amate in ama ngam sennealngam suaksak zo hi, a khuate siasak zo a, kinusia cip zo hi.

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 44:6

Tua ahikom ka thin uukna le ka thinsona sia Judah ngam khuate le Jerusalem lampite tungah ka buak a, tuate sia mei taw ka hal hi. Tuni a na mu uh bangma in tuate sia a kisiacip in om a, a lipkhaphuai suak hi.

Jeremiah 6:8

Jerusalem mite awng, hi ngimnate sia na kidop natu uh hi tahen, tua ahibuale no kong nusia tu hi; na khuapi sia kuama ii ten ngawlna mun sennealngam ka suaksak tu hi,” ci hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Kaa late 5:2

Kote neisa sia khualmite khut sungah om a; ngamdangmite sia koma inn sungah teang uh hi.

Ezekiel 25:4

Tuabangin lawp na hi uh kom, nisuana sennealngam pan minamte in kong zothalsak tu hi. Amate in na ngam sungah ngiaphual hong saat tu a, tua munah teang tu uh hi. Noma neak tu noai le thingngate a ne tu uh hi.

Ezekiel 30:12

Nile nguntui ka kangsak tu a, mi ngilote khutnuai ah Egypt ka koi tu hi. Ngamdangmite in tua ngam bup susia tu hi. Keima Vaanglianpipa Topa in ka son zo hi,” ci hi.

Hosea 7:9

hi ngamdangte a suanna in amate thahatna kisut ahi hunlam phawk ngawl uh hi. Amate ii ni hunte kiciangtan hi, ahihang amate in tua ngawngawn zongh he ngawl uh hi.

Hosea 8:7

Amate in vuipi thaicii a poai ciang, vuipi suangval at tu hi! A min ngawl lo ante in bangma hun anluum piangsak thei ngeingawl hi. A piangsak hial zong, ngamdangmite in netum tu hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Thiampite 26:34

Tuasia ciang tawlngak hun na piak ngawl, na leitang ii nuamsa in a tawlngak hunnuam kumte hi tu hi. Tuasia kinusia in ngam thimtham hong suak tu a, na ngalte ngam ah sal na tan hun sung teng na leitang tawlnga tu hi.

Micah 5:11

Na ngam sungah khuapite ka susia tu a, na kidalna theampo ka balkeak tu hi.

Micah 6:13

Tua ahikom, na mawnate hangin a lalsak le a siasak tu in kong kipan zo hi.

Thuhil kikna 28:33

Haksa takin na ciin sa lo ante ngamdang minam khat in hong laksak tu a, bangma nga ngawlin nencipna le vawtsiatna bek na thuak tawntung tu hi.

Thuhil kikna 28:43

“Na ngam sungah a teang ngamdangmite in vaang nei vaial tu a, note na hi uh le dadamin na vaang bo tu hi.

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.