Isaiah 1:5 - Syin Chin Bible

⁵ Banghangin hong langpan lalai nu ziam? Daan thuak thua nuam lai nu ziam? Israel te awng, na lu tung theampo liamma dim zo a, na thin uh ngim mama hi.

Isaiah 1:5 Iomraidhean Croise

2 Kumpite 1:13

Khatvei ma kumpipa in ulian khat le mihing sawmnga sawl hi. Ama mual tungah kaato in, Elijah mai ah khupdinin, “Pathian ii mipa awng, kei le ka mite hong hesuak ta'n. Ka nuntakna uh hong khoaikhe ta'n!

2 Khangtaanghthu 28:22

Ahaz sia a thinngimbel hun hong thet ciang Topa tungah nidang sangin zongh maw zaw lai hi.

Nehemiah 9:34

Koma taanghpupite, kumpite, lampuite le thiampite in na Thukham zui ngawl uh hi. Amate in na thupiakte le a kidop natu thu te ngai ngawl uh hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 31:6

Pathian in, “Israel mihingte awng, kei tungah nong maw zo uh a, nong langpan zo uh hi. Ahitazong tu in kei kung hong zuan kik tavun!

Isaiah 33:24

Ih leitang tungah a teang mite kuama in ka ciina hi ci in phun kik ngei nawn ngawl tu a, tuaciang mawna theampo kimaisak tu hi.

Isaiah 9:13

Israel mihingte kisiik kik ngawl hi; Vaanglianbelpa Topa in amate daan a piak zawk ngawngawn zongin, Topa kung zuan kik tuan ngawl uh hi.

Isaiah 9:21

Manasseh mihingte le Ephraim mihingte khat le khat kisim a, tuaciang amate in Judah sim khawm uh hi. Tuabangza ngawngawn zongin Topa thin uukna thaisak zo ngawlin; daan pia tu in a khut kivavaan lai hi.

Jeremiah 13:23

Mihing civom pa khat in a civom sia theak thei tu ziam, pawlbeam khat in a pawlna vawk thei tu ziam? A theak thei uh ahile siatna simngawl vawt dang a nei ngawl no zongh in a pha vawt tu sin thei tu nu hi.

Jeremiah 17:9

“Akua in mihingte thinsung tel thei ziam? tuabangza a ngualtheam thei dang bangma om ngawl hi; a natna sia nasia leih ahikom dam thiang zo ngawl tu hi.

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 44:15

Tuaciang a zite in pathian dangte tungah biakpiakna a nei hunlam a he pasal theampo le tua munah a ding numei theampo a kipan Egypt ngam thang sangah a teang Israel te — tua mihonpi in — keima tungah,

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 5:5

Mihingte kungah vaangletna taw ka pai tu a, amate taw thu ka son tu hi. A tatakin ci leang amate in a Pathian ii a kat sia he takpi a, amate ii a sep tu, Topa deina sia he uh hi,” ci in ka ngaisun hi. Ahihang amate theampo in Topa ii thuneina nialin, a thu ni nuam ngawl uh hi.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Kaa late 5:17

Kote ii ka thin ka lung mama uh na a, ka thituite uh hangin pha tak khua ka mu thei bua uh hi,

Ezekiel 24:13

Jerusalem awng paktat ngamtatnate in nang hong niinsak zo hi. Thiansua tu in kong hanciam hangin na nin veve lai hi. Ka thin uukna a cingin na thuak mateng na thiangtho kik buatu hi.

Ezekiel 34:16

“Keima in a bote ka zong tu a, a lampial te ka khoi kik tu hi, a liamte a liamma ka tuamsak tu a, a ciinate ka damsak tu hi; ahihang thau in a thahatte ka susia tu hi, banghang ziam cile keima in a maan in a ngamta tuucingpa ka hi hi.

Ezekiel 34:4

Note in tuu zawngkhalte na ou bua uh a, a ciinate bawl ngawl, a liamte a liamma tuamsak ngawl, a lampialte khoi kik ngawlin, ahibuale a bote na zong kik bua uh hi. Tuasia luangin na vawtsia lalai uh hi.